არხანგელსკიშ ოლქი

არხანგელსკიშ ოლქიშ გერბი

არხანგელსკიშ ოლქი — ოლქი რუსეთიშ ევროპული ნორთიშ ოორუეშე, თიშ აკოდგინალუას რე ნენეფიშ ავტონომიური ოკრუგი.

ოლქიქ დირსხუ 1937 წანაშ 23 ეკენიას რსფსრ-იშ ოორუე ოლქიშ გორთუალაშ უკული. მიშმურს ოორუე-ბჟადალიშ ფედერალური ოკრუგიშ აკოდგინალუაშა. ფართობი 587 400 კმ². მახორობა 1262 ვითოში კოჩი (2009), მეჭედალა - 2.1, ნოღაშ მახორობაშ თია - 73,4 %.

ადმინისტრაციული ცენტრი - ნოღა არხანგელსკი.

მახორობა

2002 წანაშ ეჭარუაშ მეჯინათ, ოლქის ოხორანდჷ 1 294 993 კოჩი (თაქით დო უკული ნენეფიშ ავტონომიური ოკრუგიშ უმუშო). თინეფს შქას:

• რუსეფი – 1 258 938 კოჩი (95,21 %)
• უკრაინალეფი – 26 529 კოჩი (2,05 %)
• ბელარუსეფი – 9986 კოჩი (0,77 %)
• თათარეფი – 3072 კოჩი (0,24 %)
• აზერბაიჯანალეფი - 2965 კოჩი (0,23 %)
• ჩუვაშეფი - 1786 კოჩი (0,14 %)
• გერმანალეფი - 1546 კოჩი (0,12 %)
• მოლდავარეფი - 1280 კოჩი (0,1 %)
• სომეხეფი - 1133 კოჩი (0,09 %)

ისტორია

ვიკინგეფიშ ბორჯის, ტერიტორია ჩინებული რდჷ ბიარმიაშ ჯოხოთ. XII ოშწანურაშე ნოვგოროდიშ აკოდგინალუას რდჷ. XVIII ოშწანურაშ დაჭყაფუშე 1920-იანი წანეფიშ ბოლოშახ არხანგელსკიშ გუბერნიაშ აკოდგინალუას რდჷ. 1929 წანაშ 14 ღურთუთას გეუქვუ არხანგელსკიშ, ვოლოგდაშ დო ოორუეშ დვინიშ გუბერნიეფქ დო გეგმიქიმინჷ ოორუეშ აკანქ. 15 კვირკვეს აკანიშ ტერიტორიას გეგმიქიმინჷ ნენეფიშ ერუანულ ოკრუგიქ (ასე ნენეფიშ ავტონომიური ოკრუგი).

რესურსეფი ინტერნეტის

• არხანგელსკიშ ოლქიშ საინფორმაციო პორტალი Archived 2009-04-08 ვებ-ხასჷლას Wayback Machine.
• არხანგელსკიშ ოლქიშ ადმინისტრაცია Archived 2008-09-13 ვებ-ხასჷლას Wayback Machine.