სარგონ აქადალი

	სარგონ აქადალი
	სარგონ აქადალიშ ამნახანტი
	აქადიშ იმპერიაშ 1-ა მაფა
დუდალ. დაჭყაფუ:	ჯვ.წ. 2334 ვარ-და 2371
დუდალ. დათებუ:	ჯვ.წ. 2279 ვარ-და 2315
შხვა წოდებეფი:	მაფა ქიშიში, ლაგაშიში, უმაში დო ურუქიში, თაშნეშე შუმერიში, ელამიში, მარიში დო იარმუტიში დიდი ფეოდალი
წიმოხონი:	პოსტიქ გიჭყჷ
მონძე:	რიმუში
დაბ. თარიღი:	უჩინებუ
დაბ. აბანი:	აზუპირანუ, მესოპოტამია
ღურ. თარიღი:	უჩინებუ
ღურ. აბანი:	აქადიშ იმპერია
ალმასქუ:	ტაშლულტუმი
სქუალეფი:	ენჰედუანა, რიმუში, მანიშტუსუ, იბარუმი, აბაიშ-ტაკალი
ედომუშამი ჯოხო:	სარგონ აქადალი; სარგონ დიდი; ნანდული მაფა; ლეგიტიმური მაფა
დინასტია:	აქადეფიშ დინასტია
მუმა:	ლა'იბუმი (ბიოლოგიური); აკკი (მარდუალი)
ნანა:	უჩინებუ

სარგონ აქადალი — აქადიშ მაფა ჯვ. წ. 2369 –2314 წანეფს. სემიტური დინასტიაშ დჷმარსხუაფალი. ლეგენდაშ მეჯინათ, კათაშ დაბალი ფაშე გიშნაველი რდჷ. ოინალუდჷ ქიშიშ მაფა ურ-ზაბაბაშ ომაფე კარს. თაქ მოხვალამირჷ შონთით ირგებჷ დო ნ. აქადის ზოხორინელ მაფათ გჷნირთჷ. მალას ქჷდიჸუნუ ოორუე შქაწყარმალონა ნოღა ქიშიშამო დო გილესქერჷ ობჟათე შქაწყარმალონაშ მადუდე ლუგალზაგესიშ აწმარენჯ. ჯვ. წ. 2349 წანას, თის გიორჯგინჷ დო აკაართიანჷ ესომუშამი შქაწყარმალონა. აკანწყჷ 5400 კოჩიშე აკოდგინელი იროიანი ჯარი, ნამუთ ოკათე ლესქერიშ გვირზილს წჷმარინუანს. მუში პოლიტიკაშ მანჯაფაშ ბორჯის გეთმიოპონუდჷ ეკონომიკურო თიშა დოჸუნელ უაზნე მოხელეეფს დო მანინალე არისტოკრატიას. ომაფე ხეშუულაფას ქუდუჸუნუ ოხიდათ. ფართოთ გოფაჩჷ ოირიგაციე დო ოაკაგაფე სამუშეფი, ეკონომიკური რეფორმა მანჯჷ, გემშეღჷ ზჷმა-წონაშ ართოიანი სისტემა, ნამუქჷთ ხე ქეშუნწყუ დინოხოლენ დო გალენურ ვაჭარობაშ გოვითარაფას.