ჰაუარდ ფილიპს ლავკრაფტი

ვიკიპედიაშე
ჰაუარდ ფილიპს ლავკრაფტი
ფსევდონიმი:

Grandpa Theobald
E'ch-Pi-El

დაბადებაშ თარიღი:

20 მარაშინათუთა, 1890

დაბადებაშ აბანი:

პროვიდენსი, როდ-აილენდი, ააშ

ღურაშ თარიღი:

მელახი 15, 1937 (46 წანერი)

ღურაშ აბანი:

პროვიდენსი, როდ-აილენდი, ააშ

ერუანობა:

ამერიკალი

საქვარუა:

ჭარუ, ნოველისტი, პოეტი

პერიოდი :

1917–1937

Magnum opus:

ქთულჰუშ ძახინი (1928)
სიხანგეშ გვალაწკჷმა (1936)
ორო ინსმუთის (1936)
უჩინებუ კადათიშ სისმარული გორუა (1943)

ჟანრი:

ჰორორი, ფანტასტიკა

ნინა:

ინგლისური ნინა

ხეშმოჭარუა

ჰაუარდ ფილიპს ლავკრაფტი (ინგლ. Howard Phillips Lovecraft; დ. 20 მარაშინათუთა, 1890, პროვიდენსი, როდ-აილენდი, ააშ — ღ. 15 მელახი, 1937, პროვიდენსი, როდ-აილენდი, ააშ) — ფენტეზიშ დო ჰორორიშ ჟანრიშ ამერიკალი ჭარუ, შინელი რე მუჭოთ ქთულჰუშ მითოსიშ დუმარსხუაფალი.

ჰაუარდ ფილიპს ლავკრაფტიქ დებადჷ როდ-აილენდიშ შტატიშ ნოღა პროვიდენსის, 1890 წანაშ 20 მარაშინათუთას. ჭარალუათ ადრეშე დეინტერესჷ. თიშ ნაჭარეფი უმოსო ბულვარულ პრესას იბეჭდუდჷ. ართ-ართი ათეცალი ჟურნალი რდჷ "Weird Tales", სოდეთ გიშართჷ ლავკრაფტიშ დახე არძო რომანქ დო თხობელუაქ. ლავკრაფტიშ არძაშე უმოსო ჩინებული დო პოპულარული ნაჭარეფი რე: ქთულჰუშ ძახინი (გიშართჷ 1928 წანას), სიხანგეშ გვალაწკჷმა (1936), ორო ინსმუთის (1936) დო უჩინებუ კადათიშ სისმარული გორუა (1943). ლავკრაფტიშ ნაჭარეფი ორხველჷ ჰორორიშ, ფენტეზიშ, ომენცარე ფანტასტიკაშ, ფანტასტიკაშ, გოთიკური ლიტერატურაშ ჟანრეფს. მუშ ცხოვრებაშ ბორჯის, ლავკრაფტი უჩინებუ ავტორი რდჷ დო თიშ ნახანდეფს ხოლო მითინი ვეჩინენდჷ. ლავკრაფტი ამერიკაქ 1970-იან წანეფს გეჩინებაფუ დო ასე ლავკრაფტი მერჩქინელი რე XX ოშწანურაშ ართ-ართ უდიდაშ დო გოლინიან ავტორო ჰორორიშ ჟანრის. ჰაუარდ ფილიპს ლავკრაფტიქ ღურუ 1937 წანაშ 15 მელახის, კიბოთ. ლავკრაფტი 46 წანერი რდჷ. ნთხორილი რე სვონ-პოინტიშ სასაფლას, პროვიდენსის.

ლიტერატურა[რედაქტირაფა | წყუშ რედაქტირაფა]

  • Joshi, S. T. (1980). H. P. Lovecraft, Four Decades of Criticism (First ed.). Athens: Ohio University Press. ISBN 0-8214-0442-3.
  • Carter, Lin (1972). Lovecraft: A Look Behind the "Cthulhu Mythos". New York: Ballantine Books. ISBN 0-586-04166-4.

რესურსეფი ინტერნეტის[რედაქტირაფა | წყუშ რედაქტირაფა]