ხულიო კორტასარი
| ხულიო კორტასარი ესპ. Julio Cortázar | |
 კორტასარი 1967 წანას (სარა ფასიოშ ფოტო) | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ფურთუთა 12, 1984 (69 წანერი) |
| ღურაშ აბანი: | |
| ერუანობა: | |
| საქვარუა: | |
| Magnum opus: |
კლასობანა (1963) |
| ჟანრი: | |
| ნინა: | |
| ჯილდოეფი: |
მედიჩიშ პრემია საუჯგუშო ნახანდიშო ურცხოულ ნინაშა (1974) |
|
| |
ხულიო ფლორენსიო კორტასარი (ესპ. Julio Florencio Cortázar; დ. 26 მარაშინათუთა, 1914, იქსელი, ბელგია — ღ. 12 ფურთუთა, 1984, პარიზი, საფრანგეთი) — არგენტინალი ჭარუ, ნოველისტი დო მათანგალი, ლიტერატურული ჸარაფიშ ლათინოამერიკული ბუმიშ ართ-ართი თარი დუმარსხუაფალი დო წჷმმარინაფალი. შინელი რე რომანით "კლასობანა".
ხულიო კორტასარიქ დებადჷ ბელგიაშ ნოღა იქსელს. ხულიო 6 წანერი რდუნ თეშ მუმაქ ქიმიოტუ დო უმოსო დიდა რდუნდჷ. სკოლა ბუენოს-აირესის გათუ. სკოლაშ უკულ კორტასარიქ გურაფა გაგინძორჷ ბუენოს-აირესიშ უნივერსიტეტის, სოდეთ ფილოსოფიას გურაფულენდჷ. ჭარალუათ ადრეიან წანეფშე დეინტერესჷ. 1938 წანას, ხულიო დენისიშ ფსევდონიმით გჷმაბჟინუ პოეტური ნაჭარეფი. 1944-1946 წანეფს კორტასარი მუშენდჷ კუიოშ ერუანული უნივერსიტეტის, ფრანგული ლიტერატურაშ პროფესორო. 1946 წანას პოლიტიკური ბაძაძეფიშ გეშა უნივერსიტეტი ქიდიტუ დო უკულიან წანეფს მათანგალო მუშენდჷ. 1951 წანას ხულიო კორტასარიქ საფრანგეთიშა მიდართჷ, სოდეთ ღურაშახ ცხოვრენდჷ. 1952 წანაშე კორტასარი მუშენდჷ იუნესკოს, მათანგალო. კორტასარიქ არძა მუში გიშარჩქინელი ნახანდეფი საფრანგეთის ჭარუ. პარიზიშ გარდა ცხოვრენდჷ ობჟათე საფრანგეთიშ ჭიჭე ნოღა სენიონს, სოდეთ ჸუდე უღუდჷ. საფრანგეთის რინაშ ბორჯის კორტასარი ლათინური ამერიკაშ პოლიტიკურ პროცესეფს ვა მოჩილათე. რდჷ ნიკარაგუას სანდინისტეფიშ რევოლუციაშ, კუბას ფიდელ კასტროშ რევოლუციაშ დო ჩილეშ სალვადორ ალიენდეშ სოციალისტური თარობაშ პროპონენტი. ხულიო კორტასარი რე რომანეფიშ, კუნტა თხობელუეფიშ, პოეტური კრებულეფიშ ავტორი. დიდი პოპულარობა მოუღჷ რომანქ "კლასობანა", ნამუქჷთ 1963 წანას გიშართჷ. ხულიო კორტასარიქ ღურუ 1984 წანაშ 12 ფურთუთას. ნთხორილი რე პარიზიშ მონპარნასიშ სასაფლას.
ლიტერატურა
[რედაქტირაფა | წყუშ რედაქტირაფა]- Carter, E. Eugene (1986). Julio Cortázar: Life, Work and Criticism. Fredericton, Canada: York Press. ISBN 978-0-919966-52-9.
- Peavler, Terry J. (1990). Julio Cortázar. Boston: Twayne. ISBN 0-8057-8257-5.
რესურსეფი ინტერნეტის
[რედაქტირაფა | წყუშ რედაქტირაფა]
- ხულიო კორტასარი ენციკლოპედია ბრიტანიკას
- Julio Cortázar Collection (Finding Aid) – Princeton University Library Manuscripts Division
- Julio Cortázar Literary Manuscripts, 1943-1982 - Benson Latin American Collection
- Julio Cortázar: An Argentinean Master of Anti-novel and Experimental Literature
- Books and texts written by Julio Cortázar