შარლ ერმიტი

ვიკიპედია-შე
ნავიგაციაზე გადასვლა ძიებაზე გადასვლა
შარლ ერმიტი
ფრანგ. Charles Hermite
Charles Hermite.jpg
დაბადებაშ თარიღი:

24 ქირსეთუთა, 1822

დაბადებაშ აბანი:

დიოზი, მოზელი, საფრანგეთი

ღურაშ თარიღი:

ღურთუთა 14, 1901 (78 წანერი)

ღურაშ აბანი:

პარიზი, საფრანგეთი

მენოღალობა:

საფრანგეთიშ შილა საფრანგეთი

ომენცარე სფერო:

მათემატიკა

სამუშაშ აბანი :

პოლიტექნიკური სკოლა
პარიზიშ უნივერსიტეტი

ალმა-მატერი:

ჰენრიხ IV-შ ლიცეუმი
ლუდოვიკო დიდიშ ლიცეუმი
პოლიტექნიკური სკოლა

ომენცარე ხემანჯღვერი:

ეჟენ შარლ კატალანი

ჯოხოშინელი მოგურაფეეფი:

ანრი პადე
მიხაილო პეტროვიჩი
ანრი პუანკარე
ტომას იოანეს სტილტიესი

ჯილდოეფი დო პრემიეფი:

საფრანგეთიშ მენცარობეფიშ აკადემიაშ მაკათური (1856)
ლონდონიშ ომაფე ჯარალუაშ ურცხოალი მაკათური (1873)
საპატიო ლეგიონიშ ორდენი (1892)
ღრისებაშ ორდენი (პრუსია)

შარლ ერმიტი (ფრანგ. Charles Hermite; დ. 24 ქირსეთუთა, 1822, დიოზი, მოზელი, საფრანგეთი — ღ. 14 ღურთუთა, 1901, პარიზი, საფრანგეთი) — ფრანგი მათემატიკოსი. თიში მენცარული რკვიებეფი უმოსო ორხველუდჷ ალგებრას, რიცხუეფიშ თეორიას, კვადრატულ ფორმეფს, ინვარიანტული თეორიას, ორთოგონალურ პოლინომიალეფს დო ელიფსურ ფუნქციეფს.

შარლ ერმიტი გურაფულენდჷ კოლეჯ-დე-ნანსის დო უკულ პარიზის, ჰენრიხ IV-შ დო ლუდოვიკო დიდიშ ლიცეუმეფს. ართ პერიოდის ერმიტი გურაფულენდჷ პარიზიშ პოლიტექნიკურ სკოლას, ნამუთ ვაუთებუ. ერმიტიქ მაართა მენცარული ნაჭარეფი 1840-იან წანეფს გჷმაბჟინუ. რდჷ პოლიტექნიკური სკოლაშ დო პარიზიშ უნივერსიტეტიშ მათემატიკაშ პროფესორი. 1862-1873 წანეფს მუშენდჷ პარიზიშ უმაღალაშ ნორმალურ სკოლას ხოლო.

მათემატიკას ერმიტიშ ჯოხონობაშ რე: ერმიტიშ პოლინომიალეფი, ერმიტიშ ინტერპოლაცია, ერმიტიშ ნორმალური ფორმა, ერმიტიშ ოპერატორი დო ერმიტიშ კუბიკური სპლაინი.

შარლ ერმიტი რდჷ მაართა მათემატიკოსი ნამუქჷთ დანტკიცჷ ნამდა e ტრანსცენდენტური რიცხუ რე. ერმიტიშ მეთოდეფი გჷმირინუ ფერდინანდ ფონ ლინდემანქ π-შ ტრანსცენდენტურობაშ ნტკიცებაშო.

შარლ ერმიტი რდჷ საპატიო ლეგიონიშ ორდენიშ დიდი ოფიცერი, საფრანგეთიშ მენცარობეფიშ აკადემიაშ დო ლონდონიშ ომაფე ჯარალუაშ მაკათური.

გიშნაგორა პუბლიკაციეფი[რედაქტირაფა | წყუშ რედაქტირაფა]

  • "Sur quelques applications des fonctions elliptiques", Paris, 1855.
  • "Cours d'Analyse de l'École Polytechnique. Première Partie", Paris: Gauthier–Villars, 1873.
  • "Cours professé à la Faculté des Sciences", edited by Andoyer, 4th ed., Paris, 1891.
  • "Correspondance", edited by Baillaud and Bourget, Paris, 1905, 2 ტომი
  • "Œuvres de Charles Hermite", edited by Picard for the Academy of Sciences, 4 ტომი., Paris.
  • "Œuvres de Charles Hermite", reissued by Cambridge University Press, 2009; ISBN 978-1-108-00328-5.

რესურსეფი ინტერნეტის[რედაქტირაფა | წყუშ რედაქტირაფა]