ტომას მორი
| ტომას მორი | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
კვირკვე 6, 1535 (57 წანერი) |
| ღურაშ აბანი: |
ლონდონი, ინგლისი |
| ერუანობა: | |
| საქვარუა: |
ჭარუ, ფილოსოფოსი, იურისტი |
| Magnum opus: |
უტოპია (1516) |
| ნინა: | |
|
| |
ტომას მორი (ინგლ. Sir Thomas More, კათოლიკური ეკლესიაშ წიმინდე ტომას მორი, დ. 7 ფურთუთა, 1478, ლონდონი, ინგლისი — ღ. 6 კვირკვე, 1535, ლონდონი, ინგლისი) — ინგლისარი ჭარუ, ფილოსოფოსი, იურისტი დო რენესანსიშ პერიოდიშ ჰუმანისტი, ინგლისიშ ლორდ-კანცლერი 1529-1532 წანეფს. რე შინელი სატირულ-პოლიტიკური წინგიშ "უტოპია"-შ ავტორი. წინგის ეჭარილი რე გჷმოგონილი კოკიშ ჯარალუა დო ჸათე ჯარალუაშ რელიგიური, სოციალური დო პოლიტიკური ასპექტეფი. წინგიქ ლათინურ ნინაშა გიშართჷ 1516 წანას.
ტომას მორი გურაფულენდჷ ოქსფორდიშ უნივერსიტეტის, ნამუთ ვაუთებუ. 1499 წანას მორიქ ლონდონიშა დირთჷ დო ქიდიჭყჷ იურისპრუდენციაშ გურაფა. მალას ადვოკატო გინირთჷ დო პროფესიული კარიერა ხოლო ქიდიჭყჷ. უკულიან წანეფს პოლიტიკას ქაკათჷ. რდჷ ინგლისიშ პარლამენტიშ მაკათური. 1529 წანაშ გჷმათუთაშე 1532 წანაშ მესიშახ მორის უკებუდჷ ინგლისიშ ლორდი-კანცლერიშ პოსტი, მაფა ჰენრი VIII-შ მონარქობაშ ბორჯის. ტომას მორი რდჷ პროტესტანტული რეფორმაციაშ ოპონენტი დო აკრიტიკენდჷ მარტინ ლუთერიშ, ულრიხ ცვინგლიშ, ჟან კალვინიშ დო უილიამ ტინდეილიშ თეოლოგიურ იდეეფს. თაშნეშე, ტომას მორი რდჷ მაფა ჰენრი VIII-შ ოპონენტი ხოლო დო თის ინგლისიშ ეკლესიაშ მადუდეთ ვაჩინებულენდჷ. ჰენრი VIII-წკჷმა ჸათე დო შხვა კონფლიქტიშ გეშა, ტომას მორის ღურა ქიმუსაჯეს დო 1535 წანაშ 6 კვირკვეს ეშაფოტის დუდი მეკვათეს. 1935 წანაშე რომიშ პაპა პიუს XI-შ ინიციატივათ ტომას მორი კანონიზებული რე.
რესურსეფი ინტერნეტის
[რედაქტირაფა | წყუშ რედაქტირაფა]
- ტომას მორი ენციკლოპედია ბრიტანიკას
- ტომას მორიშ რკვიებეფიშ ცენტრი
- Thomas More Studies database Archived 20 June 2012 ვებ-ხასჷლას Wayback Machine. : contains several of More's English works, including dialogues, early poetry and letters, as well as journal articles and biographical material
- ტომას მორი - ნახანდეფი პროექტ „გუტენბერგის“
- Thomas More and Utopias Archived 2020-11-07 ვებ-ხასჷლას Wayback Machine. – a learning resource from the British Library