ფილდსიშ მენდალი

ვიკიპედიაშე
ფილდსიშ მენდალი

ფილდსიშ მენდალი (ინგლ. Fields Medal) რე ჯილდო ნამუთ გინმიჩამუ ოთხ წანაშა ართიშა, მათემატიკაშ საირქიანო რსხუშ საირქიანო კონგრესის. კონგრესი იმანჯებჷ ირ ოთხ წანას, შხვადოშხვა ლოკაციას. ჯილდოშა ნომინირაფილი მათემატიკოსეფი ოკო რდან ხანით 40 წანაშახ. ჯილდო შილებე მიაჩას ართდროულო ჟირი, სუმი დო ვარ და ოთხ მათემატიკოსის. ფილდსიშ მენდალი ართ-ართი უპრესტიჟულესი ჯილდო რე მათემატიკაშ დარგის დო თის მათემატიკაშ ნობელიშ პრემიას ხოლო უძახუნა. მედალი გიშარჩქინელი კანადარი მათემატიკოსიშ ჯონ ჩარლზ ფილდსიშ ჯოხონობაშ რე, ნამუთ რდჷ მედალიშ დორსხუაფაშ ინიციატორი დო დჷმაფინასებელი. ფილდსიშ მენდალიშ მაართა ლაურეატეფი რდეს მათემატიკოსეფი: ფინარი ლარს ალფორსი დო ამერიკალი ჯესი დუგლასი , 1936 წანას. ფილდსიშ მენდალიშ მაართა ოსური ლაურეატი რდჷ ირანალი მათემატიკოსი მარიამ მირზახანი, 2014 წანას. ფილდსიშ მენდალს მოჸუნს ფინანსურო პრემია 15,000 კანადური დოლარიშ მუდანობათ. 2018 წანაშ მუნაჩემეფით ფილდსიშ მენდალი გინოჩამილი რე 60 მათემატიკოსიშა. ჸათნეფშე ხვალე ართი რდჷ (ედვარდ ვიტენი), ნამუსჷთ დოქტორიშ ხარისხი (PhD) მათემატიკას ვაუღუდჷ.

რესურსეფი ინტერნეტის[რედაქტირაფა | წყუშ რედაქტირაფა]