ფანია

ფანია, ნახანტა

ვაჟა-ფშაველაშფანია

ფანია — გურგინუაშ დო მოგჯირალა ოსხირშა გოჭყაფილი მორჩილი სოციალური ბუნა, ნამუშ მაკათურეფი მერსხილი რენა ართიანწკჷმა ჸოფა-რინაშ ართობათ, ურთიართალარინათ დო მორალური გამამინჯალათ. ფანიაშ სოციალურ უციობას გჷთმოპიჯანს ჯარალუაშ ფიზიკური დო შურიელი მოახალაფაშ მოთხირი. ათე სოციალური ართულიშ ბიოლოგიურ დაჭყაფუს გურგინუა დო გეხალარა წჷმარინუანს. ფანია ჯარალუაშ სპეციფიკური გიმენსისტემა რე, ნამუთ ურთიართგჷმათანჯე რსხუს რე ჯარალუაშ შხვა გიმენსისტემეფწკჷმა (მარა კანკალე ზოხორინალათ იხასიათებუ); თის უღჷ გოვითარაფაშ ფაზეფი დო ფანიაშ მაკათურეფიშ გარკვიული სტრუქტურა.

ფანია ჯარალობური შანულობა მოურს თიში ანდაფერუანი ფუნქციეფშე, ნამუთ ედომშამი ჯარალუაშ დო პიჯეფიშ მოთხირეფიშ გოვითარფაშ გეთხოზინით ითირუ. ართი რანწკიშ ფუნქციეფი დახე ირიათო სქიდუ თარუანობას, მაჟირეფი, შხვადოშხვა კულტურულ-ისტორიულ დო სოციალურ-ეკონომიკური ნწკარუაშ პიჯალეფს, შხვადოშხვა ჭყანათ ქიმინჯენა ვარ-და დინჷნა. მასუმეფი — ჭიე-ჭიეთ მაძინუ ჯარალუაშ შანულობას ღებულენა.

ფანიაქ გიჭყჷ პირველჸოფურ ჯარალუას (შქა პალეოლითი) გურგინუაშ, მუჭოთ სოციალური ინსტიტუტიშ, გოჭყაფაშ გეთხოზინით. გურგინუაშ დო ფანიაშ, მუჭოთ სოციალური მოლინაშ, პირველი ფორმა რდჷ ჭკობაფონი ფანია (ართი ჭკობაშ ვა ხვალე სქესობური, თაშნეშე სოციალურ-ეკონომიკური რსხუ, ნამუქჷთ დოთირჷ თეიშახ რინელი ბუნური სქესობური ურთიართობა). მარა ჭკობაფონი ფანია, ფენდამი ვა რდჷ დო ლექინას აკმოცენდჷ. თეს გჷთმოპიჯანსუ თი ფაქტი, ნამჷ-და ფანიაშ გოვითარაფაშ თე ეშალს ადამიერეფიშ ოხანდე დო ჸოფა-რინაშ ართობაშ ფორმას, თარ სოციალურ ორგანიზმის, გვარი წჷმარინუანდუ.

თეხანური ტენდენციეფიშ დო გიშაკერზაფილო ბჟადალიშ ჯარალუაშ რეალობაშ გოთოლწონაფათ, ფანია ისხუნუაფუ გეჸვენჯიშობურო: „ფანია რე გურგინელი ალმასქუეფიშ სქუალეფით ვარ-და თინეფიშ უმუშო, ვარ-და ხვალეხე მასქერი სქუათ“. ასე, ფანია რე ჯარალუაშ კურთხუ (მორჩილი სოციალური ბუნა) გერსხილი ჩილ დო ქომონჯურ რსხუშა დო მოჯგირულ ურთიართონეფშა, ანუ თინა იკათუანს ჩილ დო ქომონჯიშ ცშქას, მასქერეფს დო სქუალეფს შქას, დეფს დო ჯიმალეფს შქას დო შხვა მოჯგირეეფს შქას ურთიართობეფს, ურთიართობეფს თი ადამიერეფს შქას, ნამუეფთ ართო რენა დო უნჯღვერჷნა ართამ მეურნალას. ფანია არსულენს უკაბეტაშ როლს, მუჭოთ ზოხოიან პიჯეფიშ, თეშ ედომუშამი ჯარალუაშ რინას. ფანია სოციალურ-ბიოლოგიური გუნაჭყა რე. თის გუთმოპიჯანა, მუჭოთ სოციალური, ტეშ ბიოლოგიური მოთხირეფი (სქესობური ინსტინქტეფი).

საქორთუოშ ომენოღალე სამართალიშ მეჯინათ, ფანია ოსურიშ დო ქომოლკოჩიშ ნებაჸოფური რსხუ რე, ნამუთ რეგისტრირაფილი რე სახენწჷფო ორგანოა, ანდანე, სამართლებური თოლწონუათ, ხვალე თეჯგურა რეგისტრაცია გჷთმაჭყანს ალმასქუეფს შქას გუთმაჭყანს გოთანჯილ თია-საღალეეფს.

რესურსეფი ინტერნეტის

• შეგილებუნა ქოძირათ მედიაფაილეფი თემაშე „ფანია“ ვიკიოწკარუეს.
• ფანია – ენციკლოპედია ბრიტანიკა (ინგლისური)

ლიტერატურა

• ბექაია მ., ქორთული სხუნუეფიშ ენციკლოპედია, ტ. 7, ხს. 626-627, ქართი, 1984 წანა.
• ბექაია მ., ოჯახის განვითარების სოციალური პრობლემები, თბ., 1980;
• ითონიშვილი ვ., ქართველ მთიელთა საოჯახო ურთიერთობის ისტორიიდან, თბ., 1960;
• ნადარეიშვილი მ., ქართული საოჯახო სამართლის ისტორიიდან, თბ., 1965;
• ჭყონია ი., ქორწინების ინსტიტუტი მთიულეთში, თბ., 1955.