ჰეგნორსკი

ჰეგნორსკი (ნორვ. Høgnorsk „ჟინნორვეგიული“) — ნორვეგიული ოლიტერატურე ნინაშ ართ-ართი ვარიანტიშ ნიუნორსკიშ გინორთელი ვარიანტი, ნამუთ ლანდსმოლიშ ნორმეფს გინივარანს დო ნამუთინ ტარებულ რეფორმას ვემურე. მართალი რე, ლანდსმოლიშ გრამატიკულ წესეფს ნორთობურო მეურე, მარა ჯინჯიერი გამნარყობაშ გარკვეული ჸუნგა ბგერეფი ეშაღალირი რე.

პროფესორი ტარლაივ ჰანაასი ტერმინ „ჰეგნორსკის“ დჷმაკვიდრებელო მირჩქინუაფუ, მუქ 1922 წანას პირველო გჷმირინუ თე ზიტყვა „მაღალი დონეშ“ ნორვეგიულიშ მანგურო. მუქ თე ზიტყვა Hochdeutsch-იშ (ჟიგერმანულიშ) ანალოგიათ დარსხუ. ნიუნორსკიშ ორთოგრაფიაშ დჷმარსხუაფალ ივარ ოსენს უკვე ნერჩი აფუდუ გოხაზირაფილი წიმინდე ნორვეგიულ ნინაშო, ნამუთ ბჟადალ დო ცენტრალური ნორვეგიაშ გვალამი რეგიონეფიშ მახორობაშ დიალექტით ოცადჷდჷ რზენიშ მახორობაშ ნინაშ თირუას. რზენიშ ნორვეგიულს ჰანაასი flatnorsk-ს (ფლატნორსკი, რზენიშ ნორვეგიული, გერმანული „რზენიშ გერმანულიშ“ (Plattdeutsch) ანალოგიათ) უძახჷდჷ. ამდღარშო საართო მოსარზებათ ჟინორვეგიული ირნერ დიალექტიშე ჟი გერე დო ლინგვისტიკას ერუანული კლუტურაშ გჷმოხანტილუათ მირჩქინუაფუ.

რესურსეფი ინტერნეტის

• Mållekken Archived 2020-05-30 ვებ-ხასჷლას Wayback Machine. , ჰიოგნორსკული ვიკი.
• Høgnorskportalen sambandet.no, რესურსხასჷლა ჰიოგნორსკულო ჭარილი ოშალათ სტატიათ.
• Tidskriftet Målmannen, ჟურნალი, ნამუთ ჰიოგნორსკულ ფორმას აკვიდრენს.