ჭიჭე პლანეტა
ჭიჭე პლანეტა რე ასტრონომიული ობიექტი ნამუთ ბჟას მუკი-მუკი გართანს დო თინა ვართ პლანეტა რე დო ვართ კომეტა. 2006 წანაშახ საირქიანო ასტრონომიული რსხუ გიმირინუანდჷ ტერმინს ჭიჭე პლანეტა, მარა კინ თი წანაშ რეკლასიფიკაციათ ჭიჭე პლანეტეფი დო კომეტეფი გორთეს ჯუკუ პლანეტეფო დო ბჟაშ სისტემაშ მორჩილი რსხულეფო.
ჭიჭე პლანეტეფი იკათუანა ასტეროიდეფს, შორიშ ჭიჭე პლანეტეფს (კენტავრეფი, ტრანსნეპტუნური ობიექტეფი), ნამუეფი იდვალუაფუნა კოიპერიშ ორტყაფუს დო მორღვაფილი დისკის. 2021 წანაშ მანგიშ მუნაჩემეფით რჩქინელი რე ყათეცალ 1,086,655 ობიექტი. ჸათავრეშე ნომერელი რე 567,132 ჭიჭე პლანეტა დო 519,523 ვარე ნომერელი.
მაართა ჭიჭე პლანეტა ნამუქჷთ იძირუ, რდჷ ცერერა (1801 წანა, მაძირაფუ ჯუზეპე პიაცი). ჸათე პერიოდიშე (XIX ოშწანურა) გიმირინუაფჷ ტერმინი ჭიჭე პლანეტა. გიმორინაფას რე ტერმინი პლანეტოიდი ხოლო, მარა პლანეტოიდის ჭიჭეთ ომოს დიდ პლანეტას უძახჷნა. ისტორიულო, ტერმინეფი ასტეროიდი, ჭიჭე პლანეტა დო პლანეტოიდი სინონიმეფი რდჷ.