ჰუმბოლდტიშ უნივერსიტეტი

ვიკიპედიაშე
ჰუმბოლდტიშ უნივერსიტეტი
გერმ. Humboldt-Universität zu Berlin


დევიზი Universitas litterarum (ლათ.)
დირსხუ 1810
ტიპი ოჯარალე
ფონდეფი € 483.3 მლნ. (2020)
წორომახანდე 2,403 (აკადემიური)
პრეზიდენტი პეტერ ფრენსი
სტუდენტი 32,553
სადოქტორო 2,951
ორენი გერმანიაშ შილა ბერლინი, გერმანია
კამპუსი ურბანული დო გალეგანური
ფერეფი ცაშფერი დო ჩე
საიტი hu-berlin.de

ჰუმბოლდტიშ უნივერსიტეტი (გერმ. Humboldt-Universität zu Berlin) — ოჯარალე უნივერსიტეტი ბერლინს, გერმანიას. უნივერსიტეტიქ დარსხუ ფრიდრიხ ვილჰელმ III-ქ 1810 წანას, ვილჰელმ ფონ ჰუმბოლდტიშ, იოჰან გოტლიბ ფიხტეშ დო ფრიდრიხ შლეიერმახერიშ ინიციატივათ. 1828 წანაშე 1945 წანაშახ, უნივერსიტეტიშ ოფიციალური ჯოხოდვალა რდჷ ფრიდრიხ ვილჰელმიშ უნივერსიტეტი. რგილი ლჷმაშ ბორჯის, ბერლინიშ დუდიშული უნივერსიტეტიშ დორსხუაფაშ უკულ, უნივერსიტეტიქ ჟირო გირთჷ. 1949 წანაშე უნივერსიტი ალექსანდერ დო ვილჰელმ ჰუმბოლდტეფიშ ჯოხონობაშ რე.

ჰუმბოლდტიშ უნივერსიტის უღუ ჩხორო ფაკულტეტი. 2020 წანაშ მუნაჩემეფით უნივერსიტის გურაფულენდჷ 32 ანთასიშე მეტი სტუდენტი. ჸათავრეშე 2,951 სადოქტორო პროგრამეფიშ სტუდენტეფი რდჷ. უნივერსიტის ჸუნს 2,403 აკადემიური დო 1,516 ადმინისტრაციული წორომოხანდე.

უნივერსიტიშ თარი კამპუსი იდვალუაფჷ ცენტრალურ ბერლინს, უნტერ-დენ-ლინდენიშ ბულვარს.

ჰუმბოლდტიშ უნივერსიტი შინელი რე მოსოფელიშ მასშტაბით, უმაღალაში გონათაფაშ ჰუმბოლდტიშ მოდელით, ნამუქჷთ დიდი გოლინა იღვენუ ბრელი ევროპული დო ამერიკული უნივერსიტეტეფიშ გონათაფაშ სისტემაშა.

ჰუმბოლდტიშ უნივერსიტეტიშ კურსნათებუეფი რდეს: ნობელიშ პრემიაშ 57 ლაურეატი, თაშნეშე გიშარჩქინელი ფილოსოფოსეფი, სოციოლოგეფი, იურისტეფი, მათემატიკოსეფი, პოლიტიკოსეფი. შხვადოშხვა ბორჯის უნივერსიტიწკჷმა აფილირებულეფი რდეს: ალბერტ აინშტაინი, კარლ მარქსი, ფრიდრიხ ენგელსი, ოტო ფონ ბისმარკი, უილიამ ედვარდ ბურგჰარდტ დიუბოა, ანჯელა დევისი, არტურ შოპენჰაუერი, გეორგ ვილჰელმ ფრიდრიხ ჰეგელი, ვალტერ ბენიამინი, მაქს ვებერი, გეორგ ზიმელი, კარლ ლიბკნეხტი, ერნსტ კასირერი, ჰაინრიხ ჰაინე, მაქს პლანკი დო შხვა შინელი ადამიერეფი.

ჰუმბოლდტიშ უნივერსიტეტი მოსოფელიშ დო ევროპაშ ართი პოპულარული დო პრესტიჟული უნივერსიტეტი რე. 2020 წანაშ QS World University Rankings-ის უნივერსიტის, მოსოფელიშ მასშტაბით უკინებჷ 117-ა აბანი დო გერმანიას მაანთხა აბანი. 2019 წანაშ ბრიტანული ჟურნალიშ Times Higher Education-იშ რეიტინგეფს უნივერსიტის უკინებჷ 67-ა პოზიცია.

ჰუმბოლდტიშ უნივერსიტეტიშ პარტნიორი უნივერსიტეტეფიე: უორიკიშ უნივერსიტი, ფრინსთონიშ უნივერსიტეტი დო ვენაშ უნივერსიტეტი.

რესურსეფი ინტერნეტის[რედაქტირაფა | წყუშ რედაქტირაფა]