უჩა ზაფანა

უჩა ზაფანა (ლათ. Píper nígrum) — მიარეწანიანი კარკატია ჩანარი, ზაფანაშობურეფიშ ფანიაშ ზაფანაშ (Piper) გვარშე. ჩანარი იკულტივირებუ თიშ გჷმნაღელიშ გეშა, ნამუშე შხვადოშხვა დამუშებაშ რზათ გიშმაჸუნა ორკვანალეფი, სამანგათ უჩა ზაფანა, ჩე ზაფანა, წვანე ზაფანა დო ვარდიშფერი ზაფანა (წვანე დო ვარდიშფერი ზაფანაშ ჯოხოშ გიმე, თაშნეშე შხვა ჩანარეფიშ გჷმნაღელი რე ჩინებული, ნამუეფსჷთ უჩა ზაფანაწკჷმა მუთუნნერი რსხუ ვაუღჷნა).

გოფაჩუა დო ორთაშობური ორენი

უჩა, ჩე, წვანე დო ვარდიშფერი (ბრაზილიური) ზაფანა

უჩა ზაფანაშ ოდაბადე ინდოეთი რე. მალაბარიშ ოლქი (ასე კერალაშ შტატი), ნამუთ ინდოეთიშ ობჟათე-ბჟადალ წყარპიჯის იდვალუაფუ, ნამუსჷთ კინოხ ჯოხოდჷ მალიჰაბარი.

უჩა ზაფანა მოჸუნა ტროპიკეფს.