Android

ვიკიპედია-შე
გეგნორთი: ნავიგაცია, გორუა
ანდროიდიშ პროგრამული ლოგო


ანდროიდიშ ლოგო

Androidლინუქსის გერსხილი ოპერაციული სისტემა, ნამუთ მუშენს სმარტფონეფს, ტელევიზორეფს, სათეფს, მანქანეფს დო პლანშეტურ კომპიუტერეფს. აკიქიმინჷ გუგლიშ ფინანსური ალარინათ, 2005 წანას - თინა კინ მუ გუგლიქ ქიჸიდჷ.[1] ანდროიდიშ სისტემათ მომუშე მაართა ტელეფონი რდჷ HTC Dream, ნამუთ 2008 წანაშ გჷმათუთაშ გიშართჷ გიმაჩამშა.[2] ამდღა ანდროიდიშ არძა აპლიკაცია აკოშაყარელი რე Google Play-ს. 2012 წანას აპლიკაციეფიშ მუდანობა 700000 რდჷ, გინოჭარუეფიშ მუდანობა - 25 მილიარდის მითმიოჭირინუანდჷ. ამდღარშო ანდროიდი არძაშე ფართოთ გოფაჩილი ოპერაციული სისტემა რე ედომუშამ მოსოფელს. 2012 წანას, თიში საბაზრო წილი 75% რდჷ. ასე ანდროიდიშ სისტემას მოხანდე ელექტრო მონწყილობეფს ორთუ მუსხირენი ჩინებული კომპანია: HTC, სამსუნგი, Google Nexus, სონი, ჰუავეი დო თ.უ.

ისტორია[რედაქტირაფა | წყუშ რედაქტირაფა]

კორპორაცია „ანდროიდიქ“ დირსხუ 2003 წანას, კალიფორნიაშ შტატის დო თიშ დჷმარსხუაფალეფი რდეს ენდი რუბინი[3], რიჩ მინერი[4], ნიკ სირსი[5] დო კრის უაიტი[1]. რუბინიშ ზიტყვეფით, მათ ღანკი რდჷ „ჭკვერი მობილური მონწყილობეფიშ აკოქიმინუა, ნამუსთ არჩქვენუდჷ მუშ მაღვენჯიშ აბანორენი დო კონფიგურაციეფი“[1].

დუდმაართათ, კომპანია ცადენდჷ გუვითარებუდუკო ოპერაციული სისტემა ცირფული კამერეფშო, მარა უკული გჷნოჭყვიდეს, ნამჷ-და თე ბაზარი ობაღინეთ დიდი ვარდჷ დო სმარტფონიშ ოპერაციული სისტემაშ აკოქიმინუაშა გეგნორთეს. კორპორაციაქ ცადჷ აკუქიმინუდუკო Symbian-იშ დო Windows Mobile-იშ კონკურენტი სისტემა[6].

„ანდროიდი“ ნოფულო ხანდენდჷ; ხვალე თინა რდჷ ჩინებული, ნამჷ-და კორპორაცია მობილური ტელეფონეფშო დორხველურ პროგრამას ონწყუნდუნ[1].

2005 წანაშ 17 მარაშინათუთას Google-იქ კორპორაცია „ანდროიდი“ ქიჸიდჷ, თიშ დჷმარსხუაფალეფი - კომპანიაშ ოდუდეს ქჷდიტუ[1]. თიმ ბორჯიშო, კორპორაციაშ გეშა მიარე მუდგაინ უჩინებუ რდჷ, მორო მიოჩქუდეს, ნამჷ-და Google თე ბიჯგით მობილური ტელეფონეფიშ ბაზარშა მიშულას ცადენდჷ[1].

გჷმორინაფონობა[რედაქტირაფა | წყუშ რედაქტირაფა]

2012 წანაშ მესიშ მუნაჩემეფით, ანდროიდი არძაშე პოპულარული მობილური ოპერაციული სისტემა რე; თაშნეშე რე ბაზარიშ ლიდერი ქიანეფიშ უმენტაშობას, თინეფს შქას ააშ-ს.

2013 წანაშ ეკენიაშო, დოხოლაფირო 1 მილიარდი ართული ანდროიდით მოხანდე მონწყილობა რდჷ აქტივირაფილი[7].

რესურსეფი ინტერნეტის[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]

  1. 1.0 1.1 1.2 1.3 1.4 1.5 Elgin, Ben (17 აგვისტო, 2005). Google Buys Android for Its Mobile Arsenal. Bloomberg Businessweek. Bloomberg. დოარქივაფილი რე ორიგინალშე 24 თებერვალი, 2011-ს. ციტატა: „In what could be a key move in its nascent wireless strategy, Google (GOOG) has quietly acquired startup Android, Inc., ...“
  2. Mark Wilson (23 სექტემბერი, 2008). T-Mobile G1: Full Details of the HTC Dream Android Phone. gizmodo.com.
  3. Markoff, John. “I, Robot: The Man Behind the Google Phone“, The New York Times, 4 ნოემბერი, 2007. 
  4. Kirsner, Scott. “Introducing the Google Phone“, The Boston Globe, 2 სექტემბერი , 2007. დოარქივაფილი რე ორიგინალშე 4 იანვარი, 2010-ს. 
  5. Vogelstein, Fred. “How the Android Ecosystem Threatens the iPhone“, Wired, აპრილი 2011. 
  6. Chris Welch (16 აპრილი, 2013). Before it took over smartphones, Android was originally destined for cameras. The Verge.
  7. Vic Gundotra - Google+ - Just back from a whirlwind trip to Asia visiting our…. Plus.google.com.