დინორეშა გინულა

ჰერბერტ აარონ ჰაუპტმანი

ვიკიპედიაშე
ჰერბერტ აარონ ჰაუპტმანი
ინგლ. Herbert Aaron Hauptman

ჰაუპტმანი 2009 წანას
დაბადებაშ თარიღი:

14 ფურთუთა, 1917

დაბადებაშ აბანი:

ნიუ-იორკი, ნიუ-იორკი, ააშ

ღურაშ თარიღი:

გჷმათუთა 23, 2011 (94 წანერი)

ღურაშ აბანი:

ბუფალო, ნიუ-იორკი, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

მათემატიკა

სამუშაშ აბანი :

ბუფალოშ უნივერსიტეტი

ალმა-მატერი:

სიტი-კოლეჯი
კოლუმბიაშ უნივერსიტეტი
მერილენდიშ უნივერსიტეტი

ჯილდოეფი დო პრემიეფი:

ნობელიშ პრემია ქიმიაშ დარგის (1985)
მენცარობეფიშ ერუანული აკადემიაშ მაკათური (1988)
დირაკიშ მენდალი (1991)

ჰერბერტ აარონ ჰაუპტმანი (ინგლ. Herbert Aaron Hauptman; დ. 14 ფურთუთა, 1917, ნიუ-იორკი, ნიუ-იორკი, ააშ — ღ. 23 გჷმათუთა, 2011, ბუფალო, ნიუ-იორკი, ააშ) — ამერიკალი მათემატიკოსი. თიში პიონერულ მეთოდეფქ მიშეღჷ დიდი თია კრისტალური მატერიეფიშ მოლეკულური სტრუქტურაშ რკვიებაშა. ჰაუპტმანიშ მათემატიკური მეთოდეფი ფშხირას გიმირინუაფჷ კომპლექსური სტრუქტურეფიშ გინაჭყვიდალო. ჸათე მენცარული რკვიებეფიშ გეშა ჰაუპტმანიქ, 1985 წანას მიპალუ ნობელიშ პრემია ქიმიაშ დარგის (ჯერომ კარლეწკჷმა ართო).

ჰერბერტ აარონ ჰაუპტმანიქ დებადჷ ნიუ-იორკის, ამერიკალი ურიეფიშ ფანიას. ბაღანობაშე მათემატიკათ დეინტერესჷ. გურაფულენდჷ ნიუ-იორკიშ სიტი-კოლეჯის, უკულ გურაფა გაგინძორჷ კოლუმბიაშ უნივერსიტეტის. ოდოქტორე დისერტაცია თხილუ 1955 წანას მერილენდიშ უნივერსიტეტის. გურაფაშ თებაშ უკული მუშენდჷ მედიცინაშ რკვიებეფიშ ინსტიტუტის დო ბუფალოშ უნივერსიტეტის.

ჰერბერტ აარონ ჰაუპტმანიქ 1936 წანას მიპალუ ბელდენიშ პრემია მათემატიკას, 1984 პეტერსონიშ პრემია, 1986 წანას ნორტონიშ მენდალი, 1987 წანას კუკიშ პრემია დო 1991 წანას დირაკიშ მენდალი. ჰაუპტმანი რდჷ შხვადოშხვა ომენცარე ინსტიტუტეფიშ საპატიო დოქტორი.

რესურსეფი ინტერნეტის[რედაქტირაფა | წყუშ რედაქტირაფა]