ფილიპინეფიშ პრეზიდენტი

ფილიპინეფიშ პრეზიდენტი; ესპ. Pangulo ng Repulika ng Pilipinas
	; ფილიპინეფიშ პრეზიდენტიშ შტანდარტი
	მოქიმინჯე:; ბონგბონგ მარკოსი; 30 მანგი, 2022
მემართუაშ სტილი	პატჷნი პრეზიდენტი, თიში უდიდაშულობა
ტიპი	აბრევიატურა: POTPH
რეზიდენცია	მალაკანიანგი, მანილა
ხანიშ განწეობა	6 წანათ, მაჟირაშა გიშაგორუაშ უმუშო
დირსხუ	22 მესი, 1899
მაართა პოსტის	ემილიო აგინალდო
ხელფასი	₱375,000 თუთას /; ₱5,200,000 წანმოწანას
ვებ-ხასჷლა	ოფიცილაური ვებ-ხასჷლა]; ოფიცილაური ვებ-ხასჷლა 2

ფილიპინეფიშ პრეზიდენტი (ფილიპ. Pangulo ng Pilipinas, კანკალეშა მიშინუაფუ მუჭოთ ფილიპ. Presidente ng Pilipinas) — ფილიპინეფიშ სახენწჷფოშ მადუდეშ დო თარობაშ მადუდეშ ტიტული. პრეზიდენტ დუდენს ფილიპინეფიშ თარობაშ ემაჸონაფალ ნორთის დო რე ფილიპინეფიშ აკოანჯარაფილ ნძალეფიშ უმაღალაშ ურდუმდუდი.

პრეზიდენტ გიშმეგორუაფუ ბონ გიშაგორუეფით ფილიპინეფიშ მენოღალეეფიშით დო თინა რე ჟირ ერუანულ მასშტაბით გიშაგორუან ემაჸონაფალ ოფიციალურ პიჯშე ართ-ართი (მაჟირა რე ფილიპინეფიშ ვიცე-პრეზიდენტი). მარა, ისტორიაშ განწეხანს, ოთხ ვიცე-პრეზიდენტიქ პრეზიდენტიშ პოსტ გიშაგორუეფიშ უმუშო დეკინეს, პრეზიდენტიშ საპრეზიდენტო ხანიშ განწეობას ღურაშ ვარ-და გინორინაშ გეშა.

ფილიპინარეფ მუნეფიშნინაშა პრეზიდენტის, მუჭოთ წესი, „pangulo“-ს ვარ-და „presidente“-ს უძახჷნა. პრეზიდენტიშ გამაგალა გოჭოფილ რე ართ 6-წანიან ხანით. 1987 წანაშ ფილიპინეფიშ კონსტიტუციაშ VII ბუნაშ, მა-4 სექციაშ მეჯინათ, პრეზიდენტის „ვაუღჷ მაჟირაშა გიშაგორუაშ ნება“ დო „ნამთინ პიჯის, მიდგაქ პრეზიდენტიშ აბან დეკინჷ დო თე პოსტის ოთხ წანაშე უმოს ხანით მოღალენდჷნ, ვაუღჷ ნება თე პოსტშა გიშაგორილქ იჸუას ნამდგა ბორჯის“. მარა, თე კონსტიტუციურ გოჭოფუა ვაკორცუაფე გლორია მაკაპაგალ-აროიოშ შვანს, თიშ უმკუჯინუო, ნამჷ-და თინა პრეზიდენტიშ პოსტის 9 წანას, 5 თუთას დო 29 დღას მოღალენდჷნ,^[1] 2001-შე 2004 წანაშა (სუმ წანა დო გვერდი), პრეზიდენტ ჯოზეფ ესტრადაშ აბანიშ დაკებაშ უკული, მიდგაქ პოსტშე მაჟირა EDSA რევოლუციაშ შედეგო გეგნარინესჷნ,^[2] დო 2004 წანაშე 2010 წანაშა, მუჟანსჷთ თინა მუშ ნებათ გიშაგორილ პრეზიდენტ რდჷნ.^[3]

ფილიპინეფიშ პრეზიდენტეფიშ ერკებული

	ჯოხო	მოღალობაშ დოჭყაფა	მოღალობაშ თება
1.	ემილიო აგინალდო	23 ღურთუთა 1899	1 პირელი 1901
2.	მანუელ კესონი	15 გერგობათუთა 1935	1 მარაშინათუთა 1944
3.	ხოსე ლაურელი	14 გჷმათუთა 1943	17 მარაშინათუთა 1945
4.	სერხიო ოსმენია	1 მარაშინათუთა 1944	28 მესი 1948
5.	მანუელ როხასი	28 მესი 1946	15 პირელი 1948
6.	ელპიდიო კირინო	17 პირელი 1948	30 ქირსეთუთა 1953
7.	რამონ მაგსაისაი	30 ქირსეთუთა 1953	17 მელახი 1957
8.	კარლოს გარსია	18 მელახი 1957	30 ქირსეთუთა 1961
9.	დიოსდადო მაკაპაგალი	30 ქირსეთუთა 1961	30 ქირსეთუთა 1965
10.	ფერდინანდ მარკოსი	30 ქირსეთუთა 1965	25 ფურთუთა 1986
11.	კორასონ აკინო	25 ფურთუთა 1986	30 მანგი 1992
12.	ფიდელ რამოსი	30 მანგი 1992	30 მანგი 1998
13.	ჯოზეფ ესტრადა	30 მანგი 1998	20 ღურთუთა 2001
14.	გლორია მაკაპაგალ-აროიო	20 ღურთუთა 2001	30 მანგი 2010
15.	ბენინიო აკინო	30 მანგი 2010	30 მანგი 2016
16.	როდრიგო დუტერტე	30 მანგი 2016	30 მანგი 2022
17.	ბონგბონგ მარკოსი	30 მანგი 2022	ასეშა