ჩაკ ნორისი
| ჩაკ ნორისი | |
.jpg) ნორისი 1986 წანას | |
| დაბადებაშ ჯოხო | კარლოს რეი ნორისი |
| დაბადებაშ აბანი | რაიანი, ოკლაჰომა, ააშ |
| დებადჷ | 10 მელახი, 1940
|
| ღურჷ | მელახი 19,, 2026 (86 წანერი)
კაუაი, ჰავაი, ააშ |
| მენოღალობა |  ააშ |
| ერუანობა | ამერიკალი |
| რელიგია | ქირსიანი |
| ჩინებული რე | „უოლკერი, ტეხასარი რეინჯერი“, ოურდუმე ხელუანობა |
| საქვარუა | არტისტი, ოურდუმე ხელუანობაშ ორსანტი, სცენარისტი |
| აკოქიმინჯალაშ წანეფი | 1968–2026 |
| ალმასქუ(ეფი) |
|
| სქუალეფი | 5 (თინეფს შქას მაიკ ნორისი დო ერიკ ნორისი) |
| სქესი | |
|---|---|
| ქომოლკოჩი | |
| შხვა ჯილდოეფი | |
| ოურდუმე ნინალა: ააშ-იშ ოჰეერე ნძალეფი (1958–1962) ჩინი: პირველ კლასიშ ავიატორი (Airman first class) | |
კარლოს რეი „ჩაკ“ ნორისი (დ. 10 მელახი, 1940 — ღ. 19 მელახი, 2026) — ამერიკალ ობურჯაფე ხელუანობაშ ორსანტი, არტისტი, სცენარისტ დო ჭარუ. თის აპალუდჷ უჩა ორტყაფუეფ კარატეს, ტაეკვანდოს, ტანგ სუ დოს, ბრაზილიურ ჯიუ-ჯიცუს დო ძიუდოს. ააშ-იშ ოჰეერე ნძალეფს ნინალაშ უკული, თიქ ოურდუმე ხელუანობაშ ანდა ჩემპიონატ მიგჷ, მოგვიანეთო ქჷდარსხუ მუშ პერსონალურ დისციპლინა — ჩუნ კუკ დო. ნორისქ ამერიკულ კინოინდუსტრიას მუშობა დიჭყჷ მუჭოთ ჩინებულ ადამიერეფიშ ობურჯაფე ხელუანობაშ ინსტრუქტორქ, სოიშა მუშ ეკრანულ დებიუტ ვაკინწყჷნ ჭიჭე როლით ფილმის „აკმარღვაფალ ბუნა“ (1968). თიშ მაჸალე დო კოლეგაქ, ბრიუს ლიქ, თინა ქჷმიპეჯუ ართ-ართ თარ გლახა პერსონაჟიშ როლიშო ფილმის „დრაკონიშ რზა“ (1972). მარა, მუჟანსჷთ ნორის არტისტობას აგჷნძორენდჷნ, თიშ მაჸალე დო მოწაფექ, სტივ მაკქუინქ, ელუჩჷ, ნამჷ-და თე საქვარს სერიოზულო ქემუდირთუკონ. ნორისქ თარ როლ ილაჸაფრჷ ექშენ-ფილმის „ბრეიკერ! ბრეიკერ!“ (1977), ნამუქჷთ ფინანსურ მოგება მიღჷ. თიშ მაჟირა თარ როლ ფილმის „ჯგირ ბოშეფს უჩეფ მუკაქუნა“ (1978) კაბეტ ჰიტო გინირთჷ დო ჩაკ ნორისიქ მალას მალიმორ (ექშენ) ფილმეფიშ პოპულარულ მურიცხო გინირთჷ.
ნორისქ დუდს ქეგუდირთჷ კომერციულო წჷმოძინელ ზოხორინელ ექშენ დო ოურდუმე ხელუანობაშ ფილმეფიშ სერიას, თინეფს შქას რდჷ: „ართიშ ნძალა“ (1979), „ოქტაგონი“ (1980) დო „თოლი თოლიშ მანგიორო“ (1981), ნამუქჷთ თინა ერეფოშქაშე ვარადებაშა ეკიჸონჷ. მოგვიანეთ თიქ თარ როლეფ ილაჸაფჷ სტუდიურ პროდუქციეფს: „რჩქალ ჟამარუა“ (1982), „ნანძალებუ ნჯარიშ ეშაღალა“ (1982) დო „ხვალახე ნგერი მაკქუეიდი“ (1983). თიშ წჷმოძინაშ გეშა, კინოსტუდია Cannon Films-ქ ნორისწკჷმა მუსხირენ ფილმიშა გაფორმჷ კონტრაქტი, ნამუქჷთ დიჭყჷ ფილმით „უნოქურეთ დინაფილი“ (1984). ათე ფილმიქ ოსხირ მეჩჷ ტრილოგიას დო ნორის 1980-იან წანეფიშ განწეხანს კომპანიაშ თარ მურიცხო გინაშქუ. ათე ბორჯიშ მუშ ნახანდეფ იკათუანს ფილმეფს: „მინოკათუა ააშ-შა“ (1985), „დელტაშ რაზმი“ (1986) დო „დაჩხირსმაულარი“ (1986). Cannon-იშ გალე, თიქ თაშნეშე ილაჸაფჷ ფილმის „სირჩქალეშ კოდი“ (1985), ნამუთ მუშ არძაშე ჸონიერ ნახანდო იკოროცხუ. 1990-იან წანეფს ნორისქ თარ როლ ილაჸაფჷ CBS-იშ განწეხანიშ სერიალს „უოლკერი, ტეხასარ რეინჯერი“ (1993–2001). თინა ექშენ-ფილმეფს ლაჸაფის 2006 წანაშა აგჷნძორენდჷ, მუშ ეკონია შანულამ კინოროლ რდჷ ფილმის „უშაფათუეფი 2“ (2012).
არტისტობაშ მეხ, ნორისქ გინირთჷ ბესტსელერეფიშ ავტორო. თიქ ჭარჷ წინგეფ ოურდუმე ხელუანობაშ, ვარდიშუაშ, ფილოსოფიაშ, კონსერვატიულ პოლიტიკაშ, ქირსიანულ ვესტერნულ პროზაშ, დუდმოხვარაშ დო ბიოგრაფიაშ გეშა. თაშნეშე თინა რეგულარულ სჷმეტის ჭარუნდჷ გიშაშქუმალა WorldNetDaily-იშო. ნორისქ გუმორჩქინდჷ ანდა რეკლამას, თინეფს შქას რდჷ ვარდიშუა სისტემა Total Gym-იშ ხანგჷნძე წჷმარინაფალ (სპიკერი). 2005 წანას ჩაკ ნორისიქ გინირთჷ ინტერნეტ-ციგანობეფიშ, „ჩაკ ნორისიშ ფაქტეფიშ“ (Chuck Norris facts) ობიექტო. თენა რდჷ ინტერნეტ-მემი, ნამუთ იუმორისტულო გობარილ რდჷ თიშ ჭყანიერობაშ დო შელებუანობეფიშ გეშა. ნორისქ ხუჯ დუკინჷ თიჯგურა პროდუქტეფს, ნამუეფჷთ თე მემს გჷმირინუანდესჷნ; თე ფენომენქ ბიჯგ მეჩჷ მუსხირენ წინგიშ ჭარუას, ჟირ ვიდეო ლაჸაფის დო ანდა ტელე-შოუს გუმორჩქინას.
ორდოიან წანეფი
[რედაქტირაფა | წყუშ რედაქტირაფა]კარლოს რეი ნორისქ დებადჷ 1940 წანაშ 10 მელახის რაიანს, ოკლაჰომას,[1] უილმა ლის (აზაპალაშ გვარი: სკარბერი; 1921–2024) დო რეი დი ნორისიშ (1918–1971) ფანიას. მუამუშ მაჟირა მოსოფელიშ ლჷმაშ არმიაშ ვეტერანი რდჷ, ნამუთ მოგვიანეთ მექანიკოსო,[2] ავტობუსიშ ანკერო დო ხარგმანქანაშ მაჸონაფალო მუშენდჷ. დიამუშის ირლანდიურ წჷმოულობა უღუდჷ, მუამუშის — გერმანული, ბრიტანულ დო შორიშ ჩეროკულ ჯინჯეფი.[2][3] ნორისის ჯოხო კარლოს ბერიშ, მუამუშიშ პასტორიშ (მინისტრიშ) პატიოცემელო ქიგიადჷ.[2] თინა სუმ ჯიმაშე უნჩაშ რდჷ, უკულაშ ჟირ ჯიმა — უილანდი (1943–1970) დო აარონი. მუჟანსჷთ ნორის 16 წანაშ რდჷნ, მუამუშიქ დო დიამუშიქ ართიანს ჩეთხიეს.[4] მოგვიანეთ თიქ დიამუშ დო ჯიმალეფწკჷმა ართო პრეირი-ვილიჯშა (კანზასი), უკული — ტორანსიშა (კალიფორნია) გეგნორთეს დახორალო.[3]
უილანდის მუშ უნჩაშ ჯიმაშა ურაგადუ, ნამჷ-და 27 წანერობაშა ვემიართედჷნ. თე უწმოხნარაგადუქ სიმართექ აჸუ, მუჟანსჷთ თიქ 1970 წანას, ვიეტნამიშ ლჷმას დოღურჷნ. ნორის მუში ბაღანობას ეთმეჭარუნდჷ მუჭოთ მონკას: თინა ვა რდჷ ათლეტური, რდჷ ონჯღორიან დო ოშქაშე მოგურაფუ.[5] მუამუშ ბორჯგიშაშქუმალათ მუშენდჷ ავტომობილეფიშ მექანიკოსო დო მუსხირენ თუთაშ განწეხანს შუნდჷ. მუამუშიშ რექციათ დო ფანიაშ ფინანსურ გაჭირებათ შერცხუნელ ნორისის გეგმურჩქინდჷ აკმაშულიდარ ინტროვერსიაქ, ნამუთ ედომუშამ ბაღანობაშ განწეხანს გეგჷნძორუ.[6]
ფილმოგრაფია
[რედაქტირაფა | წყუშ რედაქტირაფა]| წანა | ფილმი | როლი | |
|---|---|---|---|
| 1968 | The Green Berets | ||
| 1969 | The Wrecking Crew | ||
| 1972 | Way of the Dragon | Colt | |
| 1973 | The Student Teachers | კარატეშ ინსტრუქტორი | |
| 1974 | Slaughter in San Francisco | Chuck Slaughter/Chuck Norris | |
| 1976 | The Warrior Within | დოკუმენტური კინო | |
| 1977 | Bruce Lee, the Legend | დოკუმენტური | |
| 1977 | Breaker! Breaker! | John David "J.D." Dawes | |
| 1978 | Good Guys Wear Black | John T. Booker | |
| 1979 | A Force of One | Matt Logan | |
| 1980 | The Octagon | Scott James | |
| 1981 | An Eye for an Eye | Sean Kane | |
| 1982 | Silent Rage | Sheriff Dan Stevens | |
| 1982 | Forced Vengeance | Josh Randall | |
| 1983 | Lone Wolf McQuade | J.J. McQuade | |
| 1984 | Missing in Action | Col. James Braddock | |
| 1985 | Missing in Action 2: The Beginning | Col. James Braddock | |
| 1985 | Code of Silence | Eddie Cusack | |
| 1985 | Invasion U.S.A. | Matt Hunter | |
| 1986 | The Delta Force | Major Scott McCoy | |
| 1986 | Firewalker | Max Donigan | |
| 1986 | Karate Kommandos | The leader of the Karate Kommandos. | |
| 1988 | Braddock: Missing in Action III | Col. James Braddock | |
| 1988 | Hero and the Terror | Danny O'Brien | |
| 1990 | Delta Force 2: The Colombian Connection | Col. Scott McCoy | |
| 1991 | The Hitman | Cliff Garret | |
| 1992 | Sidekicks | Himself | |
| 1994 | Hellbound | Frank Shatter | |
| 1995 | Top Dog | Jake Wilder | |
| 1996 | Forest Warrior | John McKenna | |
| 1998 | Logan's War: Bound by Honor | Jake Fallon | |
| 2000 | The President's Man | Joshua | |
| 2002 | The President's Man 2: A Line in the Sand | Joshua | |
| 2003 | Bells of Innocence | Jux Jonas | |
| 2004 | DodgeBall: A True Underdog Story | ||
| 2005 | The Contender | Himself, 2 episodes | |
| 2005 | The Cutter | John Shepherd | |
| 2009 | Birdie & Bogey | პროდიუსერი | |
| 2012 | The Expendables 2 |
რესურსეფი ინტერნეტის
[რედაქტირაფა | წყუშ რედაქტირაფა]- ოფიციალური ვებ-საიტი Archived 2011-02-08 ვებ-ხასჷლას Wayback Machine.
- ↑ (1988) "1", The Secret of Inner Strength: My Story, 1st, Boston: Little, Brown and Co., ხს. 6. ISBN 0-316-61191-3.
- 1 2 3 Norris, Chuck (2004). Against All Odds: My Story. Broadman & Holman Publishers. ISBN 0-8054-3161-6.
- 1 2 Berkow, Ira. “At Dinner with: Chuck Norris“, May 12, 1993. კითხირიშ თარიღი: February 15, 2017. „Mr. Norris also grew up poor, with an alcoholic father, a Cherokee Indian, who was gone from home much of the time, and he and his brother Aaron, who directed 'Sidekicks', and a third brother, Wieland, were raised for the most part by their Irish mother.“
- ↑ “Chuck Norris – Strong, Silent, Popular“, September 1, 1985.
- ↑ “Chuck Norris Fights to Be a Better Actor in 'Hero and the Terror' Role“, September 2, 1988. კითხირიშ თარიღი: February 20, 2020.
- ↑ "Breaking the Silence:".