ჯვეში მაკედონია
|
ჯვეში მაკედონია | |||||||
| |||||||
|---|---|---|---|---|---|---|---|
| |||||||
| |||||||
| ნანანოღა | აიგაი (ჯვ.წ. 399 წანაშახ) პელა (ჯვ.წ. 399-168) | ||||||
| ნინა | ჯვეში მაკედონიური, ატიკური, კოინე | ||||||
| რელიგია | ჯვეშბერძენული რელიგია, ელინისტური რელიგია | ||||||
| ფარაშ ართური | ტეტრადრაქმა | ||||||
| ფართობი | 5,200,000 კმ² (ჯვ.წ. 323) | ||||||
| დუდალაშ ფორმა | მონარქია | ||||||
| დინასტია | არგეადეფი ანტიპატრიდეფი ანტიგონიდეფი | ||||||
| ბასილევსი | |||||||
| - ჯვ.წ. 359-336 | ფილიპე II | ||||||
| - ჯვ.წ. 336-323 | ალექსანდრე მაკედონარი | ||||||
| - ჯვ.წ. 179-168 | პერსევსი (ეკონია) | ||||||
| - ჯვ.წ 149-148 | ანდრისკე (პრეტენდენტი) | ||||||
.svg){kind=small}
მაკედონია (ბერძ. Μακεδονία) — ჯვეში ბერძენული სახენწჷფო, ნამუთ დარსხუ არგეადეფიშ დინასტიაქ. ომაფე იდვალუაფუდჷ ბალკანეთიშ ჩქონიშ ოორუე-ბჟაეიოლი ნორთის დო უხურგანდჷ ეპირუსი - ობჟათე-ბჟაეიოლიშე, ილირია - ოორუე-ბჟადალიშე, პეონია - ოორუეშე, თრაკია - ბჟაეიოლიშე დო თესალია - ობჟათეშე. მაკედონიაშ ჯინჯიერი მახორობა რდეს მაკედონიარეფი. თინეფიშ იდენტობაშ გეშა დისკუსია ასე ხოლო მეურს მენცარეფს შქას. ართი ვერსიათ მაკედონარეფი ეთნიკურო ბერძენეფი რდეს. ჸათე ვერსიას იზიარენდეს ისტორიკოსეფი ნ. ჯ. ჰამონდი, რ. ლეინ ფოქსი, ი. უორთინგტონი. მაჟირა ვერსიათ მაკედონარეფი ვარდეს ბერძენეფი დო მუთუნნერი სერიოზული ნტკიცება ვაარსებენს თინეფიშ ბერძენობაშ. ჸათე ვერსიაშ ჯერა მენცარეფს: ი. ბორზა, ე. ბადიანი, უ. ლ. ადამსი.
ჯვ. წ. მაანთხა ოშწანურას მაკედონია მორჩილი ომაფე რდჷ. ბერძენული ნოღა-სახენწჷფოეფი ნამუეფით ჸათე პერიოდიშო დომინირენდეს, რდჷ: ათენი, სპარტა დო თებე. არგეადი მაფა ფილიპე II-შ მართუალაშ ბორჯის (ჯვ.წ. 359-336), მაკედონიაქ გიფართინუ, თიქ ოურდუმე კამპანიეფით დო დიპლომატიური პოლიტიკათ ქიდეკინჷ საბერძნეთიშ შანულამი ნორთი დო ოდრისული ომაფე. ფილიპექ განძალიერჷ მაკედონიაშ არმია. რეფორმირაფაშ შედეგო, მაკედონიური ფალანგაშ თარი ანჯარი რდჷ ისინდი სარისა. ჯვ. წ. 338 წანას ქერონეიშ ლჷმას, მაკედონარეფქ ორჯგინეს ათენარეფიშ დო თებეარეფიშ კოალიციას. მაკედონიაშ ომაფექ უდიდაში ტერიტორიული ექსპანსიას მიოჭირინუ ფილიპეშ სქუაშ ალექსანდრე მაკედონარიშ მართუალაშ ბორჯის. ალექსანდრექ მოჯალაგუ აქემენიანეფიშ იმპერია დო ქიდეკინჷ ტერიტორიეფი ინდიშ წყარმალუშახ. ბორჯიშ კუნტა პერიოდიშ გოძვენას, მაკედონიაქ გინირთჷ მოსოფელიშ ართ-ართი უნძალიერაში სახენწჷფოთ. მოსოფელიშ მასშტაბით გიფაჩჷ ბერძენული კულტურაქ. ალექსანდრეშ ღურაშ უკულ (ჯვ. წ. 323 წანა), დიადოქოსეფიშ ლჷმაშ შედეგო ალექსანდრეშ იმპერიაქ აკოცუ, მარა მაკედონია იშენ სქიდუდჷ ბერძენული პოლიტიკური დო კულტურული ცენტრო. უკულიანი პერიოდეფს არდგილი უღუდჷ ლჷმეფს ხეშულობაშო. მაკედონიაქ ძალამს დედაღარჷ მაკედონიური ლჷმეფიშ შედეგო. სქირონაშქა ზუღაშ რეგიონს კაბეტი გოლინა მიპალუ რომქ. მასუმა მაკედონიური ლჷმაშ დათებუს, ჯვ. წ. 168 წანას, მაკედონიაშ ომაფექ გეუქვჷ დო თიქ გინირთჷ რომიშ სატელიტი სახენწჷფოთ. მაანთხა მაკედონიური ლჷმაშ უკულ, მაკედონიაქ გინირთჷ რომიშ ართ-ართი პროვინციათ.
ქოძირით თაშნეშე[რედაქტირაფა | წყუშ რედაქტირაფა]
რესურსეფი ინტერნეტის[რედაქტირაფა | წყუშ რედაქტირაფა]
|
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |