დინორეშა გინულა

მარიამ მირზახანი

ვიკიპედიაშე
მარიამ მირზახანი
სპარს. مریم میرزاخانی

მარიამ მირზახანი მათემატიკოსეფიშ საირქიანო კონგრესის, სეულს (2014 წ.)
დაბადებაშ თარიღი:

12 მესი, 1977

დაბადებაშ აბანი:

თეირანი, ირანი

ღურაშ თარიღი:

კვირკვე 14, 2017 (40 წანერი)

ღურაშ აბანი:

სტენფორდი, კალიფორნია, ააშ

მენოღალობა:

ირანიშ შილა ირანი
ამერიკაშ აკოართაფილი შტატეფიშ შილა ააშ

ომენცარე სფერო:

მათემატიკა

სამუშაშ აბანი :

ფრინსთონიშ უნივერსიტეტი
სტენფორდიშ უნივერსიტეტი

ალმა-მატერი:

შარიფიშ ტექნოლოგიური უნივერსიტეტი
ჰარვარდიშ უნივერსიტეტი

ომენცარე ხემანჯღვერი:

კერტის მაკმალენი

ჯილდოეფი დო პრემიეფი:

ბლუმენტალიშ პრემია (2009)
სატერიშ პრემია (2013)
კლეიშ ინსტიტუტიშ პრემია (2014)
ფილდსიშ მენდალი (2014)

მარიამ მირზახანი (სპარს. مریم میرزاخانی, დ. 12 მესი, 1977, თეირანი, ირანი — ღ. 14 კვირკვე, 2017, სტენფორდი, კალიფორნია, ააშ) — ირანალი-ამერიკალი მათემატიკოსი.

ბიოგრაფია[რედაქტირაფა | წყუშ რედაქტირაფა]

მარიამ მირზახანი გურაფულენდჷ მათემატიკას შარიფიშ ტექნოლოგიურ უნივერსიტეტის, სოდეთ მიპალუ ბაკალავრიშ ხარისხი 1999 წანას. მალას ოცხოვრებშა დო ომუშებუშა ამერიკაშა გეგნორთჷ დო გურაფა გაგინძორჷ ჰარვარდიშ უნივერსიტეტის. მირზახანიქ ოდოქტორე დისერტაცია თხილუ 2004 წანას გიშარჩქინელი ამერიკალი მათემატიკოსიშ კერტის მაკმალენიშ ხემანჯღვერობათ. გურაფაშ თებაშ უკულ მირზახანი მუშენდჷ კლეიშ მათემატიკაშ ინსტიტუტის დო ფრინსთონიშ უნივერსიტეტის. 2009 წანაშე რდჷ სტენფორდიშ უნივერსიტეტიშ მათემატიკაშ პროფესორი. მარიამ მირზახანიშ მენცარული ინტერესეფიშ სფერო რდჷ: ტეიხმიულერიშ თეორია, ლობაჩევსკიშ გეომეტრია, ერგოდიკული თეორია დო სიმპლექტიკური გეომეტრია. მარიამ მირზახანი რდჷ შხვადოშხვა მათემატიკური ოლიმპიადეფიშ გომორძგვილი დო პრესტიჟული ჯილდოეფიშ ლაურეატი. მირზახანის 2009 წანას გინოჩეს ბლუმენტალიშ პრემია, 2014 წანას მიპალუ ფილდსიშ მენდალი. მირზახანი რდჷ ამერიკაშ მენცარობეფიშ ერუანული აკადემიაშ დო ამერიკაშ ხელუანობეფიშ დო მენცარობეფიშ აკადემიაშ მაკათური. მარიამ მირზახანიქ ღურუ 2017 წანაშ 17 კვირკვეს, კიდირიშ კიბოთ. მირზახანი 40 წანერი რდჷ.

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: