ფერდინანდ II არაგონალი
| ფერდინანდ II არაგონალი ესპ. Fernando II de Aragón | ||
 ფერდინანდ II არაგონალიშ პორტრეტი (მიხელ ზიტოვიშ ნახანტა) | ||
| არაგონიშ მაფა | ||
|---|---|---|
| პოსტის გერინაშ ბორჯი | ||
| 20 ღურთუთა, 1479 – 23 ღურთუთა, 1516 | ||
| წიმოხონი | ხუან II | |
| მონძე | ხუანა I | |
კასტილიაშ დო ლეონიშ მაფა (მუჭოთ ფერდინანდ V) | ||
| პოსტის გერინაშ ბორჯი | ||
| 15 ღურთუთა, 1475 – 26 გერგობათუთა, 1504 | ||
| წიმოხონი | იზაბელა I კასტილიარი | |
| მონძე | ხუანა I | |
| დუნაბადი | 10 მელახი, 1452 სოს-დელ-რეი-კატოლიკო, არაგონი | |
| ნაღურა | 23 ღურთუთა, 1516 (63 წანერი) მადრიგალეხო, ესტრემადურა | |
| ნთხორუ აბანი | გრანადაშ ომაფე კაპელა | |
| მუმა | ხუან II | |
| ნანა | ხუანა ენრიკესი | |
| ალმასქუ | იზაბელა I კასტილიარი ჟერმენა დე ფუა | |
| სქუალეფი | იზაბელა, პორტუგალიაშ დიაფალი ხუანი, ასტურიაშ პრინცი ხუანა I, კასტილიაშ დო ლეონიშ დიაფალი მარია, პორტუგალიაშ დიაფალი კატალინა, ინგლისიშ დიაფალი ალონსო, სარაგოსაშ არქიეპისკოპოსი | |
| რელიგია | კათოლიციზმი | |
| ხეშმოჭარუა |  | |
ფერდინანდ II არაგონალი (ესპ. Fernando II de Aragón; დ. 10 მელახი, 1452 — ღ. 23 ღურთუთა, 1516) — არაგონიშ მაფა 1479-1516 წანეფს დო მუჭოთ იზაბელა I კასტილიარიშ ალმასქუ კასტილიაშ დო ლეონიშ მაფა 1475-1504 წანეფს, ტრასტამარაშ დინასტიაშ წჷმმარინაფალი. ფერდინანდიქ დო იზაბელაქ დინასტიური უნიათ აკაართიანეს ესპანეთი. ფერდინანდი დო იზაბელა შინელი რდეს მუჭოთ კათოლიკე მონარქეფი.
ფერდინანდი მერჩქინელი რე ესპანეთიშ დეფაქტო მაართა მაფათ დო მართუალაშ ბორჯის თაში მიშინუაფუდჷ. მარა რეალურო კასტილია/ლეონი დო არაგონიშ ომაფეეფი ზოხო-ზოხო სახენწჷფოეფი რდჷ. თინეფიშ რეალური გოართოიანაფაქ მოხვადჷ მავითობრუო ოშწანურაშ დაჭყაფუს.
ფერდინანდიქ არაგონიშ გირგვინი მიპალუ მონძეობათ 1479 წანას. არაგონიშ გირგვინიშ მართუალაშ თუდო რდჷ არაგონი, ვალენსია, მაიორკა, სარდინია, სიცილია დო თაშნეშე კატალონიაშ სათარო. ფერდინანდიშ დო იზაბელაშ დინასტიური უნია ითვალუ ესპანეთიშ მონარქიაშ გოჭყაფაშ ფუნდამენტო. თინეფქ 1492 წანას დაფინანსეს ქრისტეფორე კოლუმბიშ მაართა შარალუა დო ჸათე ნაბიჯით არსულეს კაბეტი როლი ამერიკაშ კოლონიზაციას. თე წანას მონარქეფქ დამარცხეს დო მოჯალაგეს გრანადაშ საამირო, ნამუთ ეკონია ზოხორინელი მუსულმანური სახენწჷფო რდჷ ბჟადალი ევროპას. ჸათე მოლინათ გეთუ რეკონკისტაშ ხანგჷრძე პროცესიქ ესპანეთის.
იზაბელაშ ღურაშ უკულ, კასტილიაშ დო ლეონიშ დიაფალო გინირთჷ ხუანაქ, ნამუსჷთ მენტალური პრობლემეფი უღუდჷ დო ჸათეშ გეშათ ხანგა ხუანას ხოლო უძახჷდეს. თიში რეგენტი რდჷ მუმა - ფერდინანდი. 1504 წანას ფერდინანდიქ, საფრანგეთიწკჷმა ლჷმეფიშ უკულ, ქიდეკინჷ ნეაპოლიშ ომაფე. 1506 წანას ფერდინანდიქ საფრანგეთიწკჷმა ქუდოდვუ ოთინჩალე ხეკულუა დო ოსურო ქიმიჸონჷ ჟერმენა დე ფუა, ფრანგული გოლინიანი ფანიაშ წჷმმარინაფალი. 1512 წანაშო ფერდინანდიქ ქიდეკინჷ ნავარაშ ომაფე. ჸათე ბორჯიშო ფერდინანდიშ ხეშუულებაშ თუდო რდჷ თეხანური ესპანეთიშ ტერიტორიეფიშ უმენტაშობა. თიში ღურაშ უკულ, 1516 წანას ომაფე ხვისტაშა ეშართჷ ხუანაქ.