ფარაშ დორჩიოლაფა
ფარაშ დორჩიოლაფა — უკანონე შარეფით მეღებული ფარაშ აღალაკეფიშ ვარდა დორხველიშ შხვა ფორმეფიშ ლეგალიზაფა, თინეფიშ ორუამი, უფორმალურე ეკონომიკაშე ფორმალურშა გინოჸონაფაშ თიშო, ნამდა ათე აღალაკეფიშ მინდორო (ირკოჩიში წოხოლე) ხვარებაქ იჸუას შესალებერქ.
დარჩიოლებაშ პროცესის ხვადუ მუშნალიშ ნანდული წყუშ გინოტყობინი, რეალური მორაგადინეფიშ ფორმალურით თირუა, მაგ. დუმამოწვებელი დოკუმენტეფიშ გატყურებათ, მასუმა პიჯეფიშ დოკუმენტეფიშ გიმორინაფათ დო თეჯგურეფი. ეკონომიკაშ გლობალიზაციას ფარაშ დარჩიალაფარო შხირას ოფშორულ ზონეფს გიმირინუანა, თენა რე ქიანეფი თ.ფ. საღალე სამთხეთ, სოდეთ ობანკე სისტემეფს ბენეფიციარეფიშ კონფიდენციალურობა ფულირი რე.
მუჭოთ იჩიებნან, ათე ტერმინქ ააშ-ს დირსხჷ 1920-იან წანეფს. ამერიკული მაფიაქ კრიმინალური შარათ შიბელი ფარაშ აღალაკეფიშ ლეგალიზაციეფშო ავტომატური ონახვალეფიშ გონწყუმა დიჭყჷ. მორო ამერიკელი ავტორი ჯეფრი რობინსონიშ არზით, ენა აში ვარე. თიში ნარაგადით ტერმინი „ფარაშ დორჩიოლაფა“ (ინგლ. money laundering) მაართათ ბრიტანული გაზეთიქ „The Guardian“-ქ გიმირინუ უოტერგეიტიშ სკანდალიშ პერიოდს რიჩარდ ნიქსონიშ ოსხუნალი კამპანიაშ უკანონე ფინანსუაშ ოშინალო.
საქორთუოშ კანონს, მუჭოთ ევროპაშ ბრელ ქიანას, იურიდიულო დაკვიდრებული რე ტერმინი „უკანონე მუშნალიშ ლეგალიზაცია“ დო თინა, „უკანონე მუშნალიშ ლეგალიზაციაშ ეკვათუაშ ხეშენწყუალაშ გეშა“ საქორთუოშ კანონიშ მეჯინათ, ათეშნერო რე გინოსანძღვილი: უკანონე მუშნალიშ კანონიერი სახეშ მეჩამა (ჸიდირი, გჷმორინაფა, გინოჩამა ვარდა შხვა მუდგაინიშ ქიმინუა), ხოლო თიში ნანდული გორჩქინაშ, მინჯეშ ვარდა მაღვენჯიშ ვარდა/დო ქონებაშ უფალებეფიშ ფულუა ვარდა გინოფორუა ვარდა ათეჯგუა საქვარიშ ღოლამაშ ცადება.
მუში არზით, ფარაშ დორჩიოლაფა, იკათუანს ოპერაციეფიშ ძნელი ერიანობას, ნამუში ღანკი რე ფინანსური აქტივეფიშ წყუშ თიშნერო გინოფორუა, ნამდა ათეჯგუა აქტივეფიშ გჷმორინაფა კომპრომეტაციაშ უმშო იჸუას შესალებერქ. სპეციალისტეფი რთუნა ფარაშ დორჩიოლაფაშ მუსხირენ ეტაპის. მეღებული რე სუმი ეტაპო რთუალა: დორინა, ჭკანჭკუა, ინტეგრაცია. მოროა ოპერაციეფიშ სიძნელეშე ირაგადე ნამდა სანძღოშ გოლუაფა ათე ეტაპეფს შქას ძამი ძნელი რე დო აპონი რე ფარაშ დჷმარჩიალაფარი კოჩიშ ვარდა ბუნაშ ინტელექტუალურ მოზადებაშა დო ფანტაზიას.
რესურსეფი ინტერნეტის[რედაქტირაფა | წყუშ რედაქტირაფა]
- Money laundering ვებ-ხასჷლას Open Directory Project
- UNODC – United Nations Office on Drugs and Crime – on money-laundering and countering the financing of terrorism
- Financial Market Integrity Unit, The World Bank
- US Department of State International Narcotics Control Strategy Report (INCSR), annual report issued in March every year. Essential reading for all compliance officers for evaluating country money laundering risk
- HSBC Fined 1.9bn for money laundering