მახვამილაფარეფი

? მახვამილაფარეფი
მახვამილაფარი ჩხოლარეფი
მენცარული კლასიფიკაცია
ომაფე: ჩხოლარეფი ტიპი: ქორდიანეფი კლასი: ბჟაშუმუეფი რანწკი: მახვამილაფარეფი
ლათინური ჯოხო
Canidae
გიმენრანწკეფი დო ფანიეფი
ქოძირით ტექსტი↓
თხილუაშ სტატუსი
სისტემატიკა ვიკინერობეფს სურათეფი ვიკიოწკარუეს

მახვამილაფარეფი (ლათ. Carnivora: carō 'ხორცი', + vorāre 'მაჭკომალი') — ჩხოლარეფი ბჟაშუმუეფიშ რანწკიშე. თინეფიშ რსხულიშ სიგჷრძა 14 სმ-შე 3 მ-შახ, წონა 100 გ-შე 1000 კგ-შახ ანჭუ. შხვადოშხვა ფერეფი უღჷნა. კიბირეფი (28-48) რასქვილო რე დიფერენცირაფილი მაჭკირალეფო, ჩქვალეფო დო თარ კიბირეფო. უმენტაშობაშ ჟილენი მა-4 წჯმიანი თარი დო 1-ა გიმენი თარი კიბირეფი გინოქიმინელი რე მაკვათურ კიბირეფო. განთხეფს უღჷნა ჯღალამი 4-4 კითი (თუნთეფს დო ძოღორეფს 5-5), ჯღალეფი ინოტყობინელი ვარდა გვერდო ინოტყობინელი რე; ლაბერწი ვაუღჷნა ვარდა რუდიმენტული რე; ყია ლექინი დო ჯარკვალეფით რე დიდარი; ოსქუე ჟირფა ვარდა ჟირქალამი რე, პლაცენტა — დისკოიდური; ოთასეეფი სპეციალურ პარკის ინოხე. მახვამილაფარეფიშ ანალური ჯარკვალეფი გიმიღანა სანწალეშურამ ნიბთიარობას, ნამუთ ონინალჷ ტერიტორიალურ მოთანჯუას, კანკალეშა ნტერშე დუდიშ ოთხილარო (სამანგ., შურამია). გოფაჩილი რენა ირდიხას, ანტარქტიდაშ დო კანკალე მორჩილი ოკაინური კოკეფიშ მოხ. უმენტაშობა სქირონაშ ჩხოლარი რე. თინეფშე მიარე ჯგიორ მეხოხუნს ჯას, კანკალე ჯგირო გილანჩურუნს დო ჸვინთუნს. ჩკომჷნა ხორცის, თინეფს შქას რენა ირიშმაჭკომალეფი, ყორადილმაჭკომალეფი დო შხვეფი. ოკიბირალს დუდს გეთმიანთხჷნა ყურსუათ, მეტყობინით, გეთხოზინით. უმენტაშობა მონოგამი რე.

მახვამილაფარეფი აკმაართიანენა 7 ფანიას (ძოღორიშობურეფი, თუნთიშბურეფი, ენოტიშობურეფი, კვინორიშობურეფი, ვივერიშობურეფი, ყორყმელიშობურეფი, კატუშობურეფი), დოხოლაფირო 100 გვარს, 240 გვარობას, ნამუეფშეთ საქორთუოს მუთმოფხვადჷნა 19 გვარობა. მახვამილაფარეფს შქას მიარე მორგე რე. კანკალე ჯალაგანს ოფუტე დო ოტყალე მეურნობაშ მანებელი მაღირღონალეფს; კანკალე ზარალს მითმიორინუანს მეჩხოლარობას, სანადირო მეურნობას. რენა ჸალაშ ვირუსიშ მაღელეფი ხოლო (გერი, ტურა, ენოტიშობური ჯოღორი).

ნწოლა თუნთი დო ჩე თუნთი სქირონაშ უდიდაში მახვამილაფარეფი რენა

კატუ დო ჯოღორი, ჸუდეშ მახვამილაფარეფი რენა

კლასიფიკაცია

გიმენრანწკი კატუშნერეფი

• ფანია ვივერიშობურეფი (Viverridae): ცივეტეფი დ მჯგირე ჩხოლარეფი; 17 გვარიშ 32 გვარობა
• ფანია კატუშობურეფი (Felidae): კატუეფი: ნჯილოეფი, ყილოეფი, ჯიჯაღეფი,ოცელოტეფი დო თ. უ.; 18 გვარიშ 37 გვარობა
• ფანია მანგუსტიშობურეფი (Herpestida): მანგუსტეფი დო მოჯგირე ჩხოლარეფი; 13 გვარიშ 30 გვარობა
• ფანია ყორყმელიშობურეფი (Hyaenidae): ხალებამი ყორყმელი, დიხაშ გერი დო თ.უ.; 2 გვარიშ 4 გვარობა
• ფანია Eupleridae: მადაგასკარის მტაცებლები; 7 გვარის 8 სახეობა
• ფანია Nandiniidae: აფრიკული პალმაშ ცივეტეფი; 1 გვარიშ 1 გვარობა

გიმენრანწკი ჯოღორიშნერეფი

• ფანია თუნთიშობურეფი (Ursidae): თუნთეფი; 4 გვარიშ 8 გვარობა
• ფანია ენოტიშობურეფი (Procyonidae): ენოტეფი დო მოჯგირე ჩხოლარეფი; 6 გვარიშ 19 გვარობა
• ფანია კვინორიშობურეფი (Mustelidae): დიაფალეეფი, ქრცვინეფი, კვინორეფი, მუნჩქვეფი დო შხვა გვარობეფი: 24 გვარიშ 55 გვარობა
• ფანია ნჯილოაფალაშობურეფი (Odobenidae): ნჯილოაფალეფი; 1 გვარიშ 1 გვარობა
• ფანია სელაპიშობურეფი (Phocidae): ნანდული სელაპეფი; 9 გვარიშ 19 გვარობა
• ფანია სკუნსიშობურეფი (Mephitidae): სკუნსეფი დო ძვარამეფი; 3 გვარიშ 10 გვარობა
• ფანია ჯოღორიშობურეფი (Canidae): ჯოღორეფი, გერეფი, მელიეფი; 10 გვარიშ 35 გვარობა
• ფანია ჸუჯეფამი სელაპეფი (Otariidae): ზუღაშ ნჯილოეფი დო შხვეფი; 7 გვარიშ 14 გვარობა
• ფანია Ailuridae: მორჩილი პანდეფი; 1 გვარიშ 1 გვარობა.

ფილოგენეტიკური ჯა

მახვამილაფარეფი

კატუშნერეფი ნიმრავიდიშობურეფი† სტენოპლესიკტიშობურეფი† პერკროკუტიშობურეფი† აფრიკული პალმაშ ცივეტეფი პრინოდონტიშობურეფი ბარბულოფელიდიშობურეფი† კატუშობურეფი ვივერიშობურეფი ყორყმელიშობურეფი მანგუსტიშობურეფი მადაგასკარიშ მახვამილაფარეფი    ჯოღორიშნერეფი    ამფიციონიშობურეფი† ჯოღორიშობურეფი    არკტოიდიშობურეფი        ჰემიკიონიდიშობურეფი† თუნთიშობურეფი კუჩხ-ფოფორამეფი ენალიარკტიდიშობურეფი†     ნანდული სელაპეფი     ჸუჯეფამი სელაპეფი ნჯილოაფალაშობურეფი    მუსტელოიდიშობურეფი        პანდიშობურეფი     ძვარამეფი     ენოტიშობურეფი კვინორიშობურეფი

რესურსეფი ინტერნეტის

• მახვამილაფარიშ ტვინიშ მაღალი ხარისხიშ სურათეფი