ქაზიმ ქოიუნჯუ

ვიკიპედიაშე
Kazim Koyuncu
ქაზიმ ქოიუნჯუ
ბიოგრაფია
დებადჷ7 გერგობათუთა, 1971
ბადებაშ აბანითურქეთიშ შილა თურქეთი, იეშილ ქოი.
ღურჷმანგი 25, 2005 (33 წანერი)
ჟანრ(ეფ)იროკი, ფოლკლორი
საქვარუაპოლიტოლოგი, მუსიკოსი
ობირეში ხონარი{{{ობირეში ხონარი}}}
აქტიური1992 - 2005
ვებ-ხასჷლაwww.kazimkoyuncu.com

ქაზიმ ქოიუნჯუ (კოინჯიში) (თურქ. Kâzım Koyuncu; დ. 7 გერგობათუთა, 1971 – ღ. 25 მანგი, 2005) — პოლიტოლოგი დო მუსიკოსი, ნამუშ მოღალობაქჷთ ქვერსემი როლი ილაჸაფჷ თურქეთიშ მახორუ ლაზეფიშ კულტურული ღირებაშ გინოსქილიდაფაშენ.

ჩქიჩქუალა[რედაქტირაფა | წყუშ რედაქტირაფა]

ქაზიმ ქოიუნჯუქ დებადჷ 1972 წანაშ 7 გერგობათუთას, ხოფაშ ილჩეს, ოფუტე პანჭოლს (ასეიანი იეშილ ქოი, ვარ-და „წვანე ოფუტე“). ჩქიჩუალაშე გჷშარჩქინელი რდჷ მუსიკაშ ჸოროფათ, 13 წანერი რდჷნ, გიტარას მიოგანდჷ. გურაფულენდჷ თურქეთიშ მუსიკაშ ცენტრის „იაშარა ტურნანა“. გურაფულენდჷ სტამბოლიშ უნივერსიტეტიშ პოლიტოლოგიაშ ფაკულტეტის. ინტერესუანი დო გჷშარჩქინელი სტუდენტი რდჷ, მარა მუში დო მუში მახანეფიშ არზეფი ართიანს ვაუხვადუდჷ. 20 წანერი რდჷნ თეში ქაზიმქ გურაფა მიოტჷ დო მუსიკას ქჷმეთხჷ ხე. მაჸალეეფი თის დინას უძახჷდეს. თე ჯოხო ქაზიმს ძალამს უჸორდჷ.

კარიერა[რედაქტირაფა | წყუშ რედაქტირაფა]

1992 წანას, ალი ელვერწკჷმა ართო ქჷდარსხჷ როკ-ბუნა „დიმეინ“. მოგვიანაფათ ხანდენდჷ ლაზური მუსიკაშ პოპულარიზაციაშო, მარა თაქჷთ ვა ურთინუანდჷ ოჭიშის როკის დო მუშ მუსიკა რე ლაზური მუსიკაშ დო როკიშ სინთეზი. 1993 წანას, მემედ ალი ბარიშ ბეშლიწკჷმა ართო ქჷდარსხჷ ბუნა „ზუღაში ბერეფე“ (ზუღაშ სქუალეფი). თენა რდჷ მოსოფელს მაართა ლაზური როკ-ბუნა. ბუნა ლაზურო იბირდჷ, ნამ ბორჯისჷთ თურქეთის შხვა ნინაშა ბირა ძალამი რთული რდჷ. ქაზიმს ირო ოპეკჷდჷ მუში ლაზური ჯინჯი დო ვარწყედჷ თეშ ფულუაშ უციობას. 1995 წანას, „ზუღაში ბერეფექ“ გაგშაშქჷ მაართა ალბომი, ჯოხოთ „ვა მიშქუნან“, ალბომშა ბრუო ახალ ბირაქ მიშელჷ. ალბომი დიდი პოპულარალათ რგებაფულენდჷ თურქეთის, გჷშაკერზაფილო ახალეფს შქას. 1998 წანას, გჷშელჷ ახალ ალბომქ ჯოხოთ „იგზას“ („რზას“), ნამუთ თიმ წანაშ ართ-ართი საუჯგუშო ნახანდო მირჩქინეს. 2000 წანას, ბუნაქ აკოცჷ, მუშ ისტორიას 130 კონცერტიქ დო 2 ალბომქ ქჷდოსქჷდჷ.

სოლო კარიერა[რედაქტირაფა | წყუშ რედაქტირაფა]

ბუნაშ აკოცჷმაშ უკული ქაზიმქ ხვალე მიაჸუნჷ ბირას, შხირას რჩქინდუდჷ ლაზური კულტურული ორგანიზაციეფიშ შაყარუეფს, მარა ვა აქტიურენდჷ, ლიდერიშ უმოსო ჯგჷრი მარჩქილე რდჷ. 2002 წანას, მაართა სოლო ალბომი, „ვია“ გჷშურს, 2004 წანას მაჟირა ალბომი - „ჰაიდე“. ქაზიმიშ ორჩქილუშა კათა შხვადოშხვა ოფუტეეფშე გილეშჷ. ქაზიმ სცენას დუდიშულო გჷნაფულენდჷ დუდს. მობირე ფუატ საკაწკჷმა, ვოლქან კანაკომწკჷმა დო ბაიარ შაჰინწკჷმა ართო გჷშმურდჷ ოტელევიზიე პროექტის „უჩა ზუღაშ მუსიკა“.

საქორთუო[რედაქტირაფა | წყუშ რედაქტირაფა]

2003 წანაშ მარაშინათუთას ქაზიმ ქოიუნჯუქ საქორთუოშა მორთჷ. საქორთუოს მობირეს გჷშაკერძაფილ დოხვამილაფა მუნწყის, ნამუსჷთ ტიბას იშინანდჷ ირო. მუ შხირას იშინანდჷ საქორთუოშა შარალუას დო თაქ მონწყილჷ კონცერტეფს მაჸალეეფწკჷმა დო ფანიაშ მაკათურეფწკჷმა. ქაზიმი ქორთუ კათას ჯიმალეფს უძახუდჷ დო გოკვირაფილი რდჷ თაქიანი სუმარიშმოჸოროფალათ დო ქორთუეფიშ მუსიკალურალათ.

მობირე მაფშალიაშ ეკონია წანეფი[რედაქტირაფა | წყუშ რედაქტირაფა]

ქაზიმს შხირას უძახჷდეს მობირე „მაფშალიას“. 2005 წანას, ქაზიმს ექიმეფქ კიბოშ დიაგნოზი ქეგუშქვეს. 33 წანერი ქაზიმი ლახარას ვაუდვანდჷ დუდს დო თომა გოცჷმილი გილეშ კონცერტეფშა დო მარჩქილეს ვა ღალატენდჷ, ლახარა ბორჯის ჭარჷ ჰიმნი „ტრაპიზონსპორტიშო“. 2005 წანაშ 25 მანგის მობირექ დოღურჷ. ქაზიმი ტრაპიზონშა გეგნასვანჯეს, სოდე 60 000 ადამიერქ დოხვადჷ. ქაზიმ ქოიუნჯუ ოდაბადურ ოფუტე პანჭოლიშ ართ-ართი გვალაშ კართეს რე ნთხორილი.

დისკოგრაფია[რედაქტირაფა | წყუშ რედაქტირაფა]

ბუნა Zuğaşi Berepe[რედაქტირაფა | წყუშ რედაქტირაფა]

  • 1995: Va Mişkunan
  • 1998: İgzas
  • 1998: Brüksel Live

ბუნა Grup Dinmeyen[რედაქტირაფა | წყუშ რედაქტირაფა]

  • 1996: Sisler Bulvarı

სოლო ალბომეფი[რედაქტირაფა | წყუშ რედაქტირაფა]

  • 2001: Viya!
  • 2004: Hayde
  • 2006: Dünyada Bir Yerdeyim

რესურსეფი ინტერნეტის[რედაქტირაფა | წყუშ რედაქტირაფა]