დინორეშა გინულა

ცოდილო

ვიკიპედიაშე
ცოდილო*
იუნესკოშ მოსოფელიშ მონძალაშ ობიექტი

ქიანა ბოტსვანაშ შილა ბოტსვანა
ტიპი კულტურული
კრიტერიუმეფი i, iii, vi
ერკებული იუნესკოშ ერკებული
რეგიონი** აფრიკა
კოორდინატეფი 18°46′18″ ობჟ. გ. 21°45′15″ ელ. გ. / 
კათაფაშ ისტორია
კათაფა 2001  (25-ა სესია)
ნომერი 1021
* ქძ. ინგლ. ჯოხო UNESCO-შ ერკებულს.
** იუნესკოშით კლასიფიცირაფილი რეგიონი.
იუნესკოშ შილა მოსოფელიშ მონძალა
UNESCO, ობიექტი № 1021
რუს.ინგლ.ფრ.
ცოდილოშ ქჷნჷდრეფი

ცოდილოკირდეშ ხანტურუათ ჩინებული აბანი ოორუე-ბჟადალ ბოტსვანას. იუნესკოშ მოსოფელიშ მონძალაშ ძეგლი 2001 წანაშე. იკათუანს კირდეშ ხანტურუაშ 4500 მინუშის, ნამუთ იდვალუაფუ კალაჰარიშ ტიოზიშ ტერიტორიას ფართობით დოხოლაფირო 10 კმ². რაიონიშ არქეოლოგიური ნაძირებუეფი ოძირანს ადამიერიშ რინაშ ქრონოლოგიას არძაშ უკულაში 100 ვთშ. წანაშ გოძვენაშ პერიოდის.[1]

გეოგრაფია[რედაქტირაფა | წყუშ რედაქტირაფა]

ცოდილოშ ქჷნჷდრეფი შაკავეშე დოხოლაფირო 40 კმ-შ მეძენას იდვალუაფუ.

გიშეგორუაფუ ოთხი თარი ქჷნჷდრი, ნამუშე არძაშე უკაბეტაშიშ სიმაღალა რე 1400 მ. თე ოთხი ქჷნჷრშე სუმშა შხირას უჯოხონა „ქომოლკოჩი“ (არძაშე უმაღალაში), „ოსური“ დო „ბაღანა“. ჟირ კაბეტ ქჷნჷდრს შქას იდვალუაფუ ოკარე აბანი, ნამუშ გოხოლუას რე ბუშმენეფიშ არძაშე ჩინებული ნახანტა — ლორენს ვან დერ პოსტიშ პანელეფი.

კულტურული შანულობა[რედაქტირაფა | წყუშ რედაქტირაფა]

ცოდილოშ ქჷნჷდრეფს შანულამი კულტურული დო შურიელი როლი უღჷ კალაჰარიშ ტიოზიშ ბუშმენეფშო. ბუშმენეფს უღჷნა რწუმა, ნამჷ-და ცოდილოშ „ოსური“ ქჷნჷდრი რე აბანი, სოდე ისვანჯჷნა ღურელეფიშ შური დო ღორონთეფი, ნამუეფჷთ თეურეშე მართჷნა მოსოფელს. არძაშე ჯეგე აბანო იკოროცხჷ, „ქომოლკოჩი“ ქჷნდჷრიშ კონკა, სოდე გჷნოჩამაშ მეჯინათ პირველი შური ბირგულდოშქუმალირო იხვამანდჷ მოსოფელიშ გოჭყაფაშ უკული. ბუშმენეფს წანა, ნამჷ-და პირველ შურიშ ბირგულიშ ნოქურიშ ძირაფა კირდეს დიო ხოლო შილებე.[2]

კირდეშ ნახანტუეფიშ უმენტაშობა რე „ოსური“ ქჷნჷდრს, მარა არძაშე ჩინებული ნახანტეფი — „ვერშაპი“, „ჟირი ხვალექა“, „ნჯილო“ — იდვალუაფუ „ქომოლკოჩი“ ქჷნჷდრიშ ბჟაეიოლშე. მერკე მუდანობაშ ნახანტა რე შხვა ქჷნჷდრეფს.

ქოძირით თაშნეშე[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]

  1. UNESCO. Tsodilo. დოარქივაფილი რე ორიგინალშე 2011-08-21-ს. კითხირიშ თარიღი: 2008-11-03.
  2. Botswana-tourism.gov.bw. Botswana Tourism. დოარქივაფილი რე ორიგინალშე 2006-03-04-ს. კითხირიშ თარიღი: 2008-11-03.