ციურიხიშ კანტონი

ვიკიპედიაშე
ციურიხიშ კანტონი
გერმ. Zürich, ფრანგ. Zurich; იტალ. Zurigo; რომან. Turitg
გერბი
შილა
ქიანა შვეიცარიაშ შილა შვეიცარია
სტატუსი კანტონი
ფორჷნს 12 ოლქის
ადმინ. ცენტრი ციურიხი
დორსხუაფაშ თარიღი 1351
ოფიც. ნინა გერმანული
მახორობა
1 504 346 (2017 აბანი)
მეჭედალა 814,72 კოჩი/კმ²
ფართობი 1 729 კმ² (7-ა აბანი)
სიმაღალა ზუღაშ დონეშე
 - უმაღალაშ ჭურჭული
 - არძოშე დაბალი ჭურჭული

 1 292
 332
ციურიხიშ კანტონი რუკას
ბორჯიშ ორტყაფუ CET
აბრევიატურა ZH
კოდი ISO 3166-2 CH-ZH
ავტომ. ონომერე შანეფი ZH
ოფიციალური ვებ-ხასჷლა
Canton of Zurich

ციურიხი (გერმ. Zurich) — კანტონი შვეიცარიას, ნამუთ ქიანაშ ოორუე-ბჟაეიოლ ნორთის იდვალუაფჷ. კანტონიშ ნანანოღა - ციურიხი. ოფიციალური ნინა გერმანული რე, მარა კათა აბანობურ შვეიცარიულ გერმანულ დიალქეტშა რაგადანს.

შვეიცარიაშ კონფედერაციას ციურიხიშ კანტონქ 1351 წანას აკათჷ.

კანტონი ალპეფიშ ოორუეშე იფვალუაფჷ. ოორუეშე უხურგანს შაფჰაუზენიშ კანტონი, ბჟადალშე — აარგაუშ, ობჟათეშე — ცუგიშ დო შვიციშ, ბჟაეიოლშე - თურგაუშ დო სანქტ-გალენიშ კანტონეფი. კანტონიშ ტერიტორიას იდვალუაფჷ ციურიხიშ ტობაშ უდიდაში ნორთი.

კანტონიშ ფართობი 1 728,8 კმ² რე, სოიშე 43,4% ოფუტეშ მეურნალაშო გჷმოდირთჷ, 30,7% ტყალამი რე. ტერიტორიაშ უდიდაშ ნორთის აკმადგინანს წყარმერჩხე წყარმალუეფიშ ლეხერეფი, ნამუეფჷთ წყარმალუ რაინს ინმაკათჷნა.

2017 წანაშ მუნაჩემეფით, მახორობა 1 504 346 ადამიერს აკმადგინანდჷ დო თინეფიშ უმენტაში (83,4%) გერმანულნინამი რე.

კანტონიშ დიხეფიშ უდიდაში ნორთი უდუმუშებჷ რე, მარა კანტონიშ ტერიტორია ვა რე მერჩქინელი ოფუტე-ომეურნე აკანო. ირდიხას გოვითარაფილი რე მანუფაქტურა. უწმოხ შანულამი რდჷ აბრეშუმიშ დო ბამბეშ წარმაფა, მარა ასე თარი აქცენტი გჷნოღალირი რე მანქანა-დჷნადგარეფიშ დო ქარღადიშ წარმაფაშა. ეკონომიკაშა დიდი თია მიშმუღჟ მორჩილ დო ოშქაშე ზჷმაშ კომპანიეფს. ნოღა ციურიხი ართ-ართი შანულამი ობანკე-ოდაზღვე ცენტრი რე.

კანტონიშ სხუნუ 180 მაკათურშე აკმოდირთჷ, ნამუსჷთ 4 წანაშ ხანით გიშმაგორჷნა. კანტონი 12 ოლქო დო 171 მუნიციპალიტეტო რე დორთილი.

რესურსეფი ინტერნეტის[რედაქტირაფა | წყუშ რედაქტირაფა]