ჯონი დეპი
| ჯონი დეპი | |
| დაბადებაშ ჯოხო | ჯონ კრისტოფერ დეპი II |
| დაბადებაშ აბანი | ოუენსბორო, კენტუკიშ შტატი, ააშ |
| დებადჷ | 9 მანგი, 1963 |
| საქვარუა | არტისტი, სცენარეფიშ ავტორი, რეჟისორი, პროდიუსერი, მუსიკოსი |
| აკოქიმინჯალაშ წანეფი | 1984–ასეშა |
| ალმასქუ(ეფი) | ლორი ენ ელისონი (1983-1985) |
| მასქერეფი | ჯონ ვოითი მარჩელინ ბერტრანდი |
ჯონ კრისტოფერ „ჯონი“ დეპი II (ინგლ. John Christopher "Johnny" Depp II; დ. 9 ივანობა, 1963[1]) — ამერიკალი არტისტი, პროდიუსერი, მუსიკოსი. რე ორქოშ გლობუსიშ დო კინოარტისტეფიშ გილდიაშ ჯილდოეფიშ მაღვენჯი. ჩინებულქ იჸუ 1980-იანი წანეფიშ კინოსერიალით „ჯამფ-სტრიტი 21“. ილაჸაფჷ წჷმოძინელ ფილმეფს „მარკატელიშხელეფამი ედვარდი“ (1990), „ჩარლი დო შოკოლადიშ ქარხანა“ (2005), „ალისა მერეთეფიშ ქიანას“ (2010), „რანგო“ (2011), ხოლო „კარიბიშ ზუღვაშ კორსანტეფი“ ფილმეფის (2003-ამდღარშა).
ჯონი დეპის მეღებული აფჷ ორქოშ გლობუსი ფილმიშო „სუინი ტოდი: დემონი-დალაქი ფლიტ-სტრიტიშე“ (2007) დო კინოარტისტეფიშ გილდია ფილმიშო „კარიბიშ ზუღაშ კორსანტეფი: უჩა მირგატიშ ჭყალა“ (2003). ჟურნალქ „People“ არტისტი 2-შა დასახელჷ „არძაშე სექსუალურ კოჩო“ (2003, 2009).[2] 2012 წანას მიშართჷ გინესიშ მოსოფელიშ რეკორდეფიშ წინგიშა, მუჭოთ მოსოფელიშ არძაშე მაღალგინოგაფური არტისტი, 75 მილიონი დოლარით.[3]
ორდოიანი წანეფი
[რედაქტირაფა | წყუშ რედაქტირაფა]ჯონ კრისტოფერ დეპიქ 1963 წანაშ 9 მანგის, კენტუკიშ შტატის ნოღა ოვენსბოროს დებადჷ.[1] მუამუში, ჯონ კრისტოფერ დეპი, ონოღერი ინჟინერი რდჷ, დიდა, ბეტი სიუ პალმერი, — ოფიციანტი.[4] ოთხი სქუაშე ჯონი არძაშე ჭიჭე რდჷ.[5]
მუმაშ სამუშაშ გეშა ჯონიშ ფანია ოხორუს შხირას ითირანდჷ. საბოლათ, მუჟამსჷთ მუმალი არტისტი 7 წანერი რდჷნ, ფანიაქ ფლორიდას დიხორჷ. სოიშა ჯონ კრისტოფერ დეპი სამუშას იშინდჷნ, დოხოლაფათ 1 წანას მოტელს ოხორანდეს. ჯონიქ ახალი ჸუდე გიჯოგუ დო 12 წანაშ ხანს შუმა, ნარკოტიკეფიშ მოხვარება დო მუშითდაშება დიჭყუ.[5]
1978 წანას ჯონიშ მასქერეფქ დეთხის. 16 წანაშ ხანს თიქ სკოლა მიოტუ დო მუსიკალურ ბუნას „The Kids“ აკათჷ.[5]
ოარტისტე კარიერა
[რედაქტირაფა | წყუშ რედაქტირაფა]ტელევიზია
[რედაქტირაფა | წყუშ რედაქტირაფა]
ჯონი დეპმიქ აკათჷ Fox-იშ ოტელევიზიე სერიალს „ჯამფ-სტრიტი 21“, ნამუშ პრემიერაქ 1987 წანას იჸუ.[6] სერიალიშ წჷმოძინაქ დეპი 1980-იანი წანეფიშ ბოლოს თინეიჯერეფიშ ჯაკონო გინირთჷ.[6] თიშ უმიკუჯინუო, არტისტიქ გინოჭყვიდჷ, ნამდა თიშო უჯგუში იჸიდჷ ხვალე კინოფილმეფს აკათუდჷდა.
კინოროლეფი
[რედაქტირაფა | წყუშ რედაქტირაფა]ჯონი დეპიშ მაართა თარი როლი რდჷ მერმენწა ფილმის „მერმენწუა თელეფიშ შოშეს“ (1984), სოდეთ ფრედი კრუგერიშ ართ-ართი ოკიბირე ასახიერჷ.[6] არტისტი მაჟირახარისხამ როლს გიმორჩქინდჷ ოლივერ სტოუნიშ ოსკარიშ მაღვენჯ ფილმის „ეჩეული“ (1986). 1990 წანას თარი როლი არსულჷ ტიმ ბარტონიშ ფილმის „მარკატელიშხელეფამი ედვარდი“; ფილმიშ წუმოძინაქ ბარტონიშ დო დეპიშ მუმალი ალმახანდუა უნარღელჸუ.[6]
დეპიშ კარიერას თარი რდჷ Walt Disney Pictures-იშ „კარიბიშ ზუღაშ კორსანტეფი: უჩა მირგატიშ ჭყალა“ (2003),[7] ნამუსჷთ თიქ კაპიტან ჯეკ ბაღჷრეშ როლი ილაჸაფჷ. კრიტიკოსეფქ არტისტიშ ლაჸაფი დადებითო აფასჷ დო ოსკარიშოთ რდჷ ნომინირაფილი საუჯგუშო არტისტი კოჩიშ კატეგორიას.
2004 წანას დეპი ხოლო ართშა წჷმარინეს ოსკარს ფილმიშო „ჯადოსნური ქიანა“. გეჸვენჯი 2005 წანას აკათჷ ფილმის „ჩარლი დო შოკოლადიშ ქარხანა“, ნამუთ ფინანსურო მჷმაგებუანქ იჸუ, არტისტიქ ორქოშ გლობუსის რდჷ ნომინირებული.[8]
ჯონი კინ დირთჷ კაპიტან ჯეკ ბაღჷრეშ როლს „კარიბიშ ზუღაშ კორსანტეფი“ გეჸვენჯ ფილმეფს: „ღურელიშ საფეთიშო“ (2006), „მოსოფელიშ დათებუ“ (2007), „უჩინებურ წყარპიჯის“ (2011). არძაქ წჷმოძინელქ იჸუ ფინანსურო.[9]
2007 წანას არტისტიქ ილაჸაფჷ ტიმ ბარტონიშ მიუზიკლის „სუინი ტოდი: დემონი-დალაქი ფლიტ-სტრიტიშე“; ათე როლიშო თიქ ორქოშ გლობუსი გიმორგჷ.
ოპროდიუსერე კომპანია
[რედაქტირაფა | წყუშ რედაქტირაფა]2004 წანას ჯონი დეპიქ დარსხუ ოპროდიუსერე კომპანია „Infinitum Nihil“, ნამუთ ოკათჷდჷ პროექტეფს, სოდეთ თინა არტისტი დო/ვარდა პროდიუსერი რე. კომპანიაშ პრეზიდენტი დეპიშ და, კრისტი დემბროვსკი რე.[10] კომპანიაშ მაართა პროდუქტი რდჷ 2011 წანას გიშულირი „რომიშ დღალურეფი“. 2011 წანასჷთ გიშართჷ მარტინ სკორსეზეშ „ჰიუგო“, 2012 წანას ტიმ ბარტონიშ „წკურუმია ოროეფი“.
პიჯული რინა
[რედაქტირაფა | წყუშ რედაქტირაფა]ჯონი დეპიქ აუხვადჷ ვანესა პარადისის 1998 წანას, ფილმ „მაჩხორა ფარდიკარი“ გინოღალაშ ბორჯის.[11] თინეფიშ ურთიართობა 2012 წანაშ მანგიშა გეგინძორჷ.[12] დეპიშ დო პარადისის ჸუნა ჟირი სქუა, ლილი-როუზი მელოდი დეპი (დ. 1999) დო ჯონ კრისტოფერი დეპი III (დ. 2002).[13]
ფილმოგრაფია
[რედაქტირაფა | წყუშ რედაქტირაფა]| წანა | მარგალურო | ოდაბადური ჯოხოდვალა | როლი | |
|---|---|---|---|---|
| 1984 | ფ | მერმენწუა თელეფიშ შოშეს | A Nightmare on Elm Street | გლენ ლენცი |
| 1985 | ფ | ორხველი კურორტი | Private Resort | ჯეკ მარშალი |
| 1986 | ფ | დადაფი ჭუა | Slow Burn | დონი ფლაშერი |
| 1986 | ფ | ეჩოული | Platoon | ლერნერი |
| 1987 | ს | 1990 | ჯამფ-სტრიტი 21 | |
| 1990 | ფ | მარკატელიშხელეფამი ედვარდი | Edward Scissorhands | მარკატელიშხელეფამი ედვარდი |
| 1993 | ფ | არიზონაშ ოცნება | Arizona Dream | აქსელ ბლეკმარი |
| 1993 | ფ | ბენი დო ჟუნი | Benny & Joon | სემი |
| 1994 | ფ | ედ ვუდი | Ed Wood | ედ ვუდი |
| 1995 | ფ | დონ ჟუან დემარკო | Don Juan DeMarco | დონ ჟუანი/ჯონ რ. დემარკო |
| 1998 | ფ | ზრაფა დო გურიშრია ლას-ვეგასის | Fear and Loathing in Las Vegas | რაულ დუკი |
| 1999 | ფ | მაჩხორა ფარდკარი | The Ninth Gate | დინ კორსო |
| 2000 | ფ | შოკოლადი | Chocolat | როუქსი |
| 2000 | ფ | სოიშა დისერუნჷ | Before Night Falls | ბონ ბონი |
| 2003 | ფ | ართშა მექსიკას | Once Upon a Time in Mexico | შელდონ სენდსი |
| 2003 | ფ | კარიბიშ ზუღაშ კორსანტეფი: უჩა მირგატიშ ჭყალა | Pirates of the Caribbean: The Curse of the Black Pearl | ჯეკ ბეღურა |
| 2004 | ფ | ჯადოსნური ქიანა | Finding Neverland | ჯეიმზ ბარი |
| 2005 | ფ | ჩარლი დო შოკოლადშ ქარხანა | Charlie and the Chocolate Factory | ვილი ვონკა |
| 2005 | ფ | მოჭყუდუ-ნოღური | Corpse Bride | ვიქტორ ვან დორტი |
| 2005 | ფ | კარიბიშ ზუღაშ კორსანტეფი: ღურელიშ საფეთიშო | Pirates of the Caribbean: Dead Man's Chest | ჯეკ ბეღურა |
| 2007 | ფ | კარიბიშ ზუღაშ კორსანტეფი: ოქიანუშ დათებუ | Pirates of the Caribbean: At World's End | ჯეკ ბეღურა |
| 2007 | ფ | სუინი ტოდი: დემონი-დალაქი ფლიტ-სტრიტიშე | Sweeney Todd: The Demon Barber of Fleet Street | სუინი ტოდი/ბენჯამინ ბარკერი |
| 2009 | ფ | დოქტორ პარნასიშ აწოძირაფა | The Imaginarium of Doctor Parnassus | ტონის ტრანსფორმაცია |
| 2009 | ფ | ჯარალუაშ ნტერეფი | Public Enemies | ჯონ დილინჯერი |
| 2010 | ფ | ალისა მერეთეფიშ ქიანაშე | Alice in Wonderland | შეშლილი მექუდე |
| 2010 | ფ | ტურისტი | The Tourist | ფრენკ ტუპელო |
| 2011 | ფ | კარიბიშ ზუღაშ კორსანტეფი: უჩინებურ წყარპიჯის | Pirates of the Caribbean: On Stranger Tides | ჯეკ ბეღურა |
| 2011 | ფ | ჯეკი დო ჯილი | Jack and Jill | მუში დუდი |
| 2011 | ფ | რომიშ დღარეფი | The Rum Diary | პოლ კემპი |
| 2012 | ფ | ჯამფ-სტრიტი 21 | 21 Jump Street | ოფიცერი ტომას ჰენსონი |
| 2012 | ფ | წკურუმია ოროეფი | Dark Shadows | ბარნაბას კოლინსი |
| 2013 | ფ | ხვაეხერი რეინჯერი | The Lone Ranger | ტონტო |
| 2014 | ფ | ტრანსცენდენცია | Transcendence | დოქტორი უილ კასტერი |
რესურსეფი ინტერნეტის
[რედაქტირაფა | წყუშ რედაქტირაფა]
- ჯონი დეპი — კინოფილმეფიშ ინტერნეტ მუნაჩემეფიშ ბაზას (ინგლისური)
სქოლიო
[რედაქტირაფა | წყუშ რედაქტირაფა]- ↑ 1.0 1.1 Celebrity Central: Johnny Depp. People.
- ↑ Johnny Depp at People. People (May 19, 2011).
- ↑ Justin Bieber, Miranda Cosgrove, & Lady Gaga Are Welcomed Into 2012 Guinness World Records. kaneshow.com
- ↑ The Genealogist, "Richard T. Oren Depp ( 1 879- 1 9 1 2); m. Effie America Palmore. 9th gen. Oren Larimore Depp; m. Violet Grinstead. 10th gen. John Christopher Depp; m. Betty Sue Wells. 1 1th gen John Christopher Depp II (Johnny Depp), b. 9 June 1963, Owensboro. See Warder Harrison, "Screen Star, Johnny Depp, Has Many Relatives in Ky.," Kentucky Explorer (Jackson, Ky), July–August 1997, 38–39. 247 Barren Co."
- ↑ 5.0 5.1 5.2 Johnny Depp biography. biography.com.
- ↑ 6.0 6.1 6.2 6.3 გაცხადჷ „Inside the Actors Studio“-წკჷმა ინტერვიუს, 2002 წანას.
- ↑ Interview: Johnny Depp. MoviesOnline.
- ↑ Charlie and the Chocolate Factory. Hollywood Foreign Press Association.
- ↑ ‘Pirates’ plunders record $132M at box office. nbcnews
- ↑ Johnny Depp Infinitum Nihil. Deppimpact.com. კითხირიშ თარიღი: June 15, 2012.
- ↑ Johnny Depp Not the Marrying Kind. SoFeminine.co.uk.
- ↑ Johnny Depp & Vanessa Paradis Officially Split. People (June 19, 2012).
- ↑ “Baby boy for Depp and Paradis“, BBC News, September 18, 2002.