ფოკა (ბიზანტია)
| ფოკა ლათ. Focas ბერძ. Φωκάς | ||
 მაშკვითა ოშწანურაშ ნოჭახნაკუ, ნამუთ შილებე რდას ფოკაშ გჷმოხანტუა | ||
| ბიზანტიაშ იმპერატორი | ||
|---|---|---|
| პოსტის გერინაშ ბორჯი | ||
| 23 გერგობათუთა, 602 – 5 გჷმათუთა, 610 | ||
| წიმოხონი | მავრიკიოსი | |
| მონძე | ჰერაკლე | |
| დუნაბადი | 547 თრაკია ვარდა კაპადოკია | |
| ნაღურა | 5 გჷმათუთა, 610 (62-63 წანერი) კონსტანტინოპოლი | |
| ნანა | დომენცია | |
| ალმასქუ | ლეონტია | |
| სქუალეფი | დომენცია | |
| რელიგია | ქალკედონიური ქირსიანობა | |
ფლავიუს ფოკა (ლათ. Focas, ბერძ. Φωκάς, დ. 547 — ღ. 5 გჷმათუთა, 610) — ბიზანტიაშ იმპერატორი 602-610 წანეფს, უზურპატორი. ნინალენდჷ ბიზანტიაშ არმიას. 602 წანას, მუჟამსჷთ არმიაქ ეარყჷ იმპერატორი მავრიკიოსიშ მეხჷნჷ, ფოკა გოუტეს კონსტანტინოპოლიშა მუჭოთ არმიაშ წჷმმარინაფალი დო იმპერატორიწკჷმა მმარაგადაფალი.
ფოკაქ ქისარგებლჷ არყებათ, გინირთჷ თიში ლიდერო, გეგთარაგუ მავრიკიოსი დო თინა მუში ამშვი ქომოლსქუაწკჷმა ართუ ღურათ დასაჯჷ. 602 წანაშ 23 გერგობათუთას, ფოკაქ დუდი იმპერატორო გეგმაცხადჷ. ფოკა ვემუღებჷ ჯგირო ბიზანტიური ჯარალუას. ბიზანტიარეფიშო თინა უზურპატორი რდჷ. ფოკას, მართუალაშ ბორჯის მუთუნნერი შანულამი წჷმოძინეფიშა ვემუჭირინუაფუ. თის ჯგირი ურთიართალა უღუდჷ რომიწკჷმა დო ეკლესიაშ მადუდეთ გეგმაცხადჷ რომიშ პაპი. ფოკა თხოზუდჷ მონოფიზიტეფს დო ურიეფს. ჸათე პოლიტიკაშ გეშა თიქ გინირთჷ ძალამს ვაპოპულარულო ბჟაეიოლი პროვინციეფს.
იმპერიას სერიოზული პრობლემეფი უღუდჷ მუჭოთ დინახალე, თაშნეშე გალე. ავარეფქ დო სლავეფქ კინ ქიდიჭყეს ოურდუმე კამპანიეფი ბალკანეთის. თაშნეშე სასანიანეფქ (ხოსრო II) ქიდეკინეს იმპერიაშ ბჟაეიოლი პროვინციეფი.
ფოკაშ მართუალაშ მეხჷ ეარყჷ აფრიკაშ ეგზარქოსიქ ჰერაკლე უნჩაშიქ. არყებას იმპერიაშ მასშტაბით ალმარენჯეფქ ქაშუ. ფოკა ოცადუდჷ იმპერიაშ სასანძღო ჯარეფიშ გჷმორინაფას არჸებაშ ომარცხებელო, მარა უშედეგეთ. ჰერაკლე უნჩაშიშ სქუაქ ჰერაკლექ 610 წანაშ 5 გჷმათუთას გემშეჭკირჷ ნძალიერი ფლოტით დო გეჭოფუ კონსტანტინოპოლი, გეგთარაგუ ფოკა დო დოჸვილჷ. თე დღას ჰერაკლექ დუდი იმპერატორო გეგმაცხადჷ.