ოქსფორდიშ უნივერსიტეტი
| ოქსფორდიშ უნივერსიტეტი ინგლ. University of Oxford | |
| |
| დევიზი | Dominus illuminatio mea (ლათ.) |
|---|---|
| დირსხუ | 1096 |
| ტიპი | ოჯარალე |
| ფონდეფი | £ 6.1 მლრდ. (2019) |
| წორომახანდე | 6.995 (2020) |
| კანცლერი | კრის პატენი |
| სტუდენტი | 24,515 (2019) |
| ორენი | .svg){kind=small} ოქსფორდი, ინგლისი, გოართოიანაფილი ომაფე
|
| ფერეფი | Oxford Blue |
| საიტი | ox.ac.uk |
ოქსფორდიშ უნივერსიტეტი (ინგლ. University of Oxford) — უნივერსიტეტი გოართოიანაფილი ომაფეშ ნოღა ოქსფორდის. ოქსფორდიშ უნივერსიტეტიქ დირსხუ დოხოლაფირო 1096 წანას დო თინა რე ბრიტანეთიშ უჯვეშაში უნივერსიტეტი დო მოსოფელიშ მაჟირა უჯვეშაში უნივერსიტეტი. 1209 წანას უნივერსიტეტიშ სტუდენტეფიშ დო ოქსფორდიშ მახორობაშ შქას კონფლიქტიქ ქუმოხვადჷ დო ჸათეშ გეშათ უნივერსიტეტიშ ნამთინე პერსონალქ ოქსფორდი ქიდიტუ დო გეგნორთჷ კემბრიჯიშა, სოდეთ თინეფქ დარსხუეს კემბრიჯიშ უნივერსიტეტი. ჟირხოლო უნივერსიტეტი ასე შინელი რე მუჭოთ ოქსბრიჯი. ოქსფორდიშ უნივერსიტეტი იკათუანს 39 კოლეჯის. ოქსფორდიშ უნივერსიტეტიშ კოლეჯეფი ავტონომიური რე დო თინეფი აკონტროლენა მუნეფიშ დინახალენ სტრუქტურას დო ადმინისტრაციას. ოქსფორდიშ უნივერსიტეტის ვაუღუ თარი კამპუსი დო უნივერსიტეტიშ დგჷმილეფი გოფაჩილი რე ნოღა ოქსფორდიშ ცენტრიშ შხვადოშხვა არდგილეფს. ოქსფორდიშ უნივერსიტეტის იდვალუაფჷ მოსოფელიშ უჯვეშაში აშმოლიშ მუზეუმი დო ბრიტანეთიშ უდიდაში აკადემიური ბიბლიოთეკა. 2019 წანაშ 31 კვირკვეშ მუნაჩემეფით ოქსფორდიშ უნივერსიტეტიშ ფინანსური მუშნალი რდჷ £2.45 მილიარდი, ჸათავრეშე £624.8 მილიონი რდჷ გრანტეფიშე დო კონტრაქტეფიშე.
2020 წანაშ გჷმათუთაშ მუნაჩემეფით ოქსფორდიშ უნივერსიტეტიშ კურსნათებუეფი დო უნივერსიტეტიწკჷმა აფილირებულეფი რდეს: გოართოიანაფილი ომაფეშ 28 პრემიერ-მინისტრი, ნობელიშ პრემიაშ 72 ლაურეატი, ფილდსიშ მენდალიშ 3 ლაურეატი, ტიურინგიშ პრემიაშ 6 ლაურეატი, ოლიმპიადეფიშ 160 მენდალისტი, შხვადოშხვა სახენწჷფოეფიშ ლიდერეფი, გიშარჩქინელი პოლიტიკოსეფი, დიპლომატეფი დო შხვეფი.
რესურსეფი ინტერნეტის
[რედაქტირაფა | წყუშ რედაქტირაფა]
|
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |