ფილიპე II მაკედონარი
| ფილიპე II მაკედონარი ბერძ. Φίλιππος | ||
.jpg) | ||
| მაკედონიაშ მაფა | ||
|---|---|---|
| პოსტის გერინაშ ბორჯი | ||
| ჯვ. წ. 359 – ჯვ. წ. 21 გჷმათუთა, 336 | ||
| წიმოხონი | ამინტას IV | |
| მონძე | ალექსანდრე მაკედონარი | |
| დუნაბადი | ჯვ. წ. 382 პელა, მაკედონია | |
| ნაღურა | ჯვ. წ. 21 გჷმათუთა, 336 აიგაი, მაკედონია | |
| ნთხორუ აბანი | აიგაი, მაკედონია (ასეიანი ვერგინა, საბერძნეთი) | |
| მუმა | ამინტას III | |
| ნანა | ევრიდიკა | |
| ალმასქუ | აუდატა ფილა ნიკესიპოლიდა ოლიმპიადა ფილინა მედა კლეოპატრა | |
| სქუალეფი | კინანა ფილიპე III არიდეოსი ალექსანდრე მაკედონარი კლეოპატრა თესალონიკა ევროპა კარანოსი | |
| რელიგია | ჯვეშბერძენული რელიგია | |
ფილიპე II მაკედონარი (ბერძ. Φίλιππος, დ. ჯვ. წ. 382 — ღ. ჯვ. წ. 21 გჷმათუთა, 336) — მაკედონიაშ მაფა (ბასილევსი) ჯვ. წ. 359-336 წანეფს, არგეადეფიშ დინასტიაშ წჷმმარინაფალი. ფილიპე II-ქ საბერძნეთიშ გოართოიანაფას მიოჭირინუ არმიაშ რეორგანიზაციათ დო რეფორმირაფათ. შანულამი რდჷ მაკედონიური ფალანგა, ნამუქჷთ ილაჸაფჷ კაბეტი როლი ფილიპე II-შ ბრელი გომორძგუას. ჯვ. წ. 338 წანას, ქერონიაშ ლჷმას, ფილიპექ ორჯგინჷ ათენარეფიშ დო თებეარეფიშ კოალიციას. ფილიპექ დარსხუ კორინთოშ რსხუ, ნამუთ ბერძენული ნოღა-სახენწჷფოეფიშ ფედერაციული გოართოიანაფა რდჷ. ჸათე გოართოიანაფას ხემანჯღვერენდჷ ფილიპე II. ფილიპე აპირენდჷ ოურდუმე კამპანიაშ მონწყუალას აქემენიანეფიშ იმპერიაშ მეხჷ, მარა ვედეცალჷ. ჯვ. წ. 336 წანაშ 21 გჷმათუთას თინა დოჸვილეს. ფილიპეშ ღურაშ უკულ, მაკედონიაშ ომაფე ხვისტაშა ეშართჷ თიში სქუაქ ალექსანდრე მაკედონარქ.
ქოძირით თაშნეშე[რედაქტირაფა | წყუშ რედაქტირაფა]
ლიტერატურა[რედაქტირაფა | წყუშ რედაქტირაფა]
- Hammond, N.G.L. (1994). Philip of Macedon. Johns Hopkins University Press.
- Worthington, Ian (2014). By The Spear: Philip II, Alexander the Great, and the Rise and Fall of the Macedonian Empire. New York: Oxford University Press.