ალ პაჩინო

ვიკიპედია-შე
გეგნორთი: ნავიგაცია, გორუა
ალ პაჩინო
Al Pacino.jpg
ალ პაჩინო 2004 წანას
დაბადებაშ ჯოხო ალფრედო ჯეიმზ პაჩინო
დაბადებაშ აბანი მანჰეტენი, ნიუ-იორკი, ააშ
დებადჷ 25 პირელი, 1940 (1940-04-25) (ხანი 78)
საქვარუა არტისტი
აკოქიმინჯალაშ წანეფი 1967–ასეშა

ალ პაჩინო (ინგლ. Alfredo James Pacino; დ. 25 პირელი, 1940, ნიუ-იორკი) — ამერიკალი არტისტი. აქტიური მოღალობა დიჭყჷ 1971 წანას. მეღებული აფუ თიჯგუა ჯილდოეფი, მუჭომით რე: ორქოშ გლობუსი, ოსკარი, ემი, ტონი დო შხვა. არტისტალაწკჷმა ართო თინა რეჟისორით რე. ჯოხო გიჸოთჷ ფილმეფით: „ოსურიშ შური“, „ჭყოლირი სახე“, „მორდია I, II, III“.

ბიოგრაფია[რედაქტირაფა | წყუშ რედაქტირაფა]

რინაშ ორდოიანი წანეფი[რედაქტირაფა | წყუშ რედაქტირაფა]

ალ პაჩინოშ მასქერეფქ, როზიქ დო სალვატორე პაჩინოქ ართიანს თიმწკჷმა დეთხის, მუჟამსჷთ ალ პაჩინო 2 წანერი რდჷნ.[1] დიამუშიქ გინორთჷ ორინუშა მიშ მასქერეფშა, ქეით დო ჯეიმზ ჯერარდეფწკჷმა ობჟათე ბრონქსიშა. მუამუშიქ დიჭყჷ მუშობა კალიფორნიას. თინა მუშენდჷ გჷმმაჩამალო დო უღუდჷ მუში რესტორანი ჯოხოდვალათ „Pacino's Lounge“, ნამუქჷთ დიკილჷ 1992 წანას. 1960-იან წანეფს ალ პაჩინო გურაფულენდჷ ლი სტრასბერგიშ ხემანჯღვერუათ. თიქ მიოგორუ, ნამდა ალ პაჩინო არტისტალაშ ნიჭით რდჷ დოჯილდაფილი.

კარიერა[რედაქტირაფა | წყუშ რედაქტირაფა]

1971 წანას, ფილმის „პანიკა ნიდლ-პარკის“ ალ პაჩინოქ ილაჸაფუ ნარკომანიშ როლი. თიქ ათე როლით ფრენსის ფორდ კოპოლაშ თოლ-ჸუჯი მიკიჭოფჷ. თიში რეპუტაციაშ რდუალაქ დიჭყჷ 1972 წანაშე, მუჟამსჷთ ილაჸაფჷ მაიკლ კორლეონეშ როლი, მაფიოზურ ფილმ „მორდიას“. ხოლო წჷმოძინა მუღჷ თის 1973 წანაშ ფილმიქ „სერპიკოქ“, სოდეთ თარი როლი თის ორხველჷდჷ. 1974 წანას, ალ პაჩინო ართუ მაიკლ კორლეონეშ როლს „მორდია II“-ს. 1974-75 წანეფს, თიქ ილაჸაფჷ ფილმეფს: „ჯოღორული ონდღე“ დო „ბობი დირფილდი“ დო მიღჷ ორქოშ გლობუსი. 1970-იან წანეფს თიქ მიღჷ ოსკარიშ ოთხი ნომინაცია ფილმეფშო „სერპიკო“, „მორდია III“, „ჯოღორული ონდღე“ დო „...დო სამართალიანობა არძაშო“. გვიანო თიქ მიღჷ ტონიშ დოჯილდაფა ფილმიშო რიჩარდ III.

თიში კარიერა კვათიერო დანთხუ 1980-იან წანეფს. თიში გჷმორჩქინა ფილმეფს „ზუღათ შარალუა“ დო „ავტორი! ავტორი!“, ონირზებელი რდჷ, მარა საბოლოთ იშენ თის დასქიდჷ თარი როლქ ათე ჟირი ფილმის. თიში უმიკუჯინუო, 1983 წანას, ბრაიან დე პალმაშ ფილმის ჭყოლირი სახე, ალ პაჩინოქ ილაჸაფუ ტონი მონტანაშ როლი, მუთით აჸონუ მაჯინეეფი დო დანტკიცჷ მუში შელებეფი. ალ პაჩინოქ ათე ფილმიშო მიღჷ ორქოშ გლობუსიშ ნომინაცია.

ალ პაჩინოქ მიღჷ ოსკარიშ ნომინაცია ფილმიშო „დიკ ტრეისი“. 1991 წანას თიქ გჷშარჩქინდჷ ახალ ფილმის „ფრენკი დო ჯონი“ დო კინ მიღჷ ოსკარიშ ნომინაცია. 1992 წანას ალ პაჩინოქ ილაჸაფუ ლეიტენანტ პოლკოვნიკ ფრენკ სლეიდიშ როლი ფილმის „ოსურიშ შური“. თიქ ხოლო ილაჸაფუ თარი როლი ფილმეფს: „კარლიტოშ შოშე“ (1993), „დონი ბრასკო“ (1997), „ჩქინიანი“ (1999) დო „უდურულაფუობა“ (2002).

2004 წანას მაიკლ რედფოლდიშ ფილმის „ვენეციარი ვაჭარი“, ალ პაჩინოქ ილაჸაფუ შილოკიშ როლი. ალ პაჩინო ბხვადუნა ხოლო 2007 წანას გჷშულირ ფილმის „ოუშენიშ ვიტოსუმი მაჸალე“, სოდეთ თიქ ილაჸაფუ ვილი ბენკიშ როლი.

ალ პაჩინოქ დირთჷ მაიკლ კორლეონეშ როლს ოღონს უკვე ლაჸაფის The Godfather: The Game. ხოლო ალ პაჩინო ბხვადუნა ლაჸაფის Scarface: The World is Yours. ალ პაჩინოქ ნება მეჩჷ Electronic Arts-ს, ნამდა გჷმურინუაფდესკო თიში ტიპაჟი, მარა ხონარი ვაჸაფედუკო ოკო მეგურაფილი.

ოარტისტე ტექნიკა[რედაქტირაფა | წყუშ რედაქტირაფა]

დე ლაურენტისიქ ალ პაჩინოშენ გაცხადჷ, ნამდა თის ხანი ვაუღჷ, სუმენეჩდოვითი წანა სოლიდური ხანი რე დო გვალო ასე დიჭყჷ წანას სუმ-ოთხ ფილმის ლაჸაფი. პაჩინოს მუშ უჩინებური რინული ციკლეფი უღჷ. კინოშა ეჩდოვითი წანერქ მორთჷ დო ვით წანაშა ირფელი ოჭიშუ, მუშეთ ოცნება შილებენ.

სიდნეი ლუმეტიქ ალ პაჩინოს არტისტიშ „ემოციური გოტარკალუაშ“ ინსტრუმენტი გიოდუ. არტისტის მიოჩქუ, ნამდა ბორჯიშ ულას „ემოციონალური ათლეტი“ იჸი. ხანწკჷმა ართო თიქ უმოსო გენძალიერჷ დო ორჯგინუ მორდებიანობას. თის პრემიერას „მორდიაშ“ ვეშულებუდჷ. ხვალე ეჩდოხუთი წანაშ უკული, ოიუბილე ძირაფას უჯინუ მუშ დუდს. სარკეს ინოჯინა დღას ვამაძირედჷ. ართ ბორჯის ოშქურუდჷ, ნამდა მუში გვარი კინოკარიერაშო ვერგებედ დო სონი სკოტიშ ფსევდონიმიშ ეჭოფუა ულამუდ. მუშ დუდიშენ პაჩინოქ შინუ: „ჩქიმი მელანქოლიური სახექ მაიკლ კორლეონეშე დებადჷ. ნიუ-იორკიშ ქუჩეფს შხირო მაიკლს მიძახუნა. მინშ მა მიმოჩქუ, ნამდა წორო თინა ვორექ“.

რიჩარდ მასამაშ როლიშ მამზადებელო პაჩინო ჸუდეს ხელუანური პუხუს ირთუდჷ; „ჭყოლირი სახეს“ მუშობაშ ბორჯის კუბური აქცენტით რაგადანდჷ; უსინთელე პოლკოვნიკიშ ლაჸაფი თიჯგურა ძნელი რდჷ, ნამდა დახე დასურო დებჸვერი. „მუჟამს ბლაჸაფენქინ, ედუმუშამი ჩქმი რინა პერსონაჟის რე კონცენტრირებული. თის ოკო დუთმე ედომუშამი ბორჯი, ოკო გოინტერესჷდას თიში პრობლემეფი, მეულა...”.

მაშკვითა ვითწანურშა გინობიჯგაფაშ უკულ ალ პაჩინო ბორჯიშ ტყურათ ხარჯეფას ურიდანს. „ორდო როლეფს ჟიმეჭიშაფილო გიშაბგორუნდი. ასე ბორჯი ბრელი ვამიღუ“. მუშ ბორჯის პაჩინოქ მიარე როლშე თქუ ვარია: „კრამერი კრამერიშ აწმარენჯო“, „მურიცხული ლჷმეფი“, „ზისნახე“, „კლუბი კოტონი“, „რემბო“, „ტრაფიკი“.

ალ პაჩინო ოცნებენს ილაჸაფას მარტინ სკორსეზეწკჷმა დო უკვე ვაოცნებენს ჰამლეტის როლს[2].

ფილმოგრაფია[რედაქტირაფა | წყუშ რედაქტირაფა]

აღმოჩენილია ლუპი თარგ: თარგი:ტელეფილმის-შიაღმოჩენილია ლუპი თარგ: თარგი:ტელეფილმის-ში

წანა მარგალურო ოდაბადური ჯოხოდვალა როლი
1972 მორდია The Godfather მაიკლ კორლეონე
1973 სერპიკო Serpico ფრენკ სერპიკო
1973 ოშქურინაია Scarecrow ფრანსის ლაიონელ დელბუში
1974 მორდია II The Godfather Part II მაიკლ კორლეონე
1975 ჯოღორული ონდღე Dog Day Afternoon სონი ვოიტოვიცი
1982 ავტორი, ავტორი Author! Author! ივან ტრავალიანი
1983 ჭყოლირი სახე Scarface ტონი მონტანა
1989 ჸოროფაში ზუღა Sea of Love ფრენკ კელერი
1990 დიკ ტრეისი Dick Tracy დიდი ბიჭი კარპისი
1990 მორდია III The Godfather Part III მაიკლ კორლეონე
1992 ოსურიშ შური Scent of a Woman ფრენკ სლეიდი
1992 გლენგარი გლენ როსი Glengarry Glen Ross რიკი რომა
1993 კარლიტოშ შოშე Carlito's Way კარლიტო ”ჩარლი” ბრიგანტე
1995 რკინება Heat ვინსენტ ჰანა
1999 დინახლენი The Insider ლოუელ ბერგმანი
2007 ოუშენიშ ვითოსუმი მაჸალე Ocean's Thirteen ვილი ბენკი
2008 ჸვილუაშ ნება Righteous Kill დეტექტივი დევიდ ფისკი
2013 თახმი კოჩეფი Stand Up Guys ვალენტინი

ფანია[რედაქტირაფა | წყუშ რედაქტირაფა]

  • ბაბუ: ჯეიმზ ჯერარდი
  • ბები: ქეით ჯერარდი
  • მუმა: ალფრედ პაჩინო, 18 წანერი რდჷ, მუჟამს ალ პაჩინოქ ერჩქინდჷნ, დიტუ ჸუდე, მუჟამსთ ალ პაჩინო რდჷ 2 წანერი
  • ნანა: როზა პაჩინო, ღურჷ 1962 წანას
  • დიდაჸონერი: კატერინა კოვინ-პაჩინო
  • დაჸონერი: რობერტა პაჩინო, პაულაშ ნაჟირა
  • დაჸონერი: პაულა პაჩინო, რობერტაშ ნაჟირა
  • სქუა: ჯულია მერი პაჩინო, დებადჷ 1989 წანაშ გჷმათუთას
  • სქუა: ანტონ პაჩინო, დებადჷ 2001 წანაშ 25 ღურთუთას, ოლივიაშ ნაჟირალი
  • სქუა: ოლივია პაჩინო, დებადჷ 2001 წანაშ 25 ღურთუთას, ანტონიშ ნაჟირალი

ჯილდოეფი დო ნომინაციეფი[რედაქტირაფა | წყუშ რედაქტირაფა]

ოსკარი[რედაქტირაფა | წყუშ რედაქტირაფა]

BAFTA[რედაქტირაფა | წყუშ რედაქტირაფა]

ემი[რედაქტირაფა | წყუშ რედაქტირაფა]

  • გომორძგუაფა: გიშარჩქინელი ლიდერი არტისტი მინისერიალს ვარდა ფილმის, Angels in America (2004)

ორქოშ გლობუსი[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]

Commons-logo.svg
ვიკიოწკარუეს? რე ხასჷლა თემაშენ:

სქოლიო[რედაქტირაფა | წყუშ რედაქტირაფა]

  1. Al Pacino Biography. The Biography Channel. კითხირიშ თარიღი: March 10, 2010.
  2. პიჯული რინა - ჟურნალი ”კაკადუ”, გვ 30-31. 19-25 ფურთუთა, 2003