თეატრი

შხვა შანულობეფშო ქოძირით თეატრი (მიარეშანულამი).

კონსტანტინ სომოვიშ ილუსტრაცია ალექსანდრე ბლოკიშ ”თეატრი”-შო (1909).

ტერმინი თეატრი (ბერძენულიშე θέατρον (theatron) – ოძირაფუშ, ოჯინეშ აბანი) ჟირი შანულობათ გჷმირინუაფუ:

თეატრი, მუჭოთ ხელუანობაშ დარგი. თეატრიშ გჷმოხანტუაშ სპეციფიკური მეშქაშალა რე სცენური ქიმინუეფი, ნამუეფჷთ ირსულებუ პუბლიკაშ წიმი არტისტეფიშ გიშულაშ (ლაჸაფიშ, როლიშ რსულაფაშ) ბორჯის.
თეატრი, მუჭოთ ნოდგჷმუ, ოსცენწ აბანი, სოდე ტრადიციულო ხვადჷ თეატრალური ხელუანობაშ ნაწარმეფიშ წჷმორინაფა. შილებე სცენაშ გოფაჩუა ღილე ცაშ გიმე, პარკჯს, ჯვეშ ოხიდას ვარ-და ამფითეატრის.

თეატრიშ ოსხირეფი ჯვეშ ოფუტე–ომეურნე დო ომაჯინე ლაჸაფეფს დო მასობურ ოკათე რიტუალეფს რე. ჯვეშ საბერძნეთის რდჷ თეატრიშ შხვადოშხვა გვარობეფი მუში ტრადიციეფით, სცენური ტექნიკათ. დინდარი დო ანდანერი ოძირაფუე ფორმეფი გაჭყეს ბჟაეიოლიშ კათეფქ ინდოეთის, ჩინეთის, იაპონიას, ინდონეზიას დო შხვადო. შქა ოშწანურეფიშ ევროპას თეატრალური ხანდაშ მოღალეეფი რდეს გეგია არტისტეფი: ჰისტრიონეფი, ჟონგლიორეფი დო შხვეფი.

ეჸონუაშ ხანიშ პირველი ევროპული პროფესიული თეატრი რდჷ იტალიური ამნახანტეფიშ ოკათე კომედია (კომედია დელ არტე, მა–16-17 ოო.). ათე ბორჯიშე თეატრი გჷნმირთჷ ლიტერატურული, თეწკჷმა ართო მერკეთ მობილური, ნამუთ დჷთმოდირთუ ონოღე კულტურაშ ცენტრეფს.

თეატრალური ხელუანობაშ ნაწარმეფი – სპექტაკლი გითმიჭყაფჷ დრამატული ვარ-და მუსიკალურ–სცენური ნაწარმეფიშ ოსხირშა რეჟისორიშ ნაფირქიშობურო (ბალეტის – ბალეტმაისტერიშ დო დირიჟორიშ, ოპერას – რეჟისორიშ დო დირიჟორიშ) არტისტეფიშ კათაფათ.

თეატრიშ ჯვეში ქორთული ჯოხოდვალა რე სახილველი.

თეატრიშ გვარობეფი

მუსიკალური თეატრიშ გვარობეფი რე – ოპერა, ოპერეტა, მიუზიკლი. უზიტყვე თეატრი რეპანტომიმა. თეატრის თარო ადამიერრფი ლაჸაფენა, მარა თეწკჷმა ართო რრ თეატრეფი მოჭყუდიეფიშ ვარ-ფა ოროეფიშ კათაფათ.

ბალეტი - დრამა – ვარიეტე – კაბუკი - კომედია - მიუზიკლი – ოპერა - ოპერეტა - პანტომიმა - სკეჩი – ტრაგედია

ჩინებული თეატრალური დრამატურგეფი დო რეჟისორეფი

კარლო გოლდონი – შალვა დადიანი – გიორგი ერისთავი – ჰენრიკა იბსენი – პიერ კორნელი – კოტე მარჯანიშვილი – მოლიერი – რობერტ სტურუა – უილოამ შექსპირი – კარელ ჩაპეკი – ანტონ ჩეხოვი –თემურ ჩხეიძე – ლუდვიგ ჰოლბერგი

ჩინებული თეატრალური სცენეფი

საქორთუო:

გალენ ქიანა:

რესურსეფი ინტერნეტის

გრიბოედოვის თეატრი Archived 2007-09-30 ვებ-ხასჷლას Wayback Machine.
ტფილისის თეატრი-ქარვასლა
Teatri.Ge (ირფელი თეატრიშ დო კინოA გეშა)