დინორეშა გინულა

ჯერიმაია ჰოროკსი

ვიკიპედიაშე
ჯერიმაია ჰოროკსი
ინგლ. Jeremiah Horrocks
დაბადებაშ თარიღი:

1618

დაბადებაშ აბანი:

ლივერპული, ლანკაშირი, ინგლისი

ღურაშ თარიღი:

3 ღურთუთა, 1641 (22 წანერი)

ღურაშ აბანი:

ლივერპული, ლანკაშირი, ინგლისი

მენოღალობა:

გოართოიანაფილი ომაფე

ომენცარე სფერო:

ასტრონომია
მათემატიკა
მექანიკა

ალმა-მატერი:

კემბრიჯიშ უნივერსიტეტი

ჩინებული რე მუჭოთ:

მაართა მენცარი ნამუქჷთ ივარაუდჷ, დეკვირუ დო ეჭარუ პლანეტა მორღაშ 1639 წანაშ პრანზიტი,
ბრიტანული ასტრონომიაშ ართ-ართი დუმარსხუაფალი

ჯერიმაია ჰოროკსი (ინგლ. Jeremiah Horrocks; დ. 1618, ლივერპული, ლანკაშირი, ინგლისი — ღ. 3 ღურთუთა, 1641, ლივერპული, ლანკაშირი, ინგლისი) — ინგლისარი ასტრონომი, მაართა მენცარი ნამუქჷთ ივარაუდჷ, დეკვირუ დო ეჭარუ პლანეტა მორღაშ 1639 წანაშ პრანზიტი. თაშნეშე, ჰოროკსიშ ვარაუდით, თუთა დიხაუჩას მუკი-მუკი გართანს ელიფსური ორბიტათ. ჯერიმაია ჰოროკსიქ ზუსტას დადგინჷ ნამდა პლანეტა დია მუში ორბიტას ეთმიჩქარებჷ, მუჟამსჷთ მარსქული ირჩქალებუნჷ. ჸათე პროცესი თიქ პლანეტეფიშ გრავიტაციული ურთიართქიმინჯალათ (ინტერაქციათ) ენწყუ. ჯერიმაია ჰოროკსი მერჩქინელი რე ბრიტანული ასტრონომიაშ ართ-ართ დუმარსხუაფალო.

ჯერიმაია ჰოროკსიქ დებადჷ ლივერპულს, 1618 წანას. გურაფულენდჷ კემბრიჯიშ უნივერსიტეტიშ ემანუილ-კოლეჯის, ნამუთ ვაუთებუ. ჰოროკსიქ ღურუ 1641 წანაშ 3 ღურთუთას, 22 წანერქ. ღურაშ ბაძაძი ვარე რჩქინელი. ართი ვერსიათ, ჰოროკსი დასაფულებური რე ტოქსტეთიშ ოხვამეშ სასაფლას.

ჯერიმაია ჰოროკსიშ ჯოხონობაშ რე პრესტონიშ ობსერვატორია დო ცენტრალური ლანკაშირიშ უნივერსიტეტიშ ასტროფიზიკაშ ინსტიტუტი.

ლიტერატურა[რედაქტირაფა | წყუშ რედაქტირაფა]

  • Aughton, Peter (2004). The Transit of Venus: The Brief, Brilliant Life of Jeremiah Horrocks, Father of British Astronomy. London: Weidenfeld & Nicolson.

რესურსეფი ინტერნეტის[რედაქტირაფა | წყუშ რედაქტირაფა]