ჰეიკე კამერლინგ-ონესი
| ჰეიკე კამერლინგ-ონესი | |
| ნიდ. Heike Kamerlingh Onnes | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ფურთუთა 21, 1926 (72 წანერი) |
| ღურაშ აბანი: |
ლეიდენი, ნიდერლანდეფი |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ომენცარე ხემანჯღვერი: | |
| ჯოხოშინელი მოგურაფეეფი: | |
| ჯილდოეფი დო პრემიეფი: |
მატეუჩიშ მენდალი (1910) |
ჰეიკე კამერლინგ-ონესი (ნიდ. Heike Kamerlingh Onnes; დ. 21 ეკენია, 1853, გრონინგენი, ნიდერლანდეფი — ღ. 21 ფურთუთა, 1926, ლეიდენი, ნიდერლანდეფი) — ნიდერლანდარი ფიზიკოსი. გიმირკვიუ ნიფთიერებეფიშ რჯებეფი დაბალი ტემპერატურას, შელებუ ქვანთი (თხევადი) ჰელიუმიშ მეღება 1908 წანას დო 1911 წანას მიოგორუ სუპერლინაფას (ქორთ. ზეგამტარობა), მიშეღჷ ტერმინი ენთალპია. ნობელიშ პრემიაშ ლაურეატი ფიზიკაშ დარგის 1913 წანას.
ჰეიკე კამერლინგ-ონესიქ დებადჷ ნიდერლანდარეფიშ ნოღა გრონინგენს. გურაფულენდჷ გრონინგენიშ დო ჰაიდელბერგის უნივერსიტეტეფს. ჰაიდელბერგიშ თიში ლექტორეფი რდეს გიშარჩქინელი მენცარეფი რობერტ ბუნზენი დო გუსტავ კირხჰოფი. ოდოქტორე დისერტაცია თხილუ გრონინგენიშ უნივერსიტეტის რუდოლფ ადრიან მეესიშ ხემანჯღვერობათ. 1878-1882 წანეფს მუშენდჷ დელფტიშ ტექნოლოგიურ უნივერსიტეტის, იოჰან ბოსხაშ ასისტენტო. 1882-1923 წანეფს რდჷ ლეიდენიშ უნივერსიტეტიშ ექსპერიმენტული ფიზიკაშ პროფესორი. 1904 წანას ონესიქ დარსხუ კრიოგენიკური ლაბორატორია.
ჰეიკე კამერლინგ-ონესი ნობელიშ პრემიაშ მოხ რდჷ შხვადოშხვა პრემიეფიშ დო ჯილდოეფიშ ლაურეატი. ონესიშ ჯოხონობაშ რე ართი კრატერი თუთას. 2000 წანას დირსხუ კამერლინგ-ონესიშ ჯოხონობაშ პრემიაქ.
რესურსეფი ინტერნეტის[რედაქტირაფა | წყუშ რედაქტირაფა]
- ჰეიკე კამერლინგ-ონესი Nobelprize.org-ის
- ჰეიკე კამერლინგ-ონესი ენციკლოპედია ბრიტანიკას