შხვაშ თური აგენტეფიშ კანონი (რუსეთი)
რუსეთიშ შხვაშ თური აგენტეფიშ კანონი (რუს. иностранный агент) — რეპრესიული, ადამიერიშ ნებეფიშ აკმარცუაფალი კანონი, ნამუთ რუსეთის მიღეს.[1] კანონი თხულენს, ნამჷ-და არძა ადამიერი ვარ-და იურიდიული პიჯი, ნამუეფჷთ რუსეთიშ ხურგაშ გალეშე ღებულენს „ალარინას“ ვარ-და რე „გაულაშ გიმე“ დერეგისტრირას ომანგე რეესტრის დო დუდ გეგმიცხადას შხვაშ თურ აგენტო. რეგისტრაციაშ უკული ფიზიკური ვარ-და იურიდიული პიჯი დოჸუნს გეძინელ აუდიტის დო ოვალჷ არძა დორხველ პუბლიკაციას გუკეთას 24-აწნონჯღვერა, ნამუსჷთ ეშანილი რე პუბლიკაციაშ ავტორიშ „შხვაშ თურ აგენტალა“. [2]
ფრაზას „შხვაშ თური აგენტი“ (რუს. иностранный агент) ჸონიერი რსხუ უღჷ კომუნისტური პერიოდიშ ტერმინოლოგიაწკჷმა დო თიში გჷმორინაფა ძალამ ოდებელი რე. ვენეციაშ კომისიაშ დუნასქვიშ მეჯინათ, კომუნისტურ პერიოდის გჷმორინაფილ ტერმინოლოგიაშ დორთა სტიგმას მეთმუჭაბუანს ომენოღალე ჯარალუაშ ორგანიზაციეფს, აფარჩაკენს თინეფიშ რეპუტაციას დო შანულამო მუთმოჩალუნს თინეფიშ საქვარუას. ვენეციაშ კომისია, თაურეშე გიშნაველი, ტერმინიშ გეშა ვარებაშ მოხუჯე რე. კანონი კონწარო გააკრიტიკეს მუჭოთ რუსეთის, თაშნეშე ოერეფოშქაშე დონეშა, მუჭოთ ადამიერიშ ნებეფიშ აკმარცუაფალი დო რუსეთის ომენოღალე ჯარალუაშ დო პრესაშ დუდიშულაშ მანჩალარო გჷმორინაფილი ინსტრუმენტი, გიშაკერზაფილო ვლადიმერ პუტინიშ აწმარენჯი ბუნეფშო.[3][4][5]
საქორთუო[რედაქტირაფა | წყუშ რედაქტირაფა]
2022 წანას, მამართალ ქორთულ ორცებაწკჷმა დახოლებურ ანტიბჟადალურ ყარაფიქ „კათაშ ჭყანაქ“ (ქორთ. „ხალხის ძალა“) „შხვაშ თური გაულაშ აგენტეფშენ“ კანონპროექტი დაინიცირჷ.[6]
თინეფიშ დჷნაინიცირა კანონით, „შხვაშ თური გაულაშ გოჭვირაფაშ უნარღელჸუაშ ღანკით“, გიჭყაფუ „შხვაშ თური გაულაშ აგენტეფიშ“ რეესტრი, სოდე დერეგისტრირებუ არძა თი ვაიმეწარმეე იურიდიული პიჯი დო მედიამეშქაშალა, ნამუეფიშ მიშნაველიშ 20 პროცენტშე უმოსი იფინანსებუ შხვაშ თური ნძალეფიშით. [6]
2023 წანას, ნედ პრაისიქ, აშშ-იშ სახენწჷდო დეპარტამენტიშ სპიკერქ, აშონთაფა გიმოხანტჷ რუსული კანონპროექტიშ საქორთუოს ინიცირაფაშ გეშა. თიში გჷნაცხადით, კანონი გეგშაჸათანს დო ნინას ქენუჸოთანს ოხორინელ ხმას საქორთუოშ მენოღალეეფს, ნამუეფჷთ მუნეფიშ ჯარალუაშო უჯგუში მუმალიშ გაჭყაფალო მოღალენან. ააშ-იშ სახენწჷფო დეპარტამენტიშ მოარზაფათ, მოგვენი კანონი პოტენციურო ოშქურანჯე რე საქორთუოშ ევროატლანტიკურ ინტეგრაციაშო.[7]
სახელნწჷფო დეპარტამენტიქ თაშნეშე იუარჷ გჷნაცხადეფი თიშ გეშა, ნამჷ-და თე კანონპროექტი გერსხჷ ააშ-ს მოქიმინჯე შხვაშ თური აგენტეფიშ რეგისტრაციაშ აქტის (FARA) დო ეიოშანუ, ნამჷ-და ქორთული კანონპროექტი გერსხჷ მოგვენ რუსულ დო უნგრულ კანონდვალას.[7]
სქოლიო[რედაქტირაფა | წყუშ რედაქტირაფა]
- ↑ ევროსასამართლო: რუსეთის კანონი “უცხოური აგენტების” შესახებ ადამიანის უფლებებს არღვევს
- ↑ “Russia fines investigative website for breaking 'foreign agent' law“, Reuters, 2021-12-14. კითხირიშ თარიღი: 2021-12-31. (en)
- ↑ Lally, Kathy. “Putin pushes NGO foreign agent law“, Washington Post, 2013-04-18. კითხირიშ თარიღი: 2013-06-01.
- ↑ Barry, Ellen. “Russia Introduces Law Limiting Aid for Nonprofits“, The New York Times, 2012-07-02. კითხირიშ თარიღი: 2013-06-01.
- ↑ “Russian Authorities Plan To Introduce Registry Of People Linked To 'Foreign Agents'“, RadioFreeEurope/RadioLiberty, 9 March 2022. კითხირიშ თარიღი: 9 April 2022. (en)
- ↑ 6.0 6.1 რას ამბობს პარლამენტის თავმჯდომარე "უცხოური აგენტების" კანონპროექტზე
- ↑ 7.0 7.1 გვაქვს ინფორმაცია საქართველოს პარლამენტში შესულ კანონპროექტზე და ღრმად გვაშფოთებს მისი შესაძლო შედეგები