შუშულუბა

შუშულუბა თაშნეშე მაჩიტია (ლათ. Campanula) — ჩანარეფიშ გვარი შუშულუბაშობურეფი ფანიაშე. მიარეწანიანი, ვანაფერო ჟირ- ვარ-და ართწანიანი ოდიარეეფი რე.

შუშულუბაშ 300-შახ გვარობა გოფაჩილი რე ოორუე გვერდოსფეროშ ზჷმიერი ჰეერიშ ზონას, ნორთობურო არქტიკას, უმენტაშო — ევრაზიაშ ბჟადალი ნორთიშ გვალეფს. ჸოფილი სსრრ-ს გოფაჩილი რდჷ 150-შე უმოსი გვარობა. კავკაცია 8 გვარობური გოვითარაფაშ უშანულამაში გოჭყაფა რე, 110-შახ გვარობაშე 76 ენდემური რე.

საქორთუოს ჩანს შუშულუბაშ 67 გვარობა, თენეფშე 24 საქორთუოშ ენდემი რე. გვარობეფშე დიდი ნორთი რელიქტური რე. შანულამი რელიქტური ენდემეფი რე. მერეთი შუშულუბა (ლათ. Campanula mirabilis), პარადოქსული შუშულუბა (ლათ. Campanula paradoxa), ინგირწყარიშ შუშულუბა (ლათ. Campanula engurensis), კახური შუშულუბა (ლათ. Campanula kachetica), ხარაძეშ შუშულუბა (ლათ. Campanula charadzeae) დო შვა გვარობეფი. შუშულუბა კავკაციას დო საქორთუოს ჩანს ალპურ ხალეფს დო დოლოეფს, სუბალპურ მაღალოდიარობას, ბართვონეფს დო ტყალეფს, მორჩილი მუდანობათ — გვალაშ შქა ორტყაფუშ კირდეეფს დო ქუამი კართეეფს, თითო-ჟიჟირი გვარობა რზენსჷთ მიარეთ რე.

შუშულუბაშ მიარე გვარობა დეკორატიული რე, შხირას გჷმირინუანა ალპინარიუმეფშო, მინი ოკათე მედიცინას ხვარენს, მუსხირენი — ჟვერი რე.

ლიტერატურა

• სახოკია მ., ქორთული სხუნუეფიშ ენციკლოპედია, ტ. 6, ხს. 510, ქართი, 1983 წანა.