ჯონ ბარდინი

ვიკიპედიაშე
ჯონ ბარდინი
ინგლ. John Bardeen
დაბადებაშ თარიღი:

23 მესი, 1908

დაბადებაშ აბანი:

მადისონი, ვისკონსინი, ააშ

ღურაშ თარიღი:

ღურთუთა 30, 1991 (82 წანერი)

ღურაშ აბანი:

ბოსტონი, მასაჩუსეტსი, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

ფიზიკა

სამუშაშ აბანი :

ბელიშ ლაბორატორია
ილინოისიშ უნივერსიტეტი (ურბანა-შამპეინი)

ალმა-მატერი:

ვისკონსინიშ უნივერსიტეტი (მადისონი)
პრინსტონიშ უნივერსიტეტი

ომენცარე ხემანჯღვერი:

იუჯინ ვიგნერი

ჯოხოშინელი მოგურაფეეფი:

უილიამ ლ. მაკმილანი
ჯონ რობერტ შრიფერი
ნიკ ჰოლონიაკი

ჩინებული რე მუჭოთ:

ტრანზისტორიშ გჷმაგონებელი
ბკშ თეორიაშ დუმარსხუაფალი

ჯილდოეფი დო პრემიეფი:

სტიუარტ ბალანტაინიშ მენდალი (1952)
ოლივერ ბაკლიშ პრემია (1954)
ნობელიშ პრემია ფიზიკას (1956)
მენცარობაშ ერუანული მენდალი (1965)
ღრისებაშ მენდალი IEEE (1971)
ნობელიშ პრემია ფიზიკას (1972)
ომაფე საზოგადოებაშ მაკათური (1973)
ფრანკლინიშ მენდალი (1975)
დუდიშობაშ ოპრეზიდენტე მენდალი (1977)
ლომონოსოვიშ ორქოშ მენდალი (1987)
ჰაროლდ პენდერიშ პრემია (1988)

ჯონ ბარდინი (ინგლ. John Bardeen; დ. 23 მესი, 1908, მადისონი, ვისკონსინი, ააშ — ღ. 30 ღურთუთა, 1991, ბოსტონი, მასაჩუსეტსი, ააშ) — ამერიკალი ფიზიკოსი დო ინჟინერი. ბარდინი რე ხვალე ართი მენცარი, ნამუსჷთ გინოჩეს ნობელიშ პრემია ფიზიკაშ დარგის ჟირშა: მაართაშა 1954 წანას, ტრანზისტორიშ გიმოგონებაშ გეშა (უილიამ ბრედფორდ შოკლი დო უოლტერ ბრატენიწკჷმა ართო) დო მაჟიაშა 1972 წანას, სუპერგამტარობაშ თეორიაშ - ბკშ თეორიაშ გოვითარაფაშ გეშა (ლეონ კუპერი დო ჯონ რობერტ შრიფერიწკჷმა ართო). ტრანზისტორიშ გიმოგონება რდჷ რევოლუციური ელექტრო-ინდუსტრიას, ტრანზისტორიშ გიმოგონებაქ შელებუ ელექტრონული ტექნოლოგიაშ გოვითარაფა. სუპერგამტარობაშ ფიზიკას რე გერსხილი გვირზილურ-ჭაჭმენტური რეზონანსი დო ჭაჭმენტურ-რეზონანსული ტომოგრაფია, ნამუთ გიმირინუაფჷ ასეიან მედიცინას. ჯონ ბარდინი გურაფულენდჷ ვისკონსინიშ უნივერსიტეტის (მადისონი), სოდეთ მიპალუ მენცარობაშ ბაკალავრიშ ხარისხი ელექტრო-ინჟინერიას, 1928 წანას. 1929 წანას მიპალუ მაგისტრიშ ხარისხი. ბარდინქ ოდოქტორე დისერტაცია თხილუ პრინსტონიშ უნივერსიტეტის იუჯინ ვიგნერიშ ხემანჯღვერობათ, 1936 წანას. გურაფაშ თებაშ უკულ მონაწილენდჷ მაჟირა მოსოფელიშ ლჷმას. ლჷმაშ თებაშ უკულ ჯონ ბარდინი მუშენდჷ ბელიშ ლაბორატორიას დო უკულ ილინოისიშ უნივერსიტეტის (ურბანა-შამპეინი) პროფესორო. ჯონ ბარდინქ ღურუ 1991 წანაშ 30 ღურთუთას, 82 წანერქ. ნთხორილი რე მადისონიშ ფორესტ-ჰილიშ სასაფლას.

ლიტერატურა[რედაქტირაფა | წყუშ რედაქტირაფა]

  • Daitch & Hoddeson (2002). True Genius:: The Life and Science of John Bardeen. Joseph Henry Press.

რესურსეფი ინტერნეტის[რედაქტირაფა | წყუშ რედაქტირაფა]