ჯონ ვუდ კემპბელი

ვიკიპედია-შე
ნავიგაციაზე გადასვლა ძიებაზე გადასვლა
ჯონ ვუდ კემპბელი
14th WSFS 008 - 1956 John Campbell cropped.jpg
ჯონ ვუდ კემპბელი 1956 წანას
ფსევდონიმი:

Don A. Stuart

დაბადებაშ თარიღი:

8 მანგი, 1910

დაბადებაშ აბანი:

ნიუარკი, ნიუ-ჯერსი, ააშ

ღურაშ თარიღი:

კვირკვე 11, 1971 (61 წანერი)

ღურაშ აბანი:

მაუნტინსაიდი, ნიუ-ჯერსი, ააშ

ერუანობა:

Flag of the United States.svg ამერიკალი

საქვარუა:

ჭარუ, ნოველისტი,
ჟურნალიშ რედაქტორი

პერიოდი :

1930–1971

Magnum opus:

მი მოურს? (1938)
უნძალაში მანქანა (1947)
სარკო პლანეტა (1949)
უქიანოშ კოკეფი (1956)
უქიანოშ მელე (1976)

ჟანრი:

ომენცარე ფანტასტიკა

ნინა:

ინგლისური ნინა

ჯილდოეფი:
  • ჰიუგოშ რეტრო-პრემია
  • ომენცარე ფანტასტიკაშ დო ფენტეზიშ დიდობაშ დარბაზი (1996)

ხეშმოჭარუა

ჯონ ვუდ კემპბელი უკულაში (ინგლ. John Wood Campbell Jr.; დ. 8 მანგი, 1910, ნიუარკი, ნიუ-ჯერსი, ააშ — ღ. 11 კვირკვე, 1971, მაუნტინსაიდი, ნიუ-ჯერსი, ააშ) — ამერიკალი ჭარუ, ნოველისტი დო რედაქტორი, ომენცარე ფანტასტიკაშ ორქოშ პერიოდიშ ართ-ართი უდიდაში ფიგურა.

ბიოგრაფია[რედაქტირაფა | წყუშ რედაქტირაფა]

ჯონ ვუდ კემპბელიქ დებადჷ 1910 წანას, ნიუ-ჯერსიშ ნოღა ნიუარკის. გურაფულენდჷ მასაჩუსეტსიშ ტექნოლოგიაშ ინსტიტუტის, უკულ გურაფა გაგინძორჷ დიუკიშ უნივერსიტეტის. 1934 წანას მიპალუ ბაკალავრიშ ხარისხი ფიზიკას. კემპბელიქ ჭარალუათ ორდოიანი წანეფიშე დეინტერესჷ. 18 წანერი რდუნ თეშ გჷმაბჟინუ მაართა თხობელუეფი. 1930-1931 წანეფიშ პერიოდის ომენცარე ფანტასტიკაშ ჟურნალს "Amazing Stories" გიშართჷ კემპბელიშ ამშვი თხობელუაქ დო ართი ნოველაქ.

1937 წანაშე ღურაშახ კემპბელი რდჷ ჟურნალიშ "Astounding Science Fiction"-იშ რედაქტორი.

1938 წანას გიშართჷ კემპბელიშ არძაშე უმოსო შინელ რომანქ "მი მოურს?", ნამუქჷთ ავტორს დიდი პოპულარობა მოუღჷ. ჸათე რომანიშ სიუჟეტის რე გერსხილი შხვადოშხვა ამერიკული კინო-ფილმეფი. კემპბელიშ შხვა ჩინებული ნაწარმებეფი რე რომანეფი: "უნძალაში მანქანა", "სარკო პლანეტა", "უქიანოშ კოკეფი", თაშნეშე თხობელუეფიშ კათელეფი: "თუთა ჯოჯოხეთი რე", "უქიანოშ მელე" დო შხვეფი.

ჟურნალიშ რედაქტორობაშ ბორჯის, 1938-1946 წანეფიშ პერიოდეფს, კემპბელიქ ჟურნალს გჷმაბჟინუ ომენცარე ფანტასტიკაშ ჟანრიშ დუმაჭყაფუ ავტორეფიშ: აიზეკ აზიმოვიშ, რობერტ ჰაინლაინიშ, თეოდორ სტარჯენიშ დო ართურ ჩარლზ კლარკიშ ოდებიუტე ნახანდეფი. თაშნეშე, კემპბელიქ ხე შეუნწყუ ჸათე ავტორეფიშ ლიტერატურულ კარიერას.

ჟურნალ Astounding-იქ, კემპბელიშ რედაქტორობაშ ბორჯის ამშვიშა მიპალუ ჰიუგოშ პრემია საუჯგუშო პროფესიონალური ჟურნალიშ ნომინაციას.

კემპბელიშ ღურაშ უკული 1971 წანას კანზასიშ უნივერსიტეტიქ დარსხუ ჯონ ვუდ კემპბელიშ მემორიალური პრემია ომენცარე ფანტასტიკაშ საუჯგუშო რომანიშო.

კემპბელიშ ჯოხონობაშ რე ართი კრატერი პლანეტა მოროხის.

რესურსეფი ინტერნეტის[რედაქტირაფა | წყუშ რედაქტირაფა]