კოკი (გეოგრაფია)

კოკი ფერნანდუ-დი-ნორონია

კოკი (ქორთ. კუნძული) — სქირონაშ მუნაკვათა, ნამუთ ირი ჸურე გოხურგელიე ოკიანეშ, ზუღაშ, ტობაშ ვარა წყარმალუშ წყარით. კონტინენტწკჷმა მეზიმაფილო მორჩილი ზჷმაშიე. აფხვადუნა მუჭოთ ზოხოამი კოკეფი, თეშ კოკეფიშ ბუნეფი — არქიპელაგეფი.

ოკიანეეეფი დო ზუღეფს შქას გჷშმაგორუნა კონტინენტურ, გინმალი ზონაშ დო ოკიანურ კოკეფს.

კონტინენტური კოკეფი რე სამანგათ, გრენლანდია, კალიმანტანი, მადაგასკარი, ნამუეფით კონტინენტიშ წყართუდონი ძგაშ ფარგალეფს ოკიანეშ ჟიპიჯიშა ეშმულა დო კვირდი ქანეფით რენა კიდილი. კანკალე ჭიჭე კოკი პოპორნთხაფაშ აკუმულაციური ქიმინუაშ მოღალუთ ხოლო გითმიჭყაფუ.

გინმალი ზონაშ კოკეფი ჯინჯიერო ვულკანური გოჭყაფაშ რე, მინ ჸურე მარჯანიშ კოკეფი რე.

ოკიანური კოკეფი გოფაჩილიე ოკიანეშ ქვინჯიშ ფარგალეფს დო შქაოკიანური ქჷნდჷრეფს. წყარმალუს დო ტობას გჷშმაგორუნა ეკნაჸათემით დო ეროზიაშ გეშა გოჭყაფილი კოკეფს.

ქოძირით თაშნეშე

• კოკეფიშ ერკებული ფართობიშ მეჯინათ

ლიტერატურა

• ქსე, ტ. 6, ხს. 76, ქთ., 1983.