ჯუზეპე ჯუდიჩე

ვიკიპედიაშე

ჯუზეპე ჯუდიჩე მილანარი ( ღ. 1646, კონსტანტინოპოლი), პატრი, თეატინარეფიშ საჯიმალოშ მაკათური, მისიონერი.

1631 არქანჯელო ლამბერტიწკჷმა ართო ქართლშა, გორშა, ქომორთჷ. 1633 ჟირხოლოქ ახალციხეშ დო გურიაშ გულათ სამარგალოშა ინილჷ. თაქ დიჭყჷ ჯუდიჩექ ომისიონერე საქვარუა, გურაფულენდჷ მარგალურ ნინას დო ექიმიშ საქვარუას მეჸუნდჷ. ლევან II დადიანიშ დავალებათ ჯუდიჩექ 1643 რომშა პაპ ინოკენტი X-შა დინილჷ სარწუმობურ-პოლიტიკური სიხოლაშ გონძალიარაფაშ ღანკით. დორთაბორჯის ალმაშარეეფწკჷმა ართო ოსმალეთის ჭკორო ქენოლჷ დო თექინეშეს დოღურჷ.

სამარგალოს რინაშ პერიოდის აკადგინჷ რელაციონეფი დო რომშა მიდაჯღონჷ. ლამბერტიშ „სამარგალოშ ეჭარუაწკჷმა“ ართო ჯუდიჩეშ ჭარილეფი ქვერსემი ძივთუან წყუ რე XVII ოშწანურაშ სამარგალოშ დო საართოთ საქორთუოშ პოლიტიკური, ეკონომიკური დო კულტურაშ ისტორიაშ დაგურაფალო.

ლიტერატურა[რედაქტირაფა | წყუშ რედაქტირაფა]

  • ბადრიძე, შ., ქსე, ტ. 11, გვ. 578, თბ., 1987