ჸოროფა

რომეო დო ჯულიეტა - ჸოროფილეფიშ ტიპიურ სამანგა, ილუსტრატორი - ფრენკ დიქსი

გური - ჸოროფაშ სიმბოლო

ჸოროფა — ჭყანიერ ართგურობაშ დო პიჯობურ მერსხუალაშ ემოცია. ფილოსოფიურ კონტექსტის, ჸოროფა რე სასურია, ნამუთ წჷმარინუანს არძა ადამიერულ ჯგირობუას, წოროგინაფობას დო ართგურობას. რელიგიურ კონტექსტის, ჸოროფა ხვალე სასურია ვარინ, ირ რინუშ ოსხირ რე („ღორონთ ჸოროფა რე“) დო ირ ღორონთიელ კანონიშ ჸოფუ რე („ორქოშ წესი“).

ზიტყვა ჸოროფა შილებე შხვადოშხვა გინაფას, დგომარობას დო მიკობუნალას გჷმოხანტუნდას დოჭყაფილ ართამ სიამნებაშე („თე ოჭკომალ მიორს“) თებულ პიჯოფონოშქაშე ურთართობეფით („ჩქიმ პარტნიორ მიორს“).

ჸოროფა, მუშ შხვადოშხვა ფორმათ, პიჯოფონეფიშ ურთართობას თარ მაჸვენჯ რე დო ცენტრალურ აბან უკენჷ ფსიქოლოგიას; თაშნეშე, მეჯინურ ხელუანობას არძაშე მოდვალირ თემა რე.

ჸოროფათ მუკოლუაფა ჯოხოიდვალუაფუ ჸოროფათ, ჸოროფიან მიკობუნელობას - ჸოროფიანობა ჯოხო, ჸოროფაშ გინაფათ აკოჭოფილ ადამიერს ჸოროფამოდვალირ ჯოხო.

რე ნებიან, ომაჸალურ (ჯიმალურ/დალურ), მასქერულ, თაშნეშე იდეაშ, პროფესიაშ, ოდაბადეშ ჸოროფა. თინეფშე ირ ემოციაშ ჸოფაშ დო გჷმოხანტუაშ ხარისხიშ ინტენსიობათ რე გინორთელი.

თშნეშე ქოძირით

• პლატონური ჸოროფა
• ფილიეფიშ ერკებული

რესურსეფი ინტერნეტის

• A whimsical overview of scientific research on love, with references Archived 2009-10-14 ვებ-ხასჷლას Wayback Machine.

სქოლიო

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.