მოსოფელიშ კოორდინირაფილი ბორჯი

მოსოფელიშ კოორდინირაფილი ბორჯი (ინგლ. Universal Coordinated Time — UTC, უნივერსალური კოორდინირაფილი ბორჯი) — მაღალი დრამიშ ტახუაშ ატომური ბორჯიშ სტანდარტი, მენმოღალი ბორჯიშ ოსხირი. ატომური ბორჯიშე გიშმერთჷ მერქაშ ედომუშამი მუდანობათ, დო UT1-შე წილოფონი მუდანობათ.

UTC მიშაღალირქ იჸუ მოჯვეშაფილი გრინვიჩიშ შქაბანია ბორჯიშ (GMT) მანგიორო. ბორჯიშ ახალი ოზჷმალქ UTC მიშაღალირქ იჸუ, GMT ოზიმალიშ ვაწორწალაშ გეშა, მუთ გჷმოჭანაფილი რდჷ დიხაუჩაშ დო სერიშ რთაფათ. UTC ოზიმალი გერსხუ ატომური ბორჯიშ წორ ოზიმალს (TAI) დო უმოს მოხუჯური რე მენოღალურ გჷმორინაფაშო.

თიშ გეშა, ნამჷ-და UTC-ს დო UT1-ს შქას ნარკი 0,9 მრ-შე უმოსი ვარენ, შილებე უმოსი ფართო გაგებაშ ტერმინიშ გიმორინაფა - მოსოფელიშ ბორჯი (UT), დო მუშო ოკო რაგადი მაღალი დრამიშ ტახუაშ გეხვილაფა ვარე-და. თეხანურ რინას, მუჟანსჷთ მერქაშ წილოფონიშ მუდანობა ვარე შანულამინ, გრინვიჩიშ შქაბანია ბორჯი (GMT) შილებე მიბრჩქინათ UTC-იშ ვარდა UT1-იშ ექვივალენტო. შხვა შვანს, მუჟამსჷთ UTC-ს დო UT1-ს შქას ნარკი გიშარჩქინელო რენ, გრინვიჩიშ შქაბანია ბორჯიშ (GMT) გჷმორინაფას ურიდანა. ეიოშინალი რე, ნამჷ-და UTC ბორჯი ვეთირუ ზოთონჯ-ზარხულარათ.

რესურსეფი ინტერნეტის

• Current Time Now ზუსტი საათი არძო ბორჯიშ ორტყაფუშო
• BIPM UTC/TAI ბორჯიშ სერვერი
• thetimeNOW — მიმალი ბორჯი არძო სასაათო ორტყაფშო
• თარიღიშ დო ბორჯიშ ფორმატეფი. W3C.
• G. Klyne, C. Newman. RFC 3339. Date and Time on the Internet: Timestamps. IETF.

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.