დინორეშა გინულა

ხვიჩა კვარაცხელია

ვიკიპედიაშე
კუჩხბურთი
კუჩხბურთი
ხვიჩა კვარაცხელია
დორხველი მუნაჩემეფი
დაბ. თარიღი 12 ფურთუთა, 2001 (2001-02-12) (23 წანერი)
დაბ. აბანი ქართი, საქორთუო
სიმაღალა 183 სმ.
წონა 70 კგ.
პოზიცია ოშქაშემათხილე
ერუან. ნაკორობა საქორთუოშ შილა საქორთუო 11(5)
ინფორმაცია კლუბიშ გეშა
კლუბი ნაპოლი
ნომერი 77
კარიერა
კლუბეფი 2017-ასეშა

ხვიჩა კვარაცხელია თაშნეშე ჩინებული მუჭოთ კვარა (დ. 12 ფურთუთა, 2001, ქართი) — ქორთუ მობურთე. საქორთუოშ ერუანული ოკუჩხბურთე ნაკორობაშ დო იტალიური ოკუჩხბურთე კლუბი ნაპოლიშ ოშქაშემათხილე.

საკლუბე კარიერა

[რედაქტირაფა | წყუშ რედაქტირაფა]
ხვიჩა კვარაცხელია 2019 წანას

ორდოიანი კარიერა

[რედაქტირაფა | წყუშ რედაქტირაფა]

2012 წანაშე ლაჸაფენდჷ ქართიშ „დინამოშ“ აკადემიას დო ახალნორდულ ბუნეფს. კვარაცხელიაქ კარიერა 2017 წანას, ქართიშ „დინამოს“ დიჭყჷ. ართი წანაშ უკული „რუსთავშა“ გეგნორთჷ.

მოსკოვიშ „ლოკომოტივი“

[რედაქტირაფა | წყუშ რედაქტირაფა]

2019 წანაშ 15 ფურთუთას, კვარაცხელიაქ იჯარათ მოსკოვიშ „ლოკომოტივშა“ გეგნორთჷ.[1] თიში დებიუტიქ რუსეთიშ პრემიერ ლიგას 2019 წანაშ 10 მელახის, მაჰაჩყალაშ „ანჟიშ“ სააწმარენჯოთ დიჭყჷ. ხვიჩაქ მოედანს 86 წუთის ილაჸაფუ, ჯეფერსონ ფარფანიშ მანგიორო.[2]

2019 წანაშ 1 კვირკვეს, იჯარაშ ვადაშ გულაშ უკულ კვარაცხელიაქ ქჷდიტუ „ლოკომოტივი“.[3] მოსკოვიშ „ლოკომოტივიშ“ მაწვართალ იური სიომინქ გაცხადჷ, ნამჷ-და გაბუსთებული რდჷ ხვიჩაშ ბუნაშე უკაშ დო „რუსთავშე“ უგშუჸიდურუაშ გეშა.[4]

ყაზანიშ „რუბინი“

[რედაქტირაფა | წყუშ რედაქტირაფა]

2019 წანაშ 6 კვირკვეს, კვარაცხელიაქ ხე მაჭარჷ ხუთწანიან კონტრაქტის ყაზანიშ „რუბინწკჷმა“.[5] 2019 წანაშ 15 კვირკვეს, ხვიჩაქ გოლი გენთუღჷ ჸოფილ კლუბის, მოსკოვიშ „ლოკომოტივს“. კვარაცხელიაქ მაჟირა გოლი „რუბინიშ“ მუკაქუნალით, 2019 წანაშ 30 გერგობათუთას, გროზნოშ „ახმატიშ“ სააწმარენჯოთ გენთიღჷ. 2020 წანაშ ზარხულს გიბჟინჷ ინფორმაციაქ, ნამჷ-და „გალათასარაი“ ზად რდჷ ხვიჩაშო 15 მილიონი ევრო გეგნუგაფუდუკო, მარა ტრანსფერქ ვეგშართჷ. 2020 წანას კვარაცხელიაქ გეწ-გეწას სუმშა, გურიშმემაჭუეფქ მარაშინათუთას, ეკენიას დო გჷმათუთას ბუნაშ საუჯგუშო მობურთეთ გიშეჸონეს. [6] 2020 წანას გიშეჸონეს საქორთუოშ წანაშ საუჯგუშო მობურთეთ.

2021 წანაშ დაჭყაფუს, L'Equipe-ქ გიმაბჟინჷ 21-ა ოშწანურას დუნაბადი 50 საუჯგუშო მობურთეშ ერკებული, ნამუსჷთ ხვიჩა რუსეთიშ პრემიერ ლიგაშ აკა წჷმმარინაფალი რდჷ.[7]

ბათუმიშ „დინამო“

[რედაქტირაფა | წყუშ რედაქტირაფა]

2022 წანაშ 7 მელახის, ფიფაქ გჷმაცხადუ, ნამჷ-და უკრაინაშა რუსეთიშ მინოკათუაშ გეშა, რუსეთის მარენჯი ლეგიონერეფს შეულებჷდეს ცანდჸურე მეუჭყორდესკონ კონტრაქტეფი 2022 წანაშ 30 მანგიშახ დო ნებაქ მიაჩეს ქაკათაფუდესკო რუსეთიშ გალე რინელ კლუბეფს 2022 წანაშ 30 მანგიშახ.[8] 2022 წანაშ 24 მელახის ყაზანიშ „რუბინქ“ გაცხადჷ, ნამჷ-და კვარაცხელიაშ კონტრაქტი მეჭყორდჷ. [9] კჷნ თიმ დღას ხვიჩაქ ბათუმიშ „დინამოს“ ქაკათჷ.[10]

კვარაცხელიაქ ბუნაშ რანწკეფს 11 მატჩი მანჯჷ, სოდე 8 გოლიშ მითოღალა დო 2 საგოლე გინოჩამაშ კეთებაქ მაზუჯინჷ. ჯოხოთ გიადჷ ერუანული ლიგაშ მაჟირა წირეშ საუჯგუშო მოლაჸაფეთ. [11]

ნაპოლი

[რედაქტირაფა | წყუშ რედაქტირაფა]

2022 წანაშ 1 კვირკვეს, ხვიჩაქ ოფიციალურო გინირთჷ იტალიური ოკუჩხბურთე კლუბი „ნაპოლიშ“ მოლაჸაფეთ[12]. 15 მარაშინათუთას, ნაპოლიშ აკოდგინალუას პირველი მატჩი მანჯჷ სერია A-ს „ელას ვერონაშ“ სააწმარენჯოთ[13] დო მატჩიშ 37-ა წუთის გენთიღჷ მუში პირველ გოლი[14][15]. 21 მარაშინათუთას, სერია А-შ მაჟირა მატჩის დუბლი არსულჷ „მონცაშ“ სააწმარენჯოთ (4:0)[16][17].

საკლუბე სტატისტიკა

[რედაქტირაფა | წყუშ რედაქტირაფა]
მატჩეფი დო გოლეფი კლუბიშ, სეზონიშ დო ახვალამაშ მეჯინათ
კლუბი სეზონი ლიგა თასი კონტინენტური შხვა გვალო
დივიზიონი მატჩი გოლი მატჩი გოლი მატჩი გოლი მატჩი გოლი მატჩი გოლი
დინამო ქართი 2017 ერუანული ლიგა 4 1 1 0 — — 5 1
გვალო 4 1 1 0 0 0 0 0 5 1
რუსთავი 2018 ერუანული ლიგა 18 3 0 0 — — 18 3
გვალო 18 3 0 0 0 0 0 0 18 3
ლოკომოტივი მოსკოვი 2018–19 რპლ 7 1 3 0 – – 10 1
გვალო 7 1 3 0 0 0 0 0 10 1
რუბინი ყაზანი 2019–20 რპლ 27 3 1 0 — — 28 3
2020–21 23 4 0 0 — — 23 4
2020–21 19 2 1 0 2 0 — 22 2
გვალო 69 9 2 0 2 0 0 0 73 9
დინამო ბათუმი 2022 ერუანული ლიგა 11 8 — — — 11 8
ნაპოლი 2022–23 სერია A 2 3 0 0 0 0 — 2 3
გვალო 111 25 6 0 2 0 0 0 119 25

პიჯური რინა

[რედაქტირაფა | წყუშ რედაქტირაფა]

ხვიჩაშ მუმა რე ჸოფილი მობურთე ბადრი კვარაცხელია (დ. 1965). 2000 წანას ბადრი კვარაცხელიაქ მანჯჷ 3 მატჩი აზერბაიჯანიშ ნაკორობას. ლაჸაფენდჷ ქორთულ დო აზერბაიჯანულ კლუბეფს.[18][19] ჸუნს უკულაში ჯიმა, თორნიკე კვარაცხელია (დ. 2010) ნამუთ „ავაზაშ“ ოკუჩხბურთე აკადემიას ლაჸაფენს. [20] კვარაცხელია ქირსიანი რე. [21]

რესურსეფი ინტერნეტის

[რედაქტირაფა | წყუშ რედაქტირაფა]
ვიკიოწკარუეს? რე ხასჷლა თემაშენ:
სოციალური რშვილეფი
 Instagram
თემატური ვებ-ხასჷლეფი
 AFS · EU-Football.info · FBref.com · FootballDatabase.eu · National Football Teams.com · Soccerbase · Soccerway · playmarkerstats.com · Transfermarkt · WorldFootball.net

სქოლიო

[რედაქტირაფა | წყუშ რედაქტირაფა]
  1. ↑ Хвича Кварацхелия – в "Локомотиве" (Russian). FC Lokomotiv Moscow (15 February 2019).
  2. ↑ Anzhi v Lokomotiv game report (Russian). Russian Premier League (10 March 2019).
  3. ↑ Кварацхелия покинул "Локомотив" (Russian). FC Lokomotiv Moscow (1 July 2019).
  4. ↑ Сёмин: из-за ухода Кварацхелии из "Локомотива" у меня потекли слёзы (Russian). Championat (1 July 2019).
  5. ↑ ХВИЧА КВАРАЦХЕЛИЯ СТАЛ ИГРОКОМ "РУБИНА" (Russian). FC Rubin Kazan (6 July 2019).
  6. ↑ გეწ-გეწას მასუმათ აღიარეს "რუბინიშ" საუჯგუშო მობურთეთ
  7. ↑ Кварацхелия вошел в топ-50 молодых игроков в мире, первый — Фати.
  8. ↑ FIFA adopts temporary employment and registration rules to address several issues in relation to war in Ukraine. FIFA (7 March 2022).
  9. ↑ FC Rubin Kazan (24 March 2022). ""РУБИН" И ХВИЧА ДОГОВОРИЛИСЬ О ПРИОСТАНОВКЕ КОНТРАКТА" (in ru). პრეს-რელიზი. Archived from the original. You must specify the date the archive was made using the |archivedate= parameter. https://rubin-kazan.ru/posts/rubin-i-hvicha-dogovorilis-o-priostanovke-kontraktaაკითხულია: 24 March 2022. 
  10. ↑ Say what?. Dinamo Batumi (24 March 2022). კითხირიშ თარიღი: 24 March 2022.
  11. ↑ ელიგის მეორე წრეში საუკეთესო კვარაცხელიაა (23 June 2022).
  12. ↑ Il Napoli ufficializza l'acquisto di Kvaratskhelia a titolo definitivo. Наполи (2022-07-01). კითხირიშ თარიღი: 2022-07-01.
  13. ↑ Кварацхелия сегодня дебютирует за «Наполи» в матче против «Вероны». კითხირიშ თარიღი: 2022-08-15.
  14. ↑ Хвича Кварацхелия забил за «Наполи» в дебютном матче в серии А (2022-08-15). კითხირიშ თარიღი: 2022-08-15.
  15. ↑ Кварацхелия забил гол в дебютном матче за «Наполи». კითხირიშ თარიღი: 2022-08-15.
  16. ↑ Хвича разрывает на старте в «Наполи»: уже 3+1 за 2 матча. Лучший бомбардир Серии А! (2022-08-21).
  17. ↑ Хвича Кварацхелия забил за «Наполи» во втором матче подряд (2022-08-21).
  18. ↑ ხვიჩა კვარაცხელიაქ შილებუ მიუნხენიშ „ბაიერნიშ“ მაკათურალა Archived 2021-04-12 ვებ-ხასჷლას Wayback Machine. In: Imedinews.ge vom 13. April 2018 (abgerufen am 7. November 2019)
  19. ↑ Profil von Badri Kwarazchelia In: worldfootball.net (abgerufen am 7. November 2019)
  20. ↑ ბაღანა, ნამუთ არძას აღორენს - 10 წანაშ კვარაცხელია ჯიმაშ ნოქურს Archived 2022-07-18 ვებ-ხასჷლას Wayback Machine.
  21. ↑ დარანა მინდორიას – ინტერვიუ ხვიჩა კვარაცხელიაწკჷმა Archived 2022-08-28 ვებ-ხასჷლას Wayback Machine.
გორილი რე "https://xmf.wikipedia.org/w/index.php?title=ხვიჩა_კვარაცხელია&oldid=232370"-შე