ჰასან ნასრალა
| ჰასან ნასრალა حسن نصر الله | ||
 ნასრალა 2019 წანას | ||
| ჰეზბოლაშ მა-3 გენერალური მელამოსე | ||
|---|---|---|
| პოსტის გერინაშ ბორჯი | ||
| 16 ფურთუთა, 1992 – 27 ეკენია, 2024 | ||
| წიმოხონი | აბას ალ-მუსავი | |
| მონძე | ნაიმ კასემი | |
| დუნაბადი | 31 მარაშინათუთა, 1960 ბურჯ ჰამუდი, ლიბანი | |
| ნაღურა | ეკენია 27, 2024 (64 წანერი) ბეირუთი, ლიბანი | |
| ღურაშ ბაძაძი | ჸვილუა | |
| მენოღალობა |  ლიბანი | |
| პოლიტიკური პარტია | ამალი (1978-1982) ჰეზბოლა (1982-2024) | |
| ალმასქუ | ფატიმა მუსტაფა იასინი | |
| სქუალეფი | 5 | |
| საქვარუა | ოშურიელე მოღალე, პოლიტიკოსი | |
| რელიგია | ისლამი | |
| ხეშმოჭარუა |  | |
ჰასან ნასრალა (არაბ. حسن نصر الله, დ. 31 მარაშინათუთა, 1960 — ღ. 27 ეკენია, 2024) — ლიბანარი ოშურიელე დო პოლიტიკური მოღალე, ჰეზბოლაშ მა-3 გენერალური მელამოსე 1992-2024 წანეფს.
დებადჷ 1960 წანას, ბეირუთის. გურაფულენდჷ ტვიროსიშ სკოლას დო უკულ ბაალბექიშ სემინარიას. ნასრალაქ ახალნორდობაშე ქაკათჷ ამალიშ პოლიტიკური ჸარაფის. 1980-იან წანეფიშე ჰეზბოლაშ მაკათური რდჷ. ჭიჭე პერიოდიშ გოძვენას ნასრალა ირანს ცხოვრენდჷ დო თეოლოგიას გურაფულენდჷ. ლიბანშა დორთინაშ უკულ, ჰეზბოლაშ ლიდერო გინირთჷ.
თიში ხემანჯღვერობათ ჰეზბოლაქ შანულამო გენძალიერჷ დო მიპალუ შორს მოქმენდი რაკეტეფი, ნამუეფსჷთ ჰეზბოლა ეფექტურო ირინუანდჷ ისრაელიშ მეხჷ. ისრაელქ, 2000 წანას, 18 წანიანი ოკუპაციაშ უკულ, ობჟათე ლიბანიშე გეგშეჸონჷ მუში აკოანჯარაფილი ნძალეფი. შედეგო, ჰეზბოლაქ ხოლო უმოსო განძალიერჷ მუში პოზიციეფი ლიბანს დო ხოლო უმოს პოპულარულო გინირთჷ. ისრაელიშ ჯარეფიშ გიშულაშ უკულ, ჰეზბოლა ისრაელიშე თხულენდჷ ლიბანარი ტყვეეფიშ გადუდიშულაფას. 2006 წანაშ 12 კვირკვეს, ჰეზბოლაშ მაკათურეფქ გეტყობუა მუნწყის ისრაელიშ ჯარიშკოჩეფს ლიბან-ისრაელიშ სანძღოშ გოხოლუას, დოჸვილეს სუმი ისრაელარი ჯარიშკოჩი დო ოჭოფეს ჟირი. ჰეზბოლაქ მითხუ ტვეეფიშ თირუა. საგამათ, ისრაელქ წიმიჭყჷ ოჰაერე რეიდი ლიბანიშ მეხჷ, უკულ გემშეჭკირჷ ობჟათე ლიბანიშ ტერიტორიაშა და ლიბანი ოზუღე დო ოჰაერე ბლოკადას ქინახუნუ. გოეროშ უშქურანჯალაშ სხუნუშ რეზოლუციათ მეჭირინაფილქ იჸუ კონფლიქტიშ თებაშა, ჰეზბოლაქ უკახალე დიკინჷ, ისრაელქ ლიბანიშე გეგშართჷ, დო ობჟათე ლიბანიშა გემშართეს ლიბანიშ ჯარეფქ. ნასრალაქ ლჷმას გომორძგვილო ჰეზბოლა დო ლიბანი გეგმაცხადჷ.
სირიაშ ომენოღალე ლჷმაშ მიმალობას, ჰეზბოლა სირიაშ თარობას ალურდჷ. ნასრალა დო ჰეზბოლა ოკათუდეს აწმარენჯობაშ ღერძის, ნამუთ ვაფორმალური კოალიცია რდჷ ისლამური ნძალეფიშ, ნამუეფიშ ლიდერი რდჷ ირანი. ჸათე კოალიცია აწურედჷ დო ოპონირენდჷ ისრაელს დო ამერიკას. 2023 წანაშე, მუჟამსჷთ ჰამასიქ ქიგიანთხჷ ისრაელსინჷ, ჰეზბოლა ნძალიერო ოლიმუდჷ ისრაელს. 2024 წანაშ 27 ეკენიას, ისრაელიშ ოჰაერე ნძალეფქ დობომბეს ჰეზბოლაშ შტაბ-ორენი, ბეირუთის. შედეგო, დოჸვილეს ნასრალა და ჰეზბოლაშ შხვა შანულამი ლიდერეფი.