გერი ოლდმენი

ვიკიპედიაშე
გერი ოლდმანი

დაბადებაშ ჯოხო გერი ლეონარდ ოლდმანი
დაბადებაშ აბანილონდონი, ინგლისი
დებადჷ 21 მელახი, 1958 (1958-03-21) (65 წანერი)
საქვარუა არტისტი, რეჟისორი, პროდიუსერი, სცენარისტი, მუსიკოსი
აკოქიმინჯალაშ წანეფი 1978–ასეშა
ალმასქუ(ეფი) ლესლი მენვილი (1987–1990)
უმა თურმანი (1990–1992)
დონია ფიორენტინო (1997–2001)
ალექსანდრა ედენბორო (2008–ასეშა)

გერი ლეონარდ ოლდმენი (ინგლ. Gary Oldman დ. 21 მელახი, 1958) — ინგლისარი არტისტი, რეჟისორი, სცენარისტი, პროდიუსერი დო მუსიკოსი, ჩინებული მუშ ფური როლეფით პოპულარულ ფილმეფს.[1] თის ნალაჸაფინეფი აფუ თიჯგურა ფილმეფს, მუჭომით რე სიდი დო ნენსი, დაცქვირინე ჸუჯეფი, ჯფკ, დრაკულა, თახმი ჸოროფა, ლეონი, მახუთა ელემენტი, პრეტენდენტი, ჰარი პოტერიშ ფილმეფიშ სერია, კრისტოფერ ნოლანიშ ბეტმენიშ ტრილოგია დო არიშკომაინჯე, მაჭალი, ჯარიშკოჩი, თხობელი, თეშ მუჭო ოტელევიზიე სერიალეფს მაჸალეფი დო დონთხაფილი ანგელოზეფი.

ბიოგრაფია[რედაქტირაფა | წყუშ რედაქტირაფა]

ოლდმენქ ჯარალუაშ თოლჸუჯიშ გიმე მოხვადჷ 1980-იან წანეფს, მუჟამსჷთ თიში როლეფშო კინოკრიტიკოს, როჯერ ებერტიქ[2] თის „საუჯგუშო ახალი ბრიტანელი არტისტი“ დუძახუ.[3] მაღალბიუჯეტიან ჰულივუდურ ფილმეფს თარი დო მაჟირახარისხუან როლეფწკჷმა ართო, თის ხოლო ულაჸაფინჷ დუდიშულ ფილმეფს დო ოტელევიზიე შოუეფს. 1997 წანას იჸუ თიში ორეჟისორე დებიუტიქ, მუჟამსჷთ გეგნიღჷ დო ჭარჷ ვაბყინტა, ფილმი, ნამუთ გარკვიებულ თიათ თიში ბაღანობაშა რდჷ დორსხუაფილი.[4] თინი ხოლო რდჷ ათე დო ხოლო მუსხირენ ფილმიშ პროდიუსერი.

შხვა ჯილდოეფწკჷმა ართო, ოლდმენს მეღებული აფუ ნომინაციეფი ემიშ, კინოარტისტეფიშ გილდიაშ დო ბაფტაშ დაჯილდოებეფს. თის შხირას უძახჷნა ართ–ართი საუჯგუშო არტისტის, ნამუეფით ოსკარს დღას ვაჸოფე ნომინირებული[5][6][7] თიში თიაშო ომენცარე ფანტასტიკასი, თიქ მიღჷ სატურნიშ ჯილდო. 1997 წანას მიღჷ ბაფტაშ ჟირი ჯილდო ფილმიშო „ვაბყინტა“, ნამუთ ხოლო მიშართჷ კანიშ კინოფესტივალს ოკონკურსე ფილმეფიშ ეკერეცხიშა. 2011 წანას, ჟურნალქ Empire თის გიოდვეს „კინოშ სიმბოლო“, მიშნაღელი თიაშო კინემატოგრაფიას.[8]

ფილმოგრაფია[რედაქტირაფა | წყუშ რედაქტირაფა]

წანა მარგალურო ოდაბადური ჯოხოდვალა როლი
1991 ჯფკ JFK ლი ჰარვი ოსვალდი
1992 ბრემ სტოკერიშ დრაკულა Bram Stoker's Dracula გრაფი დრაკულა
1994 ლეონი: პროფესიონალი Léon: The Professional ნორმან სტენსფილდი
1997 მახუთა ელემენტი The Fifth Element ჟან-ბაპტისტ ემანუელ ზორგი
2001 ჰანიბალი Hannibal მასონ ვერგერი
2001 მაჸალეეფი Friends რიჩარდი
2004 ჰარი პოტერი დო აზკაბანიშ ჯალი Harry Potter and the Prisoner of Azkaban სირიუს ბლეკი
2005 ჰარი პოტერი დო დაჩხერამი ნარგისი Harry Potter and the Goblet of Fire სირიუს ბლეკი
2005 ბეტმენი: დაჭყაფური Batman Begins ჯეიმზ გორდონი
2007 ჰარი პოტერი დო ფენიქსიშ ორდენი Harry Potter and the Order of the Phoenix სირიუს ბლეკი
2008 წკურუმია აიარი The Dark Knight ჯეიმზ გორდონი
2010 ილაიშ წინგი The Book of Eli კარნეგი
2011 მაინჯე, მაჭალი, ჯარიშკოჩი, თხობელი Tinker Tailor Soldier Spy ჯორჯ სმაილი
2012 წკურუმია აიარი: ეულა The Dark Knight Rises ჯეიმზ გორდონი
2012 უკანონე Lawless ფლოიდ ბანერი
2013 პარანოია Paranoia ნიკოლას ვაიატი
2014 რობოტი-პოლიციარი RoboCop დოქტორი დენეტ ნორტონი

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ:

სქოლიო[რედაქტირაფა | წყუშ რედაქტირაფა]

  1. Gary Oldman All Movie Guide biography. Allmovie.com (21 March 1958). კითხირიშ თარიღი: 23 March 2010.
  2. Riper, Tom Van (24 September 2007). The Top Pundits in America. Forbes.com. დოარქივაფილი რე ორიგინალშე 31 July 2012-ს. კითხირიშ თარიღი: 9 December 2008.
  3. Roger Ebert. “Prick Up Your Ears“, Chicago Sun-Times, 8 May 1987. კითხირიშ თარიღი: 21 May 2009. 
  4. Nil by Mouth (1997) – News
  5. Singer, Leigh. "Oscars: the best actors never to have been nominated". The Guardian. 19 February 2009. Retrieved 11 January 2010.
  6. Larnick, Eric. "Actors Who've Never Been Nominated for Oscars" Archived 2011-02-28 ვებ-ხასჷლას Wayback Machine. . Moviefone. 24 February 2011. Retrieved 18 March 2011.
  7. Fulton, Rick. "Gary Oldman: My career has been good but my kids are my biggest accomplishment". Daily Record. 18 March 2011. Retrieved 18 March 2011.
  8. Masters, Tim. Empire awards: Gary Oldman named film icon. BBC News. 27 March 2011. Retrieved 17 May 2011.