ლეონარდო დიკაპრიო

ლეონარდო დიკაპრიო
დიკაპრიო 2014 წანაშ ღურუთუთას
დაბადებაშ ჯოხო	ლეონარდო ვილჰელმ დიკაპრიო
დაბადებაშ აბანი	ლოს-ანჯელესი, კალიფორნია,  ააშ
დებადჷ	11 გერგობათუთა, 1974 (1974-11-11)
საქვარუა	არტისტი, კინოპროდიუსერი
აკოქიმინჯალაშ წანეფი	1989–ასეშა
ოფიციალური ვებხასჷლა	leonardodicaprio.com

ლეონარდო ვილჰელმ დიკაპრიო (ინგლ. Leonardo DiCaprio; დ. 11 გერგობათუთა, 1974) — ამერიკალი არტისტი დო კინოპროდიუსერი.

ბიოგრაფია

ლეონარდოქ დებადჷ დო მირდჷ კალიფორნიაშ შტატიშ ნოღა ლოს-ანჯელესის. დიკაპრიოშ მუმა ბადებათ იტალო-გერმანულ ჯინჯეფიშ ფანიაშე რე, დო დიდაქ, ირმენილ დიკაპრიო (ცირობუას ინდერბირკენი), ბჟადალ გერმანიას, ორ-ერკენშვიკეს დებადჷ. თიში მუმა რდჷ ვილჰემ ინდერბირკენი, დო დიდა რუსი - ელენა სმირნოვა, ნამუქჷთ რუსეთიშე გერმანიაშა გინულაშ უკული იგურგინუ დო ქომონჯიშ გვარი მიღჷ. მუქ დიკაპრიოქ, ვლადიმერ პუტინწკჷმა ჩიებას, გაცხადჷ, ნამდა მუში ბაბუ ხოლო რუსი რდჷ, დო გეუძინჷ: ,,თაშ ნამდა, მა ნაანთხალით ვარჷნ, გვერდო ვორექ რუსი.

ოარტისტე კარიერა დიჭყჷ 1990-იანი წანეფიშ საპონიშ ოპერეფს დო სიტკომეფს. თენეფ შქას რე „სანტა-ბარბარა“. ჰოლივუდის თიში მაართა თარი ფილმი რდჷ „ათე ბოშიშ რინა“, ნამუსჷთ თარი როლი ილაჸაფჷ. თის ხოლო მაჸუნჷ ფილმიქ „მუ აწუხენს გილბერტ გრეიპის“, ნამუშოთ თინა წჷმორინაფილი რდჷ ოსკარშა დო ორქოშ გლობუსის საუჯგუშო მაჟიახარისხამი კოჩი არტისტიშ ნომინაციას. დიკაპრიო ხოლო ჟირშა რდჷ წჷმორინაფილი BAFTA-ს, სუმშა SAGs-ს დო შკვითშა ორქოშ გლობუსის. თინა რე ორქოშ გლობუსიშ დო ვარჩხილიშ თუნთიშ მაღვენჯი.

თიხ ჯოხო გითქუ ჯეკ დოუსონიშ როლიშ ლაჸაფშო ფილმის „ტიტანიკი“. ათეს მაჸუნჷ როლეფქ ფილმეფს „ობჭოფი, ქეშეილებუდა“, „ავიატორი“, „ზისხირამი ალმასი“, დო „დაჭყაფური“. მარტინ სკორსეზეშ „ავიატორით“ თიქ ოსკარიშ მაჟრა წუმორინა დეინალუ. დიკაპრიო ხოლო ლაჸაფენს სკორსეზეშ შხვა ფილმეფს, „ნიუ-იორკიშ ბანდეფი“, „ღურელეფი“ დო „ინოკილერი კოკი“, „უოლ-სტრიტიშ გერი“.

„უოლ-სტრიტიშ გერი“, გერსხილი რე ჯორდან ბელფორტიშ ბიოგრაფიულ წინგის. დიკაპრიო რდჷ ათე ფილმიშ ალმაპროდიუსერი დო არსულენდჷ თარი, ჯორდან ბელფორტიშ როლს. ფილმიშო თიქ მიღჷ ორქოშ გლობუსიშ ჯილდო დო ოსკარიშ ხოლო ართი ნომინაცია, მარა ოსკარიშ ჯილდოქ თიქ ასეხოლო ვემიაღებუ დო თინა დათმჷ მეთიუ მაკ-კონეჰიწკჷმა. დიკაპრიოქ თქუ, ნამდა „უოლ-სტრიტიშ გერი“, გიშაკერზაფილო ოშულადარი რდჷ დო ათე ფილმიქ თიში ადრენალინი ბოლოშახ დალიუ.

ფილმოგრაფია

წანა		მარგალურო	ოდაბადური ჯოხოდვალა	როლი
1991	ფ	ნოტყელეფი 3	Critters 3	ჯოში
1992	ფ	ლაბანამ ცურუ	Poison Ivy	გაი
1993	ფ	ათე ბოშიშ რინა	This Boy's Life	ტობიას 'ტობი' ვულფი
1993	ფ	მუ აწუხენს გილბერტ გრეიპს	What's Eating Gilbert Grape	არნი გრეიპი
1995	ფ	სწრაფი დო ღურელი	The Quick and the Dead	ბიჭი
1995	ფ	კარაჩხაბურთიშ დღალური	The Basketball Diaries	ჯიმ კეროლი
1995	ფ	ედომუშამი უკმელუა	Total Eclipse	ართურ რიმბადი
1996	ფ	რომეო+ჯულიეტა	Romeo + Juliet	რომეო მონტეგი
1996	ფ	მარვინიშ თოლი	Marvin's Room	ჰენკი
1997	ფ	ტიტანიკი	Titanic	ჯეკ დოუსონი
1998	ფ	რკინაშ მარშიმი	The Man in the Iron Mask	ლუი XIV
1998	ფ	ჩინება	Celebrity	ბრენდონ დეროუ
2000	ფ	წყარპიჯი	The Beach	რიჩარდი
2001	ფ	კაფე დონს პლამ	Don's Plum	დერეკი
2002	ფ	ობჭოფი, ქეშეილებუდა	Catch Me If You Can	ფრენკ ეიბიგნეილ უკლაში
2002	ფ	ნიუ-იორკიშ ბანდეფი	Gangs of New York	ამსტერდამ ვალონი
2004	ფ	ავიატორი	The Aviator	ჰოვარდ ჰიუზი
2006	ფ	ღურელეფი	The Departed	ბილი კოსტიგანი
2006	ფ	ზისხირამი ალმასი	Blood Diamond	დენი არჩერი
2008	ფ	ტყურეფიშ რსხილი	Body of Lies	როჯერ ფერისი
2008	ფ	ელართინაფაშ შარა	Revolutionary Road	ფრენკ ვილერი
2010	ფ	ინოკილერი კოკი	Shutter Island	ტედი დენიელსი
2010	ფ	დაჭყაფური	Inception	დომ კობი
2010	ფ	ტელესკოპი ჰაბლი	Hubble	მუში დუდი
2011	ფ	ჯ. ედგარი	J. Edgar	ედგარ ჰუვერი
2012	ფ	ჯანგო დუდიშული	Django Unchained	კელვინ კენდი
2013	ფ	დიდი გეტსბი	The Great Gatsby	ჯეი გეტსბი
2013	ფ	უოლ-სტრიტიშ გერი	The Wolf of Wall Street	ჯორდან ბელფორტი
2015	ფ	გინოსქილადირი	The Revenant	ჰიუ გლასი

რესურსეფი ინტერნეტის

ვიკიოწკარუეს^? რე ხასჷლა თემაშენ:

ლეონარდო დიკაპრიო

• ოფიციალური ვებ-ხასჷლა
• ლეონარდო დიკაპრიო — კინოფილმეფიშ ინტერნეტ მუნაჩემეფიშ ბაზას (ინგლისური)
• ლეონარდო დიკაპრიო Twitter-ს
• ლეონარდო დიკაპრიო Facebook-ის