შეიმას ჰინი

ვიკიპედია-შე
ნავიგაციაზე გადასვლა ძიებაზე გადასვლა
შეიმას ჰინი
Seamus Heaney, Irish poet, brightened.jpg
შეიმას ჰინი 1982 წანას
დაბადებაშ თარიღი:

13 პირელი, 1939

დაბადებაშ აბანი:

კასტლდოუსონი, ოორუე ირლანდია

ღურაშ თარიღი:

მარაშინათუთა 30, 2013 (74 წანერი)

ღურაშ აბანი:

დუბლინი, ირლანდია

ერუანობა:

ირლანდიარი

საქვარუა:

პოეტი, დრამატურგი, მათანგალი

პერიოდი :

1966–2013

Magnum opus:

ნატურალისტიშ ღურა (1966)
კარი უკუმელაშა (1969)
ზოთონჯიშ გალე (1972)
ოორუე (1975)
შურიშ დონე (1996)
ელექტრული სინთე (2001)
ადამიერიშ ჯაჭვი (2010)

ჟანრი:

პოეზია

ნინა:

ინგლისური ნინა

ჯილდოეფი:

ჯეფრი ფაბერიშ მემორიალური პრემია (1968)
ედვარდ მორგან ფორსტერიშ პრემია (1975)
ნობელიშ პრემია ლიტერატურაშ დარგის (1995)
ლიტერატურაშ დო ხელუანობეფიშ ორდენი (1996)
ტომას სტერნზ ელიოტიშ პრემია (2006)
გრიფინიშ პრემია (2012)

ხეშმოჭარუა

შეიმას ჯასტინ ჰინი (ინგლ. Seamus Justin Heaney; დ. 13 პირელი, 1939, კასტლდოუსონი, ოორუე ირლანდია — ღ. 30 მარაშინათუთა, 2013, დუბლინი, ირლანდია) — ირლანდიარი პოეტი, დრამატურგი დო მათანგალი, ნობელიშ პრემიაშ ლაურეატი ლიტერატურაშ დარგის 1995 წანას.

შეიმას ჰინიქ დებადჷ ოორუე ირლანდიას. გურაფულენდჷ ინგლისურ ლიტერატურას ბელფასტიშ ქუინსიშ უნივერსიტეტის. ჸათე პერიოდის ჰინიქ გჷმაბჟინუ მუში მაართა პოეტური ნაწარმებეფი. ჰინი 1981-2006 წანეფს ააშ-ს ცხოვრენდჷ. 1981-1997 წანეფს მუშენდჷ ჰარვარდიშ უნივერსიტეტიშ პროფესორო. 1989-1994 წანეფს რდჷ ოქსფორდიშ უნივერსიტეტიშ პოეზიაშ პროფესორი. დიდი პოპულარობა მოუღჷ პოეტურ კრებულქ "ნატურალისტიშ ღურა", ნამუქჷთ 1966 წანას გიშართჷ. ჸათე ნახანდიქ ავტორს მუპალუ ქოლმონდელიშ, ერიკ გრეგორიშ, სომერსეტ მოემიშ დო ჯეფრი ფაბერიშ პრემიეფი. ჰინიშ შხვა ჩინებული ნაწარმებეფი რე: "ოორუე", "შურიშ დონე", "ზოთონჯიშ გალე", "ადამიერიშ ჯაჭვი" დო შხვეფი. ჰინი თაშნეშე ავტორი რე პიესეფიშ, ნათანგეფიშ დო პროზაული ნაწარმებეფიშ. შეიმას ჰინიქ ღურუ 2013 წანაშ 30 მარაშინათუთას, 74 წანერქ. ნთხორილი რე წიმინდე მარიამიშ ოხვამეშ სასაფლას, ოფუტე ბელაგის (ოორუე ირლანდია).

შეიმას ჰინი მერჩქინელი რე ირლანდიაშ ართ-ართ უდიდაშ პოეტო. ამერიკალი პოეტი რობერტ ლოუელიშ აზრით ჰინი რდჷ უდიდაში ირლანდიარი პოეტი უილიამ ბატლერ იეიტსიშ უკული. ბრიტანალი ავტორიშ დო ჟურნალისტიშ, ინგლისური ლიტერატურაშ სპეციალისტიშ, ლონდონიშ ოუნივერსიტეტე კოლეჯიშ პროფესორიშ ჯონ საზერლენდიშ ზიტყვეფით ჰინი რე თეხანური ბორჯიშ უდიდაში პოეტი.

ჯილდოეფი დო პრემიეფი[რედაქტირაფა | წყუშ რედაქტირაფა]

  • 1966: ერიკ გრეგორიშ პრემია
  • 1967: ქოლმონდელიშ პრემია
  • 1968: ჯეფრი ფაბერიშ მემორიალური პრემია
  • 1975: ედვარდ მორგან ფორსტერიშ პრემია
  • 1975: დაფ კუპერიშ პრემია
  • 1995: ნობელიშ პრემია ლიტერატურაშ დარგის
  • 1996: ლიტერატურაშ დო ხელუანობეფიშ ორდენიშ კომანდორი
  • 1998: სენტ-ლუისიშ ლიტერატურული პრემია
  • 2000: ააშ-იშ ფილოსოფიური ჯარალუაშ მაკათური
  • 2004: კენიონ რივიუშ პრემია
  • 2006: ტომას სტერნზ ელიოტიშ პრემია
  • 2009: დევიდ კოენიშ პრემია
  • 2011: ბობ ჰიუზიშ პრემია
  • 2012: სკოტ გრიფინიშ პრემია

რესურსეფი ინტერნეტის[რედაქტირაფა | წყუშ რედაქტირაფა]

Commons-logo.svg
ვიკიოწკარუეს? რე ხასჷლა თემაშენ: