ჯონ მარშალი
| ჯონ მარშალი John Marshall | ||
 ჯონ მარშალიშ პორტრეტი (ჰენრი ინმენიშ ნახანტა, 1832 წ.) | ||
| ააშ-იშ 4-ა თარი მოსამართალე | ||
|---|---|---|
| პოსტის გერინაშ ბორჯი | ||
| 4 ფურთუთა, 1801 – 6 კვირკვე, 1835 | ||
| წიმოხონი | ოლივერ ელსვორტი | |
| მონძე | როჯერ ბრუკ ტონი | |
| პოსტის გერინაშ ბორჯი | ||
| 13 მანგი, 1800 – 4 მელახი, 1801 | ||
| პრეზიდენტი | ჯონ ადამსი | |
| წიმოხონი | ტიმოთი პიკერინგი | |
| მონძე | ჯეიმზ მედისონი | |
ააშ-იშ წჷმმარინაფალეფიშ პალატაშ მაკათური ვირჯინიაშ 13-ა ოლქიშე | ||
| პოსტის გერინაშ ბორჯი | ||
| 5 მელახი, 1799 – 6 მანგი, 1800 | ||
| წიმოხონი | ჯონ კლოპტონი | |
| მონძე | ლიტლეტონ უოლერ ტეიზუელი | |
| დუნაბადი | 24 ეკენია, 1755 ჯერმანთაუნი, ვირჯინია, ბრიტანეთიშ ამერიკა | |
| ნაღურა | 6 კვირკვე, 1835 (79 წანერი) ფილადელფია, პენსილვანია, ააშ | |
| ნთხორუ აბანი | შოკო-ჰილიშ სასაფლა, რიჩმონდი, ვირჯინია | |
| მენოღალობა |  ააშ | |
| ერუანობა | ამერიკალი | |
| პოლიტიკური პარტია | ფედერალისტეფიშ პარტია | |
| მუმა | ტომას მარშალი | |
| ნანა | მერი რენდოლფ კეიტი | |
| ალმასქუ | მერი უილის ემბლერი | |
| სქუალეფი | 10 | |
| გონათაფა | უილიამიშ დო მერიშ კოლეჯი | |
| საქვარუა | იურისტი, პოლიტიკოსი, სახენწჷფო მოღალე | |
| ხეშმოჭარუა |  | |
ჯონ მარშალი (ინგლ. John Marshall; დ. 24 ეკენია, 1755 — ღ. 6 კვირკვე, 1835) — ამერიკალი სახენწჷფო მოღალე, იურისტი, პოლიტიკოსი, ამერიკაშ ართ-ართი დუმარსხუაფალი-მუმა, ააშ-იშ თარი მოსამართალე 1801 წანაშე ღურაშახ.
ჯონ მარშალქ დებადჷ ვირჯინიაშ კოლონიაშ ნოღა ჯერმანთაუნს. გურაფულენდჷ უილიამიშ დო მერიშ კოლეჯის. ამერიკაშ რევოლუციური ლჷმაშ დოჭყაფაშ უკულ, ქაკათჷ კონტინენტური არმიას დო მონაწილენდჷ შხვადოშხვა შანულამი ბურჯაფის. ლჷმაშ მიმალობაშ ეკონია პერიოდის, მარშალქ გიშაგორილქ იჸუ ვირჯინიაშ დელეგატეფიშ პალატაშ მაკათურო. მარშალი ააშ-იშ კონსტიტუციაშ რატიფიკაციაშ მოხუჯე რდჷ დო მიშეღჷ კაბეტი თია ჸათე დოკუმენტიშ რატიფიკაციაშა. პრეზიდენტი ადამსიშ ზოჯალათ, 1797 წანას მარშალქ საფრანგეთიშა მიდართჷ, სოდეთ თინა მონაწილენდჷ ფრანგეფიწკჷმა მორაგადაფეფს. ფრანგული ფლოტი გითმიანთხუდჷ ამერიკული ოვაჭარე გემეფს დო ამერიკული დელეგაციაშ ღანკი რდჷ ჸათე პრობლემაშ დიპლომატიური გინოჭყვიდუა. მარა ფრანგეფქ მორაგადაფაშ დაჭყაფუშახ, ამერიკალეფიშე რთამი მითხის. საფრანგეთიშე დორთინაშ უკულ, მარშალი ხემანჯღვერენდჷ ფედერალისტეფიშ პარტიას ააშ-იშ კონგრესის. 1800 წანას მარშალი ქუდარინეს სახენწჷფო მელამოსეთ. თიქ გინირთჷ შანულამი ფიგურათ ადამსიშ ადმინისტრაციას.
1801 წანას ადამსი ქუდარინეს ააშ-იშ თარი მოსამართალეთ. ჸათე პოსტი თის ღურაშახ უკინებუდჷ. მარშალი მერჩქინელი რე ართ-ართი გოლინიანი მოსამართალეთ ააშ-იშ უჟინაში სასამართალოშ არსებობაშ გოძვენას. 1799-1800 წანეფს მარშალი მოღალენდჷ ააშ-იშ წჷმმარინაფალეფიშ პალატას. ჯონ მარშალი რდჷ ართ-ართი ჸეთი ჭიჭე მუდანობაშ ამერიკალეფიშე, ნამუეფსჷთ უკებუდეს პოსტეფი ააშ-იშ ფედერალური თარობაშ სუმხოლო ნოჸელას.