იაგუარი

იაგუარი (Panthera onca) — მახვამილაფარი ბჟაშუმუ ჩხოლარი კატუშობურეფიშ ფანიაშე, პანტერეფიშ გვარიშ წჷმმარინაფალი. თიშ რსხულიშ სიგჷრძა 2 მ, წონა 140 კგ-შახ. უღუ მასიური,გოჭყვართალერი რსხული, კუნტა კუჩხეფი, ფართე, ჸონიერჯღალეფამი ტოტრეფი. ფერო მოჭითე-ჸვინთელი რე, თეწკჷმა ართო უჩა რგოლეფი დო ხალეფი უღუ, ჯკანკალეშა ედომუშამო უჩა ხოლო ამხვადჷნა. იაგუარი გოფაჩილი რე ოორუე, ცენტრალურ დო ობჟათე ამერიკას. ხე შხირი, ლამე ტროპიკულ დო სუბტროპიკულ ტყალეფს, უმენტაშო გიშმაგორუნს წყარმალუეფიშ წყარპიჯეფს. ჯგირო ეშმუს ჯაშა დო ნჩურუნს. ჭკომუნს ჩორქოშობურეფს (ტაპირი, ერემი, პეკარი), მაღირღონალეფით, ჩხომეფით, თაშნეშე ჭკომუნს კუს დო თიშ მარქვალიეფს, კანკალეშა გეთმიანთხუ ჸუდეშ ჩხოლარს ხოლო. მაკობა 3,5 თუთას იგჷნძორებუ, ხანს 4-შახ ბოქურს. მორჩილი ორეწუალე შანულობა უღუ (გიმირინუანა ტყების).

ლიტერატურა

• Baker, W. K., Jr. et al.. რედ. Law, Christopher: Guidelines for Captive Management of Jaguars. Jaguar Species Survival Plan. American Zoo and Aquarium Association. კითხირიშ თარიღი: 2011-11-11. 

რესურსეფი ინტერნეტის

ვიკიოწკარუეს^? რე ხასჷლა თემაშენ:

იაგუარი

• უმოსი სურათეფი დო ინფორმაცია Archived 2010-05-25 ვებ-ხასჷლას Wayback Machine.
• BBC-იშ იაგუარიშ ვიდეოეფი
• კათა დო იაგუარი Archived 2011-07-06 ვებ-ხასჷლას Wayback Machine.
• Felidae Conservation Fund