მერი შელი
| მერი შელი | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ფურთუთა 1, 1851 (53 წანერი) |
| ღურაშ აბანი: |
ლონდონი, ინგლისი |
| ერუანობა: | |
| საქვარუა: | |
| Magnum opus: |
ფრანკენშტაინი (1818) |
| ჟანრი: |
ფანტასტიკა, გოთიკური პროზა, მისტიკა |
| ნინა: | |
|
| |
მერი ვოლსტოუნკრაფტ შელი (ინგლ. Mary Wollstonecraft Shelley; დაბადებაშ გვარი: გოდვინი, ინგლ. Godwin; დ. 30 მარაშინათუთა, 1797, ლონდონი, ინგლისი — ღ. 1 ფურთუთა, 1851, ლონდონი, ინგლისი) — ინგლისარი ჭარუ დო ნოველისტი, ფანტასტიკური ჟანრიშ რომანიშ ფრანკენშტაინი-შ ავტორი. მერი შელიშ ქომონჯი რდჷ ინგლისარი რომანტიკოსი პოეტი პერსი ბიში შელი.
მერი შელიქ დებადჷ პოლიტიკური ფილოსოფოსიშ უილიამ გოდვინიშ დო ფილოსოფოსიშ, ფემინზმიშ აქტივისტიშ მერი უოლსტოუნკრაფტიშ ფანიას. მერის დიდაქ ადრე დუღურჷ დო უმოსო მუმა რდუნდჷ. 1814 წანას მერის მუშ მუმაშ პოლიტიკურ მაჸალექ, რომანტიკოსი პოეტიქ პერსი ბიში შელიქ ქეჸოროფჷ დო თიწკჷმა ართო საფრანგეთიშა მიდართჷ. უკულიან წანეფს ევროპას შარალენდეს. 1816 წანას, შვეიცარიაშ რინაშ ბორჯის, მერი შელის ქიდებადჷ ფრანკენშტაინი-შ ჭარუაშ იდეაქ. 1818 წანას მერიქ დო პერსიქ იტალიაშა მიდართეს. 1822 წანას პერსი ბიში შელიქ, ნოღა ვიარეჯოშ ხოლოს, წყარს დიშქვიდჷ. ართ წანაშ უკულ მერი შელიქ ინგლისიშა დირთჷ, სოდეთ ღურაშახ ცხოვრენდჷ. მერი შელიქ ღურუ 1851 წანაშ 1 ფურთუთას, ტვინიშ კიბოთ.
მერი შელი ფრანკენშტაინიშ გარდა რე ავტორი შხვადოშხვა ნოველეფიშ: ვალპერგა (1823), პერკინ უორბეკი (1830), ეკონია კოჩი (1826), ფოლკნერი (1837) დო შხვეფიშ.
ლიტერატურა
[რედაქტირაფა | წყუშ რედაქტირაფა]- Seymour, Miranda. Mary Shelley. London: John Murray, 2000. ISBN 0-7195-5711-9.
- Garrett, Martin Mary Shelley. Oxford: Oxford University Press. 2002. ISBN 0195217896