ფრიდრიხ ჰუნდი

ვიკიპედია-შე
ნავიგაციაზე გადასვლა ძიებაზე გადასვლა
ფრიდრიხ ჰუნდი
გერმ. Friedrich Hund
Hund, Friedrich 1920er Göttingen.jpg
ფრიდრიხ ჰუნდი 1920-იან წანეფს
დაბადებაშ თარიღი:

4 ფურთუთა, 1896

დაბადებაშ აბანი:

კარლსრუე, ბადენიშ დიდი ოჰერცოგე

ღურაშ თარიღი:

მელახი 31, 1997 (101 წანერი)

ღურაშ აბანი:

გეტინგენი, გერმანია

მენოღალობა:

გერმანიაშ შილა გერმანია

ომენცარე სფერო:

ფიზიკა

სამუშაშ აბანი :

როსტოკიშ უნივერსიტეტი
ლაიფციგიშ უნივერსიტეტი
იენაშ უნივერსიტეტი
ფრანკფურტიშ უნივერსიტეტი
გეტინგენიშ უნივერსიტეტი

ალმა-მატერი:

მარბურგიშ უნივერსიტეტი
გეტინგენიშ უნივერსიტეტი

ომენცარე ხემანჯღვერი:

მაქს ბორნი

ჯოხოშინელი მოგურაფეეფი:

ჰარი ლემანი
კარლ ფრიდრიხ ფონ ვაიცზეკერი
ედვარდ ტელერი

ჯილდოეფი დო პრემიეფი:

მაქს პლანკიშ მენდალი (1943)
ოტო ჰანიშ პრემია (1974)

ფრიდრიხ ჰერმან ჰუნდი (გერმ. Friedrich Hermann Hund; დ. 4 ფურთუთა, 1896, კარლსრუე, ბადენიშ დიდი ოჰერცოგე — ღ. 31 მელახი, 1997, გეტინგენი, გერმანია) — გერმანალი ფიზიკოსი.

ბიოგრაფია დო მენცარული რკვიებეფი[რედაქტირაფა | წყუშ რედაქტირაფა]

ფრიდრიხ ჰუნდიქ დებადჷ 1896 წანაშ 4 ფურთუთას, ნოღა კარლსრუეს. გურაფულენდჷ მარბურგიშ დო გეტინგენიშ უნივერსიტეტეფს. გურაფაშ თებაშ უკულ მუშენდჷ შხვადოშხვა ომენცარე ინსტიტუტეფს: 1925 წანაშე გეტინგენიშ უნივერსიტეტის, 1927 წანაშე როსტოკიშ უნივერსიტეტის, 1929 წანას ლაიფციგიშ უნივერსიტეტის, 1946 წანაშე იენაშ უნივერსიტეტის, 1951 წანაშე ფრანკფურტიშ უნივერსიტეტის დო 1957 წანაშე კინ გეტინგენიშ უნივერსიტეტის. ფრიდრიხ ჰუნდი ართ პერიოდის (1926 წ.) მუშენდჷ კოპენჰაგენიშ უნივერსიტეტის, ნილს ბორიწკჷმა დო 1928 წანას, ოგურუანდჷ ჰარვარდიშ უნივერსიტეტის ხოლო. ჰუნდი მუშენდჷ გიშარჩქინელი მენცარეფიწჷმა: ერვინ შრედინგერი, პოლ დირაკი, უერნერ ჰეიზენბერგი, მაქს ბორნი, ვალტერ ბოთე დო შხვეფი. ფრიდრიხ ჰუნდი რობერტ სანდერსონ მალიკენიწკჷმა ართო რე მოლეკულური ორბიტალური თეორიაშ ართ-ართი დუმარსხუაფალი. მოლეკულურ-ორბიტალურ თეორიას ჰუნდი-მალიკენიშ თეორიას ხოლო უძახჷნა. ატომური ფიზიკას შინელი რე ჰუნდიშ კანონი, ნამუთ ჰუნდიქ აკიმუშუ 1927 წანას. ჰუნდი რდჷ მაქს პლანკიშ მენდალიშ დო ოტო ჰანიშ პრემიაშ ლაურეატი. ფრიდრიხ ჰუნდი რე 250-შე უმოსი მენცარული სტატიაშ დო პუბლიკაციაშ ავტორი. ჰუნდიშ მენცარული კონტრიბუცია უმოსო ორხველუდჷ კვანტურ თეორიას, გიშაკერზაფილო მოლეკულეფიშ დო ატომეფიშ სტრუქტურას. ფრიდრიხ ჰერმან ჰუნდიქ ღურუ 1997 წანაშ 31 მელახის, 101 წანერქ. ნთხორილი რე მიუნხენიშ ვალდფრიდჰოფიშ სასაფლას.

რესურსეფი ინტერნეტის[რედაქტირაფა | წყუშ რედაქტირაფა]

Commons-logo.svg
ვიკიოწკარუეს? რე ხასჷლა თემაშენ: