ჰეკატეოს მილეტარი
| ჰეკატეოს მილეტარი | |
| ბერძ. Ἑκαταῖος ὁ Μιλήσιος | |
| დაბადებაშ თარიღი: |
დოხ. ჯვ. წ. 550 |
|---|---|
| დაბადებაშ აბანი: | |
| ღურაშ თარიღი: |
დოხ. ჯვ. წ. 476 (74 წანერი) |
| ომენცარე სფერო: | |
ჰეკატეოს მილეტარი (ბერძ. Ἑκαταῖος ὁ Μιλήσιος; დ. დოხ. ჯვ. წ. 550 — ღ. დოხ. ჯვ. წ. 476) — ბერძენი ისტორიკოსი დო გეოგრაფი.
დებადჷ მილეტის (ასეიანი ბალატი, თურქეთი), დინდარი ბერძენეფიშ ფანიას. ჰეკატეოსიშ ცხოვრებაშ ბორჯის, მილეტი დო მორჩილი აზიაშ შხვა ბერძენული ნოღეფი სპარსეთიშ მართუალაშ თუდო რდეს. მუჟამსჷთ იონიარეფქ გინოჭყვიდეს არყება სპარსალეფიშ მართუალაშ მეხჷნჷ, ჰეკატეოსი ძალამს ოცადუდჷ თინეფიშ გინორწუმებას, მარა უშედეგეთ. ჯვ. წ. 494 წანას სპარსალეფქ დამარცხეს არყებულეფი. არჸებულეფქ თინჩალა ითხის დო სპარსალი სატრაპი არტრაფერნეშა გოუტეს მუნეფიშ ოთინჩალე დელეგაცია, ნამუსჷთ ჰეკატეოსი ხოლო ოკათუდჷ.
ჰეკატეოსი მილეტის შანულამი გოლინათ ნოსარგებლებუე. თის ნოკინებუე მაღალი პოსტეფი. ჰეკატეოსი ბრელს შარალენდჷ. მილეტიშა დორთაშ უკულ, ბორჯი უმოსო დუთმუ ჭარალუას. თიში ომენცარე ინტერესეფიშ სფერო რდჷ ისტორია დო გეოგრაფია. თიში ნაჭარეფიშე ხვალე ჟირი ნახანდაშ ფრაგმენტეფქ მაჭირინუ ჩქინდა: Περίοδος γῆς (შარალუა დიხაუჩაშ მუკი) დო Γενεαλογίαι (გენეალოგია).
ნახანდი "შარალუა დიხაუჩაშ მუკი" ჟირი წინგიშე აკმოდირთჷ. მაართა წინგის მოჩამილიე ევროპაშ ეჭარუა, მაჟირა წინგის აზიაშ (იკათუანს აფრიკას ხოლო). ნახანდი "გენეალოგია" შხვადოშხვა უჯვეშაში ბერძენული მითეფიშ დო ლეგენდეფიშ კრიტიკა რე. ჸათე ლეგენდეფი გაანალიზებური რე სკეპტიკური მერინათ.
წინგეფიშ ჭარუაშ მოხ, ჰეკატეოსიქ გაუჯგუშჷ ანაქსიმანდრეშ რუკა. ჰეკატეოსის მოსოფელი წჷმორინაფილი აფჷ სფერული ფორმათ, ნამუსჷთ მუკი გოჸუნს ოკეანოსი.
ლიტერატურა
[რედაქტირაფა | წყუშ რედაქტირაფა]- ენციკლოპედია ბრიტანიკა
- ჰეკატეოს მილეტარი livius.org-ის